(ខេត្តកំពង់ចាម)៖ កាលពីរសៀលថ្ងៃទី២៤ ខែកញ្ញា ឆ្នាំ២០២២ មានករណីលិចទូកដ ១កន្លែង បានកើតឡើង នៅចំណុចស្ពានអូងគោ ស្រុកកោះសូទិន ខេត្តកំពង់ចាម (ទីតាំងនេះ គឺជាព្រំប្រទល់រវាងស្រុកកោះសូទិន ខេត្តកំពង់ចាម និងស្រុកត្បូងឃ្មុំ ខេត្តត្បូងឃ្មុំ) បណ្តាលឲ្យក្មេងស្រីម្នាក់ បានស្លាប់បាត់បង់ជីវិត ខណៈពេលដែល ទូកកំពុងចម្លងមនុស្សស្រីប្រុសប្រមាណជិត ២០នាក់ និងម៉ូតូ ចំនួន ៦គ្រឿង ។
បេីតាមការបញ្ជាក់ ពីប្រជាពលរដ្ឋ នៅតំបន់នោះបានឲ្យដឹងថា នៅពេលទឹកឡេីងម្តងៗ តែងតែមានទូក ដ ចំលងនៅចំណុចកេីតហេតុនេះ ដោយទូក ដរនោះ គេធ្វេីអំពីឈេី និងក្រងឬស្សីយកទូក ២ភ្ជាប់គ្នា ដេីម្បី ចម្លងមនុស្ស និងម៉ូតូ ជាអកុសល ស្រាប់តែទូកដរបានលិច ទំនងអាចមកពីទូកផ្ទុកមនុស្ស និងម៉ូតូហួសលើសកំណត់ ទើបបណ្តាលឲ្យកេីតហេតុយ៉ាងដូច្នេះ ។
បច្ចុប្បន្ន ក្មេងស្រីវ័យ ១២ឆ្នាំ ដែលបានស្លាប់បាត់បង់ជីវិតនោះ ត្រូវបានសមត្ថកិច្ច ប្រគល់ជូនក្រុមគ្រួសារ យកធ្វេីបុណ្យតាមប្រពៃណីហើយ ៕