តាមព័ត៌មានបឋម មានមនុស្សចំនួន៩នាក់បានស្លាប់ក្នុងហេតុការណ៍រត់ជាន់គ្នា នៅផ្សារទំនើបមួយក្នុងរដ្ឋធានីនៃប្រទេសអ៊ូហ្គង់ដានៅថ្ងៃអាទិត្យទី០១ខែមករានេះ ខណៈមនុស្សម្នា នាំគ្នាអបអរពិធីឆ្លងឆ្នាំថ្មី។
សេចក្តីរាយការណ៍បានឲ្យដឹងថា បន្ទាប់ពីមានការបាញ់កាំជ្រួចនៅខាងក្រៅផ្សារ Freedom City Mall ក្នុងទីក្រុង Kampala ការរត់ជាន់គ្នាបានកើតឡើង ដែលបណ្តាលឲ្យមនុស្សប្រាំនាក់ស្លាប់ភ្លាមៗ និងច្រើននាក់ទៀតរងរបួស។
ក្រុមសង្គ្រោះបន្ទាន់បានទៅដល់កន្លែងកើតហេតុ និងបានដឹកអ្នករបួសទៅកាន់មន្ទីរពេទ្យ ដោយក្នុងនោះ មាន៩នាក់ត្រូវបានបញ្ជាក់ថា ស្លាប់៕
