(ភ្នំពេញ)៖ ណេតបង្កប់ល្បែងស៊ីសង គ្រប់ប្រភេទ យីហោ SBC 369 កំពុងតែពង្រីកសាខា បេីកដំណើរការទទួលភ្ញៀវ ២៤ម៉ោង ក្នុងខណ្ឌមានជ័យ ខណៈអាជ្ញាធរមូលដ្ឋានខណ្ឌមានជ័យ បេីកភ្លើងខៀវឲ្យដំណើរការណ៍ ។
ដោយទីតាំងទី១. ទល់មុខផ្សារស្ទឹងមានជ័យចាស់ ផ្លូវ២១៧ ក្នុងសង្កាត់ស្ទឹងមានជ័យទី២ ខណ្ឌមានជ័យ ។
ទីតាំងទី២. ជិតក្លោងទ្វារវត្តសន្សំកុសល ផ្លូវ២៧១ ក្នុងសង្កាត់បឹងទំពុនទី១ ខណ្ឌមានជ័យ ។
ពលរដ្ឋបានលើកឡើងថា ទីតាំងណេតបង្កប់ល្បែងស៊ីសង គ្រប់ប្រភេទ យីហោ SBC 369 ពីមួយថ្ងៃទៅមួយថ្ងៃគេសង្កេតឃើញថាមានមនុស្សចូលលេងយ៉ាងច្រើនកុះករយ៉ាងពពាក់ពពូនដោយមិនខ្លាចញញើតនិងអាជ្ញាធរក្នុងមូលដ្ឋានឡើយ។ម្យ៉ាងវិញទៀតអាជ្ញាធរនិងសមត្ថកិច្ចពាក់ព័ន្ធនៅក្នុងមូលដ្ឋានមិនមានវិធានការបង្ក្រាបនោះឡើយ។
សូមបញ្ជាក់ថា កន្លងមក លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងលោក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ បានដាក់បទបញ្ជានិងព្រមានចាត់វិធានការក្តៅទៅលើមន្ត្រីក្រោមឱវាទ អធិការ ក្រុង-ស្រុក និងនាយប៉ុស្តិ៍រដ្ឋបាលឃុំ-សង្កាត់នានា ដែលទុកបណ្តោយឲ្យមានសកម្មភាពល្បែងស៊ីសងគ្រប់ប្រភេទខុសច្បាប់។
ចំណែក សម្ដេចក្រឡាហោម ស ខេង រដ្ឋមន្រ្តីក្រសួងមហាផ្ទៃ ក៏ធ្លាប់បានដាក់បទបញ្ជាឲ្យមន្ត្រីនគរបាលដែលពាក់ពន្ធ័ត្រូវតែបង្ក្រាបរាល់ល្បែងស៊ីសង ខុសច្បាប់គ្រប់ប្រភេទ មិនត្រូវមានការយោគយល់ឡើយ ដោយរាជរដ្ឋាភិបាលបានខិតខំលុបបំបាត់ល្បែងស៊ីសង បញ្ហាគ្រឿងញៀន ។ល។ ព្រោះថាបញ្ហាអសន្តិសុខ ឆក់ ប្លន់ ក៏ដូចជាអំពើហិង្សាក្នុងគ្រួសារ កើតឡើងដោយសារល្បែងសង ដើម្បីធានាឲ្យបាននូវ សន្តិសុខ សណ្តាប់ ភាព សុខសាន្តជូនប្រជាពលរដ្ឋ ស្របតាមទិសស្លោក «រាជរដ្ឋាភិបាល លើយន្តការអនុវត្តគោលនយោបាយភូមិ-សង្កាត់មានសុវត្ថិភាព» ទាំង៧ចំណុចដែលបានដាក់ចេញ៕
