(ខេត្តកណ្តាល)៖ លោក ប៊ុន ផេង អភិបាលស្រុក និងជាប្រធានអនុសាខាកាកបាទក្រហមស្រុក, លោក អ៊ុំ ចន ប្រធានក្រុមប្រឹក្សាស្រុក ដោយមានការចូលរួមពី លោក លោកស្រី អភិបាលរងស្រុក, លោក លោកស្រី សមាជិកគណៈកម្មាធិការអនុសាខាកាកបាទស្រុក មន្រ្តីសាលាស្រុក ក្នុងពិធីប្រគល់ និងទទួលអំណោយ ជូនដល់អនុសាខាកាកបាទក្រហមស្រុក ដោយមានការឧបត្ដម្ភ ពីព្រះឃោសធម្ម លន់ សុគន្ធា ព្រះរាជាគណៈថ្នាក់ទោ ព្រះវិន័យធរគណខេត្តកណ្តាល និងជាព្រះអនុគណស្រុកខ្សាច់កណ្តាល និងព្រះមន្ត្រីសង្ឃ ក្នុងស្រុកខ្សាច់កណ្ដាល ដើម្បីចូលរួមធ្វើសកម្មភាពមនុស្សធម៌ នៅអនុសាខាកាកបាទក្រហមស្រុកខ្សាច់កណ្ដាល ឃុំស្វាយជ្រំ(វត្តស្វាយជ្រំ) ។
ក្នុងនោះផងដែរ អំណោយបានចែកជូន រួមមាន ៖
⁃ អង្ករ ចំនួន ២,១០០គ.ក្រ
⁃ មី ចំនួន ៤២កេស
⁃ ទឹកសុទ្ធ ចំនួន ៤២កេស
⁃ ទឹកក្រូច ចំនួន ៤២កេស
⁃ ត្រីខ ចំនួន ៤២យួរ
⁃ ទឹកត្រី ៤២យួរ
⁃ ទឹកស៊ីអុីវ ៤២យួរ
⁃ អំពិល ៤២កញ្ចប់
⁃ ស្ករសរ ៤២ កញ្ចប់
ក្នុងឱកាសដ៏ថ្លៃថ្លានេះ ក្រុមប្រឹក្សាស្រុក អភិបាលនៃគណៈអភិបាលស្រុក មន្រី្តទូទាំងស្រុកខ្សាច់កណ្តាល សូមប្រគេនពរ គោរពឧទ្ទិសបួងសួងដល់ទេវតា វត្ថុស័ក្កសិទ្ធក្នុងលោកតាមបីបាច់ថែរក្សា ប្រោសព្រំ និងប្រសិទ្ធពរជ័យ ប្រគេនជូន ព្រះឃោសធម្ម លន់ សុគន្ធា និងព្រះមន្ត្រីសង្ឃគ្រប់ថ្នាក់ ក្នុងស្រុកខ្សាច់កណ្តាល សូមសមប្រកបនូវពុទ្ធ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងជៀសផុតពីជំងឺដ៏កាចសាហាវមួយនេះ 🙏🏻៕
ដោយ៖ សុវណ្ណារាជ រតនា
