ព័ត៌មានជាតិ

ឯកឧត្តម អ៊ុន ចាន់ដា អញ្ជើញទទួលអំណោយជាបន្តបន្ទាប់ពីសប្បុរសជន

July 22, 2021July 22, 2021 adm Comment(0)

(ខេត្ដកំពង់ចាម)៖ ដោយការជឿជាក់លើការដឹកនាំរបស់ឯកឧត្តម អភិបាលនៃគណៈអភិបាលខេត្តកំពង់ចាម

ឃើញថាមានសប្បុរសជនជាបន្តបន្ទាប់បានចូលរួមបរិច្ចាគនូវសម្ភារៈ និងថវិកា ជូនដល់រដ្ឋបាលខេត្តកំពង់ចាម ដើម្បីរួមចំណែកក្នុងការប្រយុទ្ធនឹងជំងឺកូវីដ-១៩។
ជាក់ស្ដែង នៅព្រឹកថ្ងៃទី២២ ខែកក្តដា ឆ្នាំ២០២១នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ និងឯកឧត្តម លោកជំទាវអភិបាលខេត្ត អញ្ជើញទទួលអំណោយជាពីសប្បុរសជន ជួយក្នុងយុទ្ធនាការប្រយុទ្ធនឹងជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ។
អំណោយដែលរដ្ឋបាលខេត្តទទួលបាននាពេលនេះ រួមមាន៖
១, លោក លី គឹមឆេង និងលោកស្រី សៀង ហ៊ួង ឧបត្ថម្ភ តេស្តរហ័សចំនួន ១,១១១ ដើម និងម៉ាសចំនួន ០៣កេសធំ។
២, លោក ហុង សុវណ្ណឌី និងក្រុមគ្រួសារ ឧបត្ថម្ភម៉ាស់ ០៤កេសធំ- អាវPPE ចំនួន ៣ កេស-អាកុលចំនួន ៣ កាន និងថវិកា ចំនួន ៦ លានរៀល។

ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានថ្លែងអំណរគុណយ៉ាងជ្រាលជ្រៅចំពោះសប្បុរសជននានា ដែលបានបរិច្ចាគថវិកាផ្ទាល់ខ្លួន រួមនឹងបរិក្ខារពេទ្យ ជូនមកគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ ដើម្បីជួយលើយុទ្ធនាការ ប្រយុទ្ធនឹងជំងឺកូវីដ-១៩ ។ ឯកឧត្តមអភិបាលខេត្ត ថ្លែងថា ចំពោះអំណោយមនុស្សធម៌នាពេលនេះ គឺជាការចូលរួមចំណែកយ៉ាងធំធេងជាមួយរដ្ឋបាលខេត្តកំពង់ចាម ក្នុងការចូលរួមប្រយុទ្ធនឹងការឆ្លងរាតត្បាតនៃជំងឺកូវីដ-១៩ ក្នុងក្របខណ្ឌខេត្ត និងជាឆ្លើយតបទៅនឹងស្ថានភាពបច្ចុប្បន្ន ស្របពេលដែលមេរោគដ៏កំណាចនេះ កំពុងគម្រាមកំហែងយ៉ាងធ្ងន់ធ្ងរដល់សេដ្ឋកិច្ច និងអាយុជីវិតរបស់ប្រជាពលរដ្ឋកម្ពុជា នៅក្នុងសហគមន៍ក៏ដូចជាប្រជាពលរដ្ឋនៅក្នុងពិភពលោកជារៀងរាល់ថ្ងៃផងដែរ៕

adm

ព័ត៌មានជាតិ

ឯកឧត្តមអភិបាលខេត្តកណ្តាល អញ្ជើញជាអធិបតី ក្នុងពិធីបើកសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា ២០២០-២០២១ និងលើកទិសដៅសិក្សា២០២១-២០២២

