រថយន្តក្រឡុកសុីម៉ងត៍ របស់ក្រុមហ៊ុនជីបម៉ុងមួយគ្រឿង បុកម៉ូតូ បណ្តាលឱ្យស្រ្តីម្នាក់ រងរបួសធ្ងន់

(ភ្នំពេញ )៖ ស្ត្រីម្នាក់បានរងរបួសបាក់ជេីងឆ្វេងយ៉ាងធ្ងន់ធ្ងរ ដោយសាត្រូវរថយន្តក្រឡុកស៊ីម៉ងត៍មួយគ្រឿង របស់ក្រុមហ៊ុនជីបម៉ុង

បានបើកបុកនិងកិនពីលេីម៉ូតូជនរងគ្រោះពីក្រោយ បង្កការភ្ញាក់ផ្អេីលដល់អ្នកដំណេីរ និងសមត្ថកិច្ច កាលពីវេលាម៉ោង១២និង២០នាទីថ្ងៃត្រង់ ថ្ងៃទី១១ ខែមិថុនា ឆ្នាំ២០២១ ស្ថិតនៅចំណុចច្រមុះជ្រូកក្បាលថ្នល់ តាមបណ្ដោយផ្លូវព្រះមុនីវង្ស កែងនឹងផ្លូវ២៧១ ក្នុងសង្កាត់ផ្សារដេីមថ្កូវ ខណ្ឌចំការមន រាជធានីភ្នំពេញ ។
តាមប្រភពព័ត៌មាន ពីមន្ត្រីនគរបាលចរាចរណ៍ ដែលឈរជើងនៅគោលដៅ កន្លែងកេីតហេតុ បានឱ្យដឹងថា នៅមុនពេលកើតហេតុ គេឃេីញស្ត្រីម្នាក់មានវ័យប្រហែលជាង៤០ឆ្នាំម្នាក់ ដែលគេស្គាល់ថាឈ្មោះ ចែឡុង លក់ដូរសាច់ជ្រូកក្នុងផ្សារទួលទំពូង ជិះម៉ូតូមួយគ្រឿងម៉ាក ហុងដាឌ្រីម ស៊េរី២០១៤ ពណ៌ខ្មៅ ពាក់ផ្លាកលេខភ្នំពេញ 1CB-5862 ធ្វេីដំណេីរតាមបណ្តោយផ្លូវព្រះមុនីវង្ស ទិសដៅពីលិចមកកើត ខណៈមកដល់ចំណុចកើតហេតុ ក៏បានឈប់ចាំស្តុក ខណៈពេលនោះ ក៏មានរថយន្តក្រឡុកស៊ីម៉ងត៍មួយគ្រឿង របស់ក្រុមហ៊ុនជីបម៉ុង ពណ៌ស លាយទឹកក្រូច ពាក់ផ្លាកលេខ ភ្នំពេញ 5A-3181 បេីកបរដោយបុរសម្នាក់ មានឈ្មោះយ៉ែម សារឿន ភេទប្រុស អាយុ៣៨ឆ្នាំ មុខរបរបេីកបររថយន្តក្រុមហ៊ុនជីបម៉ុង ស្នាក់នៅបុរីពិភពថ្មីគួរស្រូវ ខណ្ឌដង្កោ រាជធានីភ្នំពេញ ធ្វេីរដំណេីរមកពីក្រោយ ហេីយបុកពីក្រោយម៉ូតូជនរងគ្រោះ ព្រមទាំងកិនពីលេីជនរងគ្រោះ បណ្តាលឲ្យបាក់ជេីងឆ្វេង ម្ខាងរងរបួសយ៉ាងធ្ងន់ធ្ងរ ។
ភ្លាមៗនោះ សមត្ថកិច្ចដែលឈរជេីង នៅគោលដៅកន្លែងកេីតហេតុ ក៏បានឃាត់ខ្លួនតៃកុងរថយន្តបង្ក បញ្ជូនទៅកាន់អធិការដ្ឋាននគរបាលខណ្ឌចំការមន ព្រមទាំងទាក់ទងទៅខាងរថយន្តសាមុយ ឱ្យមកដឹកស្ត្រីរងគ្រោះ បញ្ជូនទៅសង្គ្រោះបន្ទាន់ផងដែរ ។
ក្រោយពេលកើតហេតុ សមត្ថកិច្ចមូលដ្ឋាន បានចុះមកដល់កន្លែងកើតហេតុ រួចធ្វើការទាក់ទង ទៅខាងសមត្ថកិច្ចជំនាញការរិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វេីការវាស់វែង យករថយន្តបង្ក និងម៉ូតូរបស់ជនរងគ្រោះ យកទៅរក្សាទុក ដេីម្បីរង់ចាំដោះស្រាយនៅពេលក្រោយ ៕