កម្លាំងកងរាជអាវុធហត្ថឃាត់ខ្លួនជនសង្ស័យ០៣នាក់ជាមុខសញ្ញា ឆបោកប្រាក់តាមវីងនៅស្រុកពាមជរ!

November 5, 2023 adm Comment(0)

(ខេត្តព្រៃវែង)៖មានករណីឆបោក តាមរូបភាព ហេកហ្វេសបុក ឆាតខ្ចីលុយអោយផ្ញើរ តាមប្រព័ន្ធ វីង
នៅថ្ងៃទី ៣០ ខែតុលា ឆ្នាំ ២០២៣ មានករណីឆបោកប្រាក់តាមវីង ស្ថិត នៅចំនុចភូមិបង្អែក ឃុំស្វាយភ្លោះ ស្រុកពាមជរ ខេត្តព្រៃវែង មានជនសង្ស័យមិនស្គាល់អត្តសញ្ញាណបាន ហេគចូលលេង ហ្វេសប៊ុក ឈ្មោះSaVy Hun រស់នៅភូមិមានជយ័ ឃុំកោះចេក ស្រុកពាមជរ ខេត្តព្រៃវែង ហើយបានឆាតមកម្ចាស់ ហ្វេសប៊ុក ឈ្មោះ Khut Vibol រស់នៅភូមិបង្អែក ឃុំស្វាយភ្លោះ ស្រុកពាមជរ ខេត្តព្រៃវែង ឱ្យផ្ញើលុយអោយ ចំនួន ៣៩.០០០.០០០ រៀល(សាមសិបប្រាំបួនលានរៀល) ដោយ
សារម្ចាស់ អាខោនហ្វេសបុក ទាំងពីរជាមនុស្សស្គាល់គ្នាហើយរកសុីផ្ញើរលុយជាមួយគ្នាទៅវិញទៅមកក៏បានផ្ញើអោយ ក្រោយមកទើបដឹងថា ហ្វេសប៊ុក របស់ឈ្មោះ Savy Hun ត្រូវបានគេហេគ ចូលលេងដើម្បីឆាតខ្ចីលុយ។

ក្រោយពីបានទទួលពាក្យបណ្តឹងពីជនរងគ្រោះ ដោយមានបទបញ្ជាពីលោកឧត្តមសេនីយ៏ត្រីឈួន គឹមសាន មេបញ្ជាការកងរាជអាវុធហត្ថខេត្ដព្រៃវែង និងមានការ
សម្របសម្រួល ពីឯកឧត្តម គុជ គីមឡុង ព្រះរាជអាជ្ញា អមសាលាដំបូង ខេត្តព្រៃវែងកម្លាំងជំនាញកម្លាំងកងរាជអាវុធហត្ថខេត្ដព្រៃវែងដឹកនាំដោយលោកវរសេនីយ៏ទោ ផាត់ សុជោត ប្រធានមន្ទីរស្រាវជ្រាវនិងបង្ក្រាបបទល្មើស ធ្វើការសហការណ៍ជាមួយកម្លាំងជំនាញកងរាជអាវុធហត្ថលើផ្ទៃប្រទេស,កម្លាំងជំនាញកងរាជអាវុធហត្ត្ថខេត្ត ព្រះសីហនុ ,កម្លាំងកងរាជអាវុធហត្ថខេត្ត បន្ទាយមានជយ័ និងក្រុមហ៊ុន វីង ដើម្បី ដើម្បីស្រាវជ្រាវ និងកំណត់
មុខសញ្ញា លុះដល់ថ្ងៃទី០១ ខែវិច្ឆិកា ឆ្នាំ២០២៣ បានធ្វើការឃាត់ខ្លួនជនសង្ស័យបានចំនួន០៣នាក់ ជាបន្តបន្ទាប់ នៅចំណុចផ្សេងគ្នា ៖
១/ ឈ្មោះ អាន ដានិត ភេទស្រី អាយុ២៨ឆ្នាំ មុខរបរ លក់អនឡាញ រស់នៅភូមិចំណោទរាម ឃុំបិតប្រាំង ស្រុកព្រៃនប់ ខេត្តព្រះសីហនុ។
២/ឈ្មោះ នី ចិត្រា ភេទប្រុស អាយុ៣៦ឆ្នាំ មុខរបរជាងសំណង់ រស់នៅភូមិចំណោទរាម ឃុំបិតប្រាំង ស្រុកព្រៃនប់ ខេតព្រះសីហនុ។
៣/ឈ្មោះ អ៊ាម គិមរាស ភេទស្រី អាយុ ២៩ឆ្នាំ មុខរបរ លក់ដូរ រស់នៅភូមិពន្លៃ ឃុំ ភ្នំដី ស្រុកភ្នំស្រុក ខេតបន្ទាយមានជ័យ ។

