(ខេត្តកកំពង់ធំ)៖ ផ្ទុះកក្រើកមេឃ រញ្ជួយដីករណីចាប់ក្មេងស្រីរំលោភ ដោះស្រាយក្រៅប្រព័ន្ធតុលាការ សមត្ថកិច្ចសម្រេចអ្នកកាត់ក្តីឲ្យជនរងគ្រោះ៧០០ដុល្លាចំណែកអ្នកកាត់ក្តីទាមទារ១៣០០ ដុល្លារ អាងថាថ្នាក់លើឲ្យយក ចំណែកជនរងគ្រោះឈឺចិត្តនិងឈឺកាយ ខ្មាស់គេពេញស្រុក ទទួលបានត្រឹមតែ ៧០០ដុល្លារ ជនរងគ្រោះស្រែកអយុត្តិធម៌ណាស់ ស្នើរឱ្យតុលាការខេត្តកំពង់ធំ បើកការស៊ើបអង្កេតជាបន្ទាន់។
យោងតាមការសំណូមពរ របស់ជនរងគ្រោះ បានរៀបរាប់ប្រាប់ថាករណីចាប់រំលោភក្មេងស្រីបានកើតឡើងកាលពីថ្ងៃទី៤ខែធ្នូ ឆ្នាំ២០២១ សាច់ញាតិ ជនរងគ្រោះបានមកដាក់ពាក្យបណ្តឹងនៅថ្ងៃទី៣ខែមករា ឆ្នាំ២០២២ តែទើបតែហៅមកដោះស្រាយនៅថ្ងៃទី១៩ខែមករាឆ្នាំ២០២២ តែជនសង្ស័យគេចខ្លួនឲ្យតែសាច់ញាតិមកដោះស្រាយ។
ជនសង្ស័យត្រូវបានស្គាល់ឈ្មោះផល ភាពភេទប្រុសអាអាយ៤០ឆ្នាំរស់នៅភូមិលាប ឃុំចំណាក្រោម ស្រុកស្ទោង ខេត្តកំពង់ធំ ត្រូវជាឪពុកមា របស់ក្មេងស្រី ដែលមានផ្ទះជិតគ្នារងគ្រោះឈ្មោះ ទ.អ.ង អាយុ១៨ឆ្នាំ ត្រូវបានចាប់រំលោភចំនួន៣ដង យប់ថ្ងៃកើតហេតុ ដោយជនសង្ស័យបានចូលទៅចាប់រំលោភ ក្នុងបន្ទប់ក្មេងស្រីតែម្តង រហូតមកដល់ពេលនេះក្មេងស្រីរងគ្រោះមានផ្ទៃពោះ១ខែហើយ។
លោកសាយ គឹមឡម អភិបាល ស្រុកស្ទោង បានឲ្យដឹងថាក្នុងករណី ពុំមានសមត្ថកិច្ចនៃអធិការស្រុកស្ទោងរាយការណ៍ជូនគណបញ្ជាការឯកភាពស្រុកអំពីករណីចាប់រំលោភក្មេងស្រីឲ្យបានដឹងនោះឡើយ។
បងស្រីត្រូវជាសាច់ញាតិក្មេងស្រីរងគ្រោះឈ្មោះ តុលាបានឲ្យ ដឹងថា សាច់ញាតិជនសង្ស័យ និងសាច់ញាតិជនរងគ្រោះព្រមព្រៀងគ្នាចំនួន២០០០ដុល្លា ដើម្បីបញ្ចប់រឿង តែលុយមិនទាន់បានប្រគល់ទេ ដោយសម្រេចគ្នា មកប្រគល់នៅអធិការ ដើម្បីសមត្ថកិច្ចជួយដឹងលឺ ក្នុងពេលនោះ លោកវ៉ន សុភ័ណ្ទ អធិការរង ហៅបងស្រីមកក្នុងបន្ទប់ស្ងាត់ៗ ប្រាប់ថាសេវាកម្មប៉ូលិសជួយសម្របសម្រួល ១៣០០ដុល្លាបងស្រីមិនយល់ព្រមទើប សំណូមពរឲ្យអ្នកសារព័ត៌មានជួយ ដែលជាជម្រើសចុងក្រោយ។
លោកវ៉ន សុភ័ណ្ទ អធិការ រងទទួលផែនព្រហ្មទណ្ទ នៃអធិការដ្ឋាននគរបាលស្រុកស្ទោងបានអះអាងថា.លោកមិនបានទារលុយពីជនរងគ្រោះថ្លៃកាត់ក្តីក្រៅប្រព័ន្ឋតុលាការ ចំនួន១៣០០ដុល្លាទេ គឺថ្នាក់លើអោយយកទេ តែលោកមិនព្រមបញ្ជាក់ថា ថ្នាក់លើណាឲ្យយកនោះទេ ។
បងស្រីតុលា បានសម្រេចឡើងមកតុលាការ ខេត្តកំពង់ធំ ដើម្បី
ដាក់ពាក្យបណ្តឹង ទាមទារជម្ងឺចិត្ត៥០០០ដុល្លា និងបានសំណូមពរ ឲ្យឯកឧត្តម ព្រះរាជអាជ្ញាអយ្យការអមសាលាដំបូងខេត្តកំពង់ធំ មេត្តាជួយរកយុត្តិធម៌ផង៕
