ដោយសារតែការខ្វះសមត្ថភាព លោក ម៉ន វុធី អធិការខណ្ឌ ពោធិ៍សែនជ័យ ករណីលួច ឆក់ ប្លន់ នៅបន្តកេីតមានជា ហូរហែ

June 25, 2022 adm Comment(0)

(ភ្នំពេញ) ៖ ប្រជាពលរដ្ឋដែលជាម្ចាស់ផ្ទះ ដែលត្រូវក្រុមចោរលួចគាស់សោរផ្ទះចូលយកសម្ភារៈ បានរាយការណ៍ប្រាប់អ្នកសារ ព័ត៌មាន ឲ្យ ដឹង ថា នៅយប់ថ្ងៃទី២៥ ខែមិថុនា ឆ្នាំ២០២២ ក្រុមចោរបានចូលមកលួចគាស់សោរផ្ទះរបស់ពួកគាត់ ចូលរើកកាយយកសម្ភារគិតជាប្រាក់អស់ជាងប្រាំរយដុល្លារ។

ប្រភព សុំមិនបញ្ចេញឈ្មោះ បានរៀបរាប់ប្រាប់អង្គភាពយើងថា នៅយប់ថ្ងៃកើតហេតុដោយសារពួកគាត់មានកម្មវិធីនៅខាងក្រៅមិនបានមកផ្ទះវិញទេ ហើយក៏បានចាក់សោរផ្ទះត្រឹមត្រូវ លុះព្រឹកឡើងទើបអ្នកជិតខាងខលប្រាប់ពួកគាត់ ឲ្យត្រឡាប់មកវិញ ទើបឃើញបាត់បាស់មួយ ដែលមានតម្លៃជាងប្រាំរយដុល្លារ ចំណែកម្ចាស់ផ្ទះមួយទៀត មិនមានការបាត់បង់អីទេ។

ប្រជាពលរដ្ឋបានប្រាប់បន្តទៀតថា ទីតាំងដែលក្រុមចោរលួចគាស់សោរផ្ទះនោះ ទីមួយផ្ទះលេខ២D និងផ្ទះលេខ៣D ស្ថិតនៅ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ហើយពួកវាបានធ្វើសកម្មភាពនៅវេលាម៉ោងប្រហែលជា៣ទៀបភ្លឺ ថ្ងៃទី២៥ ខែមិថុនា ឆ្នាំ២០២២។

ប្រជាពលរដ្ឋបានបន្តឲ្យដឹងទៀតថា ករណីចោរលួច, ចោរឆក់, គាស់ផ្ទះ, តែងតែកើតមានស្ទើររាល់យប់រាល់ថ្ងៃ ខណៈសមត្ថកិច្ចនគរបាលប៉ុស្តិ៍សំរោងក្រោម និងអធិការនគរបាលខណ្ឌពោធិ៍សែនជ័យ មិនទាន់បង្ក្រាបបាននៅឡើយ។

ជាក់ស្តែរយៈពេលពីរបីយប់ជាប់គ្នានេះ គឺមានករណីលួចរ៉ឺម៉ករបស់ពលរដ្ឋ និងជាក់ស្តែយប់នេះ ក៏ពួកវាលួចគាស់សោរផ្ទះលួចយកសម្ភារៈទៀត។ ប្រជាពលរដ្ឋរស់នៅភូមិតិក្ខប្បញោ ជាពិសេសនៅម្តុំកន្លែងកើតហេតុតែម្តង សូមសំណោមពរឲ្យលោកមេប៉ុស្តិ៍ និងលោក ម៉ន វុធី អធិការនគរបាលខណ្ឌពោធិ៍សែនជ័យ ជួយដាក់កម្លាំងល្បាតក្នុងមូលដ្ឋាន ដើម្បីទប់ស្កាត់រាល់បទល្មើសទាំងនេះផង។

គួរំលឹកថា កន្លងមក បទល្មើសឆក់, ប្លន់, លួចគាស់ផ្ទះ, លួចស្លាកលេខរថយន្ត, ឆ្កិះកញ្ចក់រថយន្តស៊េរីទំនើប តែងតែកើតមានជាញឹកញាប់ក្នុងមូលដ្ឋានខណ្ឌពោធិ៍សែនជ័យ។ ដូចច្នេះ គួរតែមានវិធានការណ៍ទប់ស្កាត់ឲ្យបានម៉ឺងម៉ាត់បំផុត តបតាម គោលនយោបាយ ទាំង ៧ ចំណុច របស់ រាជរដ្ឋាភិបាល ដែរ បាន ដាក់ ចេញ ៕

adm

ព័ត៌មានសន្តិសុខសង្គម

បែកធ្លាយ! ឧកញ៉ាម្នាក់កំពុងរត់ការឲ្យតុលាការខេត្តកំពង់ស្ពឺដោះលែងឈ្មោះ អឿន ធួន ដែលល្បីខាងឆបោករឿងដីធ្លី