សម្ភារដកហូតរួមមាន ៖
-ម៉ូតូ០២គ្រឿង
-អត្តសញ្ញាណបណ្ណ័សញ្ជាតិខ្មែរច្បាប់ដើម០២.សបុត្កំណើត០១ សបុត្របញ្ជាក់កំណើត២ច្បាប់ និងឯកសារមួយចំនួន
-កាតធនាគារ០៥(វីង០៣,ABA០២)
-បណ្ណ័សម្គាល់យានយន្តច្បាប់ដើម១
-បណ្ណ័បើកបរចំនួន១
-បណ្ណ័ចាក់វ៉ាក់សាំងកូវុីត១៩ ចំនួន០២
-សុីមកាតចំនួន២១សុីម
-កាបូបដៃ០១
-កាបូបយួរដៃ១
-ស្លាកលេខម៉ូតូ០១
-ទូរសព្ទ័ចំនួន១០គ្រឿង
-ប្រាក់ដុល្លា១៤០០$(មួយពាន់បួនរយដុល្លារ)
-ប្រាក់រៀល ៤.៨០០.០០០៛

បច្ចុប្បន្នជនសង្ស័យរួមនិងវត្ថុតាង ឃាត់ខ្លួននៅ អ.ហ ខេត្ត ដើម្បីបន្តនិតិវិធី ។

adm

ព័ត៌មានសន្តិសុខសង្គម

ឃាត់ខ្លួនក្រុមអ្នកញៀនល្បែងជល់មាន់ ២៤នាក់ នៅស្រុកកោះសូទិន

March 4, 2022 adm

(ខេត្ដកំពង់ចាម)៖ នៅថ្ងៃទី០៤ ខែមីនា ឆ្នាំ២០២២ វេលាម៉ោង១៤និង០០នាទី បន្ទាប់ពីទទួលបានព័ត៌មានពីប្រជាពលរដ្ឋភ្លាម ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត បានចាត់ឲ្យលោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម ចាត់តាំងកម្លាំងជំនាញរបស់ផែនការងារនគរបាលព្រហ្មទណ្ឌ សហការជាមួយ កម្លាំងជំនាញរបស់អធិការដ្ឋាននគរបាលស្រុកកោះសូទិន និងអាជ្ញាធរមូលដ្ឋាន ចុះបង្ក្រាបករណី បើក និងលេងល្បែងស៊ីសងខុសច្បាប់ (ជល់មាន់ និងអាប៉ោង) នៅចំណុចមាត់ព្រែកសណ្ដាយ ស្ថិតនៅភូមិរកាកោងត្បូង ឃុំមហាលាភ ស្រុកកោះសូទិន ខេត្តកំពង់ចាម។ ជាលទ្ធផលកម្លាំងនគរបាល បានបង្រ្កាបចាប់ឃាត់ខ្លួនបានមុខសញ្ញាចំនួន២៤នាក់ និងដកហូតវត្ថុតាងមួយចំនួន។ បច្ចុប្បន្នជនសង្ស័យ រួមនឹងវត្ថុតាង បញ្ជូនមកកាន់ស្នងការដ្ឋាននគរបាលខេត្ត ដើម្បីកសាងសំណុំរឿងតាមនីតិវិធី៕