June 23, 2022 adm

(ខេត្តកណ្តាល)៖ ថ្លែងនៅក្នុង ក្នុងពិធីបើកសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា ២០២០-២០២១ និងលើកទិសដៅសិក្សា ២០២១-២០២២ នៅព្រឹកថ្ងៃទី២៣ ខែមិថុនា ឆ្នាំ២០២២ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល បានកោតសរសើរ និងវាយតម្លៃខ្ពស់ ចំពោះសមិទ្ធផលរបស់វិស័យអប់រំ យុវជន និងកីឡាខេត្ត ក្នុងរយៈពេល១០ឆ្នាំកន្លងមក ដែលមន្ទីរ និងដៃគូរអភិវឌ្ឍន៍ បានរួមគ្នា សម្រេចបានកិច្ចការធំៗ គួរឱ្យកត់សម្គាល់ ដូចជា បន្តបង្កើនការចូលរៀនប្រកបដោយសមធម៌នៅគ្រប់កម្រិត។ ពិសេសការអប់រំមូលដ្ឋាន រយៈពេល៩ឆ្នាំ តាមរយៈការបង្កលក្ខណៈសម្បត្តិអនុគ្រោះនានា ដើម្បីឱ្យកូនចៅប្រជាពលរដ្ឋដែលជួបការលំបាក មានលទ្ធភាពចូលសិក្សា ការពង្រឹង និងពង្រីកអភិបាលកិច្ចគ្រឹះស្ថានសិក្សាសាធារណៈ ការដោះស្រាយតម្រូវការបន្ទាន់ភ្លាមៗ និងការបង្កើនអាហាររូបករណ៍សម្រាប់សិស្សក្រីក្រ។ ឯកឧត្តមអភិបាលខេត្តបានគាំទ្រ ដល់មន្ទីរ អប់រំ យុវជន និងកីឡាខេត្ត លើការងារចលនាឱ្យយុវជន ចូលរួមកាន់តែសកម្ម ក្នុងការរៀបចំបណ្តាញយុវជនស្មគ្រ័ចិត្ត យុវជនកាកបាទក្រហម និងការបង្កើនសមាជិកចលនាកាយរឹទ្ធិ ត្រូវបន្តពង្រឹងជំនាញ បច្ចេកទេស និងជំនាញទន់សម្រាប់យុវជន ស្របជាមួយនឹងការផ្ដល់ព័ត៌មានទីផ្សារការងារដល់យុវជន និងតម្រង់ទិសសិក្សាអប់រំ ដល់យុវជនអំពីបំណិនជីវិត […]

ព័ត៌មានជាតិ

អតីតសកម្មជនបក្សភ្លេីងទៀនឃុំបារាណ៍ ស្រុកព្រៃឈរ អស់ចិត្តលែងជឿ ទម្លាក់ស្លាកបក្សភ្លេីងទៀនចេញពីមុខផ្ទះ

June 14, 2023 adm

ខេត្ដកំពង់ចាម៖ អតីតសកម្មជនបក្សភ្លេីងទៀនមួយគ្រួសារ អស់ចិត្តលែងជឿងលើគណបក្សភ្លើងទៀន បានសម្រេចចិត្តផ្តួលស្លាកគណបក្សភ្លេីងទៀន ចេញពីមុខផ្ទះ។ លោក រស់ ជុយ អាយុ ៧០ឆ្នាំ មានប្រពន្ធឈ្មោះ ថន សុំ អាយុ៦៩ឆ្នាំ និងកូន ៤នាក់ ជាអតីតសកម្មជនគណបក្សភ្លេីងទៀន រស់នៅក្នុងភូមិគោកស្រឡៅ ឃុំបារាយណ៍ ស្រុកព្រៃឈរ ខេត្តកំពង់ចាម។ លោក រស់ ជុយ និងគ្រួសារ បានសម្រេចចិត្តរុះរើទម្លាក់ស្លាកគណបក្សភ្លេីងទៀនចេញពីមុខផ្ទះរបស់ខ្លួន នៅរសៀលថ្ងៃទី១៤ ខែមិថុនា ឆ្នាំ២០២៣។ លោក រស់ ជុយ បានអះអាងថា លោកបានចូលរួមធ្វើសកម្មភាពជាច្រើន នៅក្នុងភូមិ ដើម្បីជួយដល់បក្ស។ ប៉ុន្តែពេលនេះ លោកបានអស់ជំនឿចិត្ត អស់កម្លាំងចិត្តតស៊ូ ជា មួយបក្សភ្លើងទៀតហើយ ព្រោះបក្សមានភាពកម្សោយក្នុងការដឹកនាំ បក្សពួកនិយម ពុករលួយ ជាពិសេសមិនបានធ្វើអ្វីឱ្យចម្រើនដល់ជាតិ និងប្រជាជននោះឡើយ៕