January 18, 2022 adm

(កំពង់ស្ពឺ)៖ ប្រភពច្បាស់ការពីតុលាការខេត្តកំពង់ស្ពឺ បានឲ្យដឹងថា មានឧកញ៉ាធំម្នាក់កំពុងអន្តរាគមន៍ ឲ្យចៅក្រមស៊ើបសួរដោះលែងជនត្រូវចោទឈ្មោះ អឿន ធួន នៅរសៀលថ្ងៃនេះ ជាបន្ទាន់។ ប្រភពដដែលបញ្ជាក់ថា ឧកញ៉ារូបនោះថែមទាំងប្រើឈ្មោះថ្នាក់ដឹកនាំទៅអន្តរាគមន៍នៅស្ថាប័នតុលាការខេត្តកំពង់ស្ពឺ ដើម្បីឲ្យដោះ ជនឆបោកឈ្មោះ អឿន ធួន ថែមទៀតផង។ ការលួកដៃក្នុងនីតិវិធីរបស់តុលាការ ពីសំណាក់ឧកញ៉ាធំនោះ បានធ្វើឡើងបន្ទាប់ពីកម្លាំងនគរបាលខេត្តកំពង់ស្ពឺ ចាប់ខ្លួនជនឆបោកឈ្មោះ អឿន ធួន កាលពីថ្ងៃទី១៧ ខែមករា ឆ្នាំ២០២២ តាមដីកាបង្គាប់ឲ្យនាំខ្លួន របស់លោកចៅក្រម នួន វុទ្ធី អនុប្រធានសាលាដំបូងខេត្តកំពង់ស្ពឺ ក្រោមបទចោទ គំរាមកំហែងដោយមានបញ្ជាឲ្យបំពេញលក្ខខណ្ឌអ្វីមួយ ក្នុងការទិញលក់ដីទំហំ ២៧ហិកតា ប្រព្រឹត្តនៅភូមិបឹងធ្នង់ និងភូមិព្រៃរំដួលខាងត្បូង ឃុំបរសេដ្ឋ ខេត្តកំពង់ស្ពឺ កាលពីអំឡុងឆ្នាំ២០២១ យោងតាមមាត្រា ២៣២ នៃក្រមព្រហ្មទណ្ឌ។ ការចាប់ខ្លួនជនត្រូវចោទឈ្មោះ អឿន ធួន បានធ្វើឡើងបន្ទាប់ពីជនត្រូវចោទ មិនព្រមចូលខ្លួនឆ្លើយបំភ្លឺចំពោះមុខចៅក្រមស៊ើបសួរតាមនីតិវិធី និងព្យាយាមគេចខ្លួនពីសំណាញ់ច្បាប់។ ប្រជាពលរដ្ឋរងគ្រោះជាច្រើននាក់កំពុងរងចាំមើលថា តើតុលាការខេត្តកំពង់ស្ពឺ ហ៊ានចេញដីកាឃុំខ្លួនជនល្មើសឈ្មោះ អឿន ធួន ដែរឬទេ? ឬក៏ត្រូវដោះលែងជនល្មើសរូបនេះតាមការបញ្ជារបស់លោកឧកញ៉ាធំ […]

ព័ត៌មានរាយការណ៍ ព័ត៌មានសន្តិសុខសង្គម

លោកឈឿន សុចិត្ត ស្នងការនគរបាលខេត្តកណ្តាល បញ្ជាឲ្យបង្ក្រាបទីតាំងលេងល្បែងស៊ីសងជល់មាន់ចាប់បានតែវត្ថុតាងមួយចំនួន