ព័ត៌មានសន្តិសុខសង្គម

បើករថយន្តក្នុងស្ថានភាពងងុយដេករ៉េចង្កូតបុកម៉ូតូ១គ្រឿង រងរបួសធ្ងន់ម្នាក់

May 21, 2021 adm

(ខេត្ដតាកែវ) ៖ បុរសម្នាក់បើករថយន្តក្នុងស្ថានភាពងងុយដេក ងោកមួយផាំងរ៉េចង្កូតបុកម៉ូតូមួយគ្រឿងដែលបើកបរក្នុងទិសដៅស្របគ្នាពីក្រោយបណ្តាលអោយមនុស្សម្នាក់រងរបួសធ្ងន់ដឹកយកទៅសង្គ្រោះនៅមន្ទីរពេទ្យ ។ហេតុការនេះបានកើតឡើងនៅថ្ងៃទី១៩ ខែឧសភា ឆ្នាំ២០២១ វេលាម៉ោង១៣និង០០នាទី ស្ថិតនៅលើផ្លូវជាតិលេខ៣ ចន្លោះគីឡូម៉ែត្រលេខ ៧០-៧១ ក្នុងភូមិត្រាវអែម ឃុំពពេល ស្រុកត្រាំកក់ ខេត្តតាកែវ ។ យោងតាមរបាយការណ៍របស់សមត្ថកិច្ចអោយដឹងថារថយន្តមួយគ្រឿងម៉ាកសាំយ៉ុង ពណ៌ស ពាក់ផ្លាកលេខ តាកែវ 2A-2219 បើកបរដោយឈ្មោះ គង់ សុខហេង ភេទប្រុស អាយុ២៦ឆ្នាំ មុខរបរអ្នកបើកបររថយន្ត រស់នៅ ភូមិពោធិរោង ឃុំព្រះបាទជាន់ជុំ ស្រុកគីរីវង់ ខេត្តតាកែវ (គ្មានរបួស) បើកមកពីទិសខាងជើង លុះមកដល់ចំណុចកើតហេតុខាងលើក៏ងងុយដេកហើយងោកបណ្តាលឲ្យរ៉េចង្កូតមកបុកម៉ូតូមួយគ្រឿង ម៉ាកហុងដាឌ្រីម C125 ពណ៌ខ្មៅ ពាក់ផ្លាកលេខ ភ្នំពេញ 1CA-3407 ពីក្រោយយ៉ាងពេញទំហឹង បណ្តាលអោយឈ្មោះ ភួង វិច្ឆិកា ភេទប្រុស អាយុ១៨ឆ្នាំ មុខរបរកសិករ នៅភូមិត្រាវអែម ឃុំពពេល ស្រុកត្រាំកក់ ខេត្តតាកែវ (រងរបួសធ្ងន់) ត្រូវបានដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្តតាកែវ។ បច្ចុប្បន្នកម្លាំងជំនាញកំពុងកសាងសំណុំរឿងទៅតាមនីតិវិធី […]

ព័ត៌មានសន្តិសុខសង្គម

ហ៑ានម្លេះ! បទបញ្ជារបស់ សម្ដេច នាយករដ្ឋមន្ត្រីមិនទាន់បានប៉ុន្មានថ្ងៃផងស្រាប់តែមានបើកហ្គេមអនឡាញ នៅក្រុងបាវិត ទៀត

December 7, 2022 adm

(ខេត្ដស្វាយរៀង) ៖ហ្គេមអនឡាញ កំពុងបើកដំណើរការជារៀងរាល់ថ្ងៃ ដោយប្រមូលផ្ដុំមនុស្សយ៉ាងច្រើនកុះករសុទ្ធតែកូនៗប្រជាពលរដ្ឋខ្មែរចូលលេងនៅក្នុងមូលដ្ឋានក្រុងបាវិត អជ្ញាធរនិងសមត្ថកិច្ចពាក់ពន្ធ័មិនបង្ក្រាប ឬក៏មិនទាន់ដឹងទេឬ? ប្រភពពីប្រជាពលរដ្ឋបានឲ្យដឹងថាចំពោះទីតាំងមួយនេះបានបើកលេងជារាល់ថ្ងៃ ក្រោយពីស្ងប់ស្ងាត់មួយរយៈមក ដោយឃើញក្មេងៗចូលលេងយ៉ាងពពាក់ពពូនដោយមិនញញើតនិងអាជ្ញាធរមានសមត្ថកិច្ចនៅក្នុងមូលដ្ឋានសោះឡើយ ។ ចំណែកអាជ្ញាធរនិងសមត្ថកិច្ច វិញ ហាក់សំងំស្ងៀម ផ្គើននិងបទបញ្ជារបស់សម្តេចនាយករដ្ឋមន្ត្រីហ៊ុនសែន ស្តីពីការទប់ស្កាត់និងបង្ក្រាបបទល្មើសល្បែងស៊ីសងគ្រប់ប្រភេទ ទូទាំងប្រទេស កាលពីពេល កន្លងទៅថ្មីៗ ។ មហាជនបានដាក់ការសង្ស័យថា អាជ្ញាធនិងសមត្ថកិច្ច នៅមូលដ្ឋានអាចត្រូវថ្នាំសណ្តំរបស់ម្ចាស់ទាំងនោះហេីយមេីលទៅទេីបរក្សាភាពស្ងៀមស្ងាត់មិនបង្ក្រាប ។ សូមរំលឹកថា កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗនេះ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឧ្យខាងតែបាន សម្តេចតេជោហ៊ុនសែន បានបញ្ជាក់យ៉ាងច្បាស់ថា អាជ្ញាធរស្រុក ក្រុង ខេត្តណា ដែលមិនទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។ […]