ព័ត៌មានជាតិ

ឃាត់ខ្លួនថៅកែហាងផឹកស៊ីម្នាក់ នៅក្រុងព្រះវិហារ ពីបទបង្ខាំងមនុស្សដោយខុសច្បាប់!

March 22, 2021 adm

ខេត្ដព្រះវិហារ ៖ បុរសម្នាក់មានមុខរបរជាថៅកែហាងផឹកស៊ីឈ្មោះ លុច្សសារី «Beer» នៅក្នុងភូមិស្រះឈូក សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ត្រូវបានសមត្ថកិច្ចធ្វើការឃាត់ខ្លួន ពាក់ព័ន្ធនឹងករណីបង្ខាំងមនុស្សទុកដោយខុសច្បាប់។ បើតាមលោក វុធ សាវី ព្រះរាជអាជ្ញារងអមសាលាដំបូងខេត្តព្រះវិហារ បានឱ្យដឹងនៅរសៀលថ្ងៃនេះថា លោកបានដឹកនាំកម្លាំងសមត្ថកិច្ច ចុះឃាត់ខ្លួនថៅកែហាងលុច្សសារី «Beer» ម្នាក់ នៅទីតាំងខាងលើពីបទ បង្ខាំងមនុស្សដោយខុសច្បាប់ នៅក្នុងបរិវេណទីតាំងហាងរបស់ខ្លួន។ លោកព្រះរាជអាជ្ញារង បានឱ្យដឹងយ៉ាងដូច្នេះថា៖ «មុនឈានដល់ការឃាត់ខ្លួនបុរសជាថៅកែហាងលុចសារី Beer រូបនេះ គឺយោងទៅតាមពាក្យបណ្តឹងរបស់មិត្តភ័ក្រនារីរងរងគ្រោះ ដែលបានមកកប្តឹងដល់តំណាងអយ្យការ ពីករណីដែលនារីរងគ្រោះជាមិត្តភ័ក្ររូបនោះឆាតប្រាប់តាមរយៈបណ្តាញសង្គមហ្វេកប៊ុកថា រូបនាងត្រូវបានថៅកែហាងរូបនេះ បង្ខាំងទុកក្នុងបន្ទប់ដោយចាក់សោរពីក្រៅ»។ ក្រោយពីទទួលបានព័ត៌មានពីមិត្តភ័ក្រនារីរងគ្រោះរួច លោកបានដឹកនាំកម្លាំងនគរបាលក្រុងព្រះវិហារ ចុះទៅពិនិត្យមើលភ្លាមៗដល់ទីតាំងហាង ហើយក៏សុំឱ្យថៅកែហាងវ័យក្មេងរូបនេះ ដែលជាជនសង្ស័យសហការបើកបន្ទប់ ដែលបានចាក់សោពីក្រៅ ក៏បានប្រទះឃើញនារីវ័យក្មេងម្នាក់មានអាការៈស្លេកស្លាំង នៅក្នុងបន្ទប់ពិតប្រាកដមែន។ លោក វុធ សាវី បានបញ្ជាក់ថា ជនសង្ស័យជាថៅកែហាង ដែលសមត្ថកិច្ចឃាត់ខ្លួនមានឈ្មោះ អ៊ិន ប៊ុន រឿង ភេទប្រុស អាយុ២៧ឆ្នាំ។ ចំណែកនារីរងគ្រោះមានឈ្មោះ សួន ស្រីហៀង […]