August 22, 2021 adm

(ខេត្តកណ្តាល)៖ ដោយមានការបញ្ជាដឹកនាំផ្ទាល់ពីលោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ក្រុមការងារប្រតិកម្មរហ័សនៃស្នងការដ្ឋានមានកិត្តិយសសូមធ្វើការឆ្លើយតបទៅនឹងប្រជាពលរដ្ឋដែលសុំមិនបញ្ចេញឈ្មោះបានរាយការណ៍ចូលក្នុងផេកស្នងការដ្ឋាននគរបាលខេត្តកណ្ដាល មានខ្លឹមសារថា៖ សូមគោរពលោកស្នងការខេត្តកណ្ដាលជាទីគោរព មានករណីលេងល្បែងជល់មាន់ប្រមូលផ្ដុំគ្នាលេងមនុស្សច្រើននៅភូមិឫស្សីដាច់ឃុំព្រែកអំបិលស្រុកស្អាងខេត្តកណ្ដាល។ ក្រោយពីទទួលបានព័ត៌មាននេះភ្លាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្ដាលធ្វើការណែនាំជាបន្ទាន់ដល់លោកអធិការនគរបាលស្រុកស្អាងៗ បានបញ្ជាទៅប៉ុស្តិ៍នគរបាលរដ្ឋបាលព្រែកអំបិល ឲ្យចុះស្រាវជ្រាវរកករណីខាងលើដែលបងប្អូនប្រជាពលរដ្ឋបានរាយការណ៍មក។ ជាលទ្ធផលនៅថ្ងៃអាទិត្យ ទី២២ ខែសីហា ឆ្នាំ២០២១ នៅវេលាម៉ោង ១២:៥០នាទី កម្លាំងប៉ុស្តិ៍នគរបាលរដ្ឋបាលព្រែកអំបិល ចំនួន០៤នាក់ សហការជាមួយកម្លាំងប្រជាការពារចំនួន០២នាក់បានចុះទៅដល់ទីតាំងលើខ្នងស្រះមិនស្គាល់ម្ចាស់ជាប់សាលារៀនឬស្សីដាច់នៅភូមិឬស្សីដាច់ឃុំព្រែកអំបិលស្រុកស្អាងខេត្តកណ្ដាល ពេលទៅជិតដល់ទីតាំងប្រហែលចម្ងាយ ១៥០ម៉ែត្រក្រុមអ្នកជល់មាន់មានគ្នាប្រហែល ២០នាក់ឃើញសមត្ថកិច្ចក៏នាំគ្នារត់អស់បន្សល់ទុកវត្ថុតាងរួមមាន៖មាន់ឈ្មោល០២ក្បាលរស់០១ក្បាលងាប់០១ក្បាល និងស្បែកជើង០២រគូកន្ត្រកសម្រាប់ដាក់មាន់ចំនួន០៣ និងស្កុតរុំខ្នាយមាន់មួយចំនួន។ វត្ថុតាងខាងលើសមត្ថកិច្ចប៉ុស្តិ៍នគរបាលរដ្ឋបាលព្រែកអំបិលយកមករក្សាទុកនៅប៉ុស្តិ៍។ ចំពោះជនសង្ស័យសមត្ថកិច្ចកំពុងស្រាវជ្រាវរកដើម្បីកសាងសំណុំរឿងតាមនីតិវិធី៕

ព័ត៌មានសន្តិសុខសង្គម

បុរសពីនាក់រងរបួសធ្ងន់ស្រាល ខណៈជិះម៉ូតូវ៉ាជែងរថយន្តខ្វះការប្រុងប្រយ័ត្នត្រូវរថយន្តមួយគ្រឿងបុកពីក្រោយ

May 26, 2021 adm

(ភ្នំពេញ) ៖ ដោយសារកត្តាមនុស្ស បើកបរខ្វះការប្រុងប្រយ័ត្ន បង្កជាករណីគ្រោះថ្នាក់ចរាចរណ៍ ដែលបុរសពីនាក់ជិះម៉ូតូវាជែងរថយន្តខ្វះការប្រុងប្រយ័ត្ន ត្រូវរថយន្តមួយគ្រឿងទៀតបុកពីរក្រោយ។ ហេតុការណ៍នេះបានកើតឡើងកាលពីវេលាម៉ោង ១ និង ៥០ នាទីរសៀល ថ្ងៃទី២៦ ខែឧសភា ឆ្នាំ២០២១ ស្ថិតតាមបណ្តោយផ្លូវជាតិលេខ៦ ត្រង់ចំណុចមុខគក្លោងទ្វារ បុរីវិមានភ្នំពេញ ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។ តាមប្រភពព័ត៌មាននៅកន្លែងកើតហេតុ បានប្រាប់ឱ្យដឹងថា មុនពេលកើតហេតុគេបានឃើញ បុរស២នាក់ជិះម៉ូតូមួយគ្រឿង ម៉ាក ស្មាស់រុីវូ ពាក់ស្លាកលេខ ភ្នំពេញ 1AQ-3503 តាមបណ្តោយផ្លូវជាតិលេខ៦ ទិសដៅពីជើងទៅត្បូង ខណៈ ពេលមកដល់ចំណុចកេីតហេតុ ម៉ូតូ ក៏បានជិះវ៉ារថយន្ត មួយគ្រឿង ដោយខ្វះការប្រុងប្រយ័ត្ន ស្រាប់តែមានរថយន្ត មួយគ្រឿង ម៉ាកសាំយ៉ុង ពាក់ស្លាកលេខ ភ្នំពេញ2AQ-3597 ដែលបើកបរស្របទិសគ្នា ក៏បានបុកម៉ូតូពីក្រោយយ៉ាងពេញទំហឹង ខណៈពេលម៉ូតូកំពុងវាជែងរថយន្តនៅខាងមុខ បណ្តាលឱ្យភាគីខាងម៉ូតូ រងរបួសធ្ងន់ស្រាល ២នាក់ ត្រូវបានបញ្ជូនទៅសង្គ្រោះនៅមន្ទីពេទ្យភ្លាមៗ ចំណែករថយន្តបានបេីកទៅមុខប្រហែលជា ៥ម៉ែត្រ រួចម្ចាស់រថយន្ត បេីកទ្វាររត់យករួចខ្លួនតែម្តង។ ក្រោយពេលកេីតហេតុ […]