ម៉ូតូបុកម៉ូតូពេញទំហឹងបណ្ដាលឱ្យរបួសធ្ងន់ម្នាក់ស្រាលម្នាក់ នៅក្រុងច្បារមន!

August 2, 2021 adm Comment(0)

(កំពង់ស្ពឺ)៖ គ្រោះថ្នាក់ចរាចរណ៍រវាងម៉ូតូនិងម៉ូតូ ក្នុងទិសដៅបញ្ច្រាសគ្នា បណ្ដាលរបួសទាំងសងខាង។
ហេតុការណ៍នេះបានកើតឡើង នៅលើផ្លូវជាតិលេខ៤៤ចន្លោះគីឡូម៉ែត្រ៣-៤ ស្ថិតនៅភូមិតាម៉ុស សង្កាត់ច្បារមន ក្រុងច្បារមន ខេត្តកំពង់ស្ពឺ កាលពីវេលាម៉ោង៦ព្រឹក ថ្ងៃទី០២ ខែសីហា ឆ្នាំ២០២១។

នៅមុនពេលកើតហេតុគេឃើញម៉ូតូ០១គ្រឿង ម៉ាកសង់សេ១២៥ សេរី២០២១ពណ៌ខ្មៅស្លាកលេខ កំពង់ស្ពឺ1S 9694 បើកពីលិចទៅកើត។
អ្នកបើកបរឈ្មោះ សាយ គីមតិញភេទប្រុសអាយុ២១ឆ្នាំ រស់នៅភូមិព្រៃពាមខ្លី ឃុំទំព័រមាស ស្រុកសំរោងទង ខេត្តកំពង់ស្ពឺ(របួសស្រាល)។

លុះពេលបើកមកដល់ចំណុចខាងលើ បានបើកបុកម៉ូតូ០១គ្រឿងសេ១២៥សេរី២០១២ ពាក់ស្លាកលេខកណ្តាល1Q 1200។
អ្នកបើកបរឈ្មោះ សាន សុភាក់ ភេទស្រីអាយុ៣០ឆ្នាំរស់នៅភូមិបាធាយ ឃុំបាធាយ ស្រុកបាធាយ ខេត្តកំពង់ចាម (របួសធ្ងន់)។

ដែលកំពុងបើកកើតពីទៅលិច ផ្ទុយគ្នា
បណ្តាលឲ្យ គ្រោះថ្នាក់មនុស្ស និងខូចខាតសម្ភារ ដូចខាងក្រោម៖
មនុស្សរបួសធ្ងន់០១នាក់ស្រី(អ្នកបើកម៉ូតូ)-របួសស្រាលចំនួន០១នាក់ប្រុស(អ្នកបើកបរម៉ូតូ)
-ម៉ូតូខូចខាតធ្ងន់ចំនួន០២គ្រឿង
វត្ថុតាងបានប្រគល់អោយការិយាល័យចរាចរណ៍ខេត្តកំពង់ស្ពឺដើម្បីដោះស្រាយតាមនិតីវិធី៕ដោយ៖ចិត្រា ឆន្ទះ

adm

ព័ត៌មានសន្តិសុខសង្គម

សាហាវរថយន្តបុករថយន្ត (ភាគីម្ខាងបើករត់ទៅបុករថយន្ត៤គ្រឿងទៀត).!

July 6, 2021 adm

(ភ្នំពេញ)៖ បុរសម្នាក់បើករថយន្តស្តារិចទៅកៀររថយន្តហ្វដបណ្តាលឱ្យបាក់កញ្ចក់មើលក្រោយហើយក៏បើករត់ទៅបុករថយន្ត៤គ្រឿងទៀតឱ្យរងការខូចខាតយ៉ាងដំណំ។ គ្រោះថ្នាក់ចរាចរណ៍នេះបានកើតឡើងនៅតាមផ្លូវកម្ពុជាក្រោម កែងនឹងផ្លូវលេខ២៥៩ ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញកាលពីយប់ថ្ងៃទី៥ ខែ កក្កដាឆ្នាំ ២០២១ ។ សាក្សីបានឱ្យដឹងថា រថយន្តម៉ាកហ្វដពាក់ផ្លាកលេខភ្នំពេញ2AP-0610ដែលរងគ្រោះដំបូងគេបន្ទាប់ពីមាន រថយន្តស្តារិច ពាក់ផ្លាកលេខកណ្តាល2A-7247 បើកមកកៀរកញ្ចក់ចំហៀងខាងឱ្យ បាក់។រថយន្តបង្កមិនបានឈប់ដោះស្រាយនោះទេក៏បើករត់ដល់ ផ្លូវកែងកម្ពុជាក្រោម រថយន្តបង្កហេតុនោះក៏ជ្រុលទៅបុករថយន្តម៉ាកPASEROពាក់ផ្លាកលេខខេមរភូមិន្ទ01-2-1032 ពេញទំហឹង។ ចំណែករថយន្តស្តារិច ទៅបុករថយន្តចំនួន៤គ្រឿងទៀតជាបន្តបន្ទាប់។ ក្រោយកើតហេតុ សមត្ថកិច្ចយក រថយន្តបង្កនិងរថយន្តរងគ្រោះចំនួន៤គ្រឿង ជំនាញនគរបាលចរាចរណ៍ រាជធានីភ្នំពេញយកទៅរក្សាទុករង់ចាំធ្វើការដោះស្រាយនៅពេលក្រោយ៕

ព័ត៌មានសន្តិសុខសង្គម

បុគ្គលបង្ហោះវីដេអូប្រឌិតរឿងពាក់ព័ន្ធវ៉ាក់សាំងប្រឆាំងជំងឺកូវីដ១៩ តាមបណ្តាញសង្គម TikTok ត្រូវនគរបាលចាប់ខ្លួន នៅស្រុកបសេដ្

April 9, 2021April 9, 2021 adm

ខេត្តកំពង់ស្ពឺ៖ បុគ្គលម្នាក់ ថតវីដេអូបង្ហោះនៅលើបណ្ដាញសង្គម TikTok ប្រឌិតរឿងពាក់ព័ន្ធវ៉ាក់សាំងប្រឆាំងជំងឺកូវីដ-១៩ ត្រូវកម្លាំងនគរបាលចាប់ខ្លួន នាព្រឹកថ្ងៃទី០៩ ខែមេសា ឆ្នាំ២០២១នេះ ស្ថិតក្នុងភូមិភ្នំតូច ឃុំពោធិ៍ចំរើន ស្រុកបសេដ្ឋ ខេត្តកំពង់ស្ពឺ។ លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ បានប្រាប់ឲ្យដឹងថា ប្រតិបត្តិការនេះ ធ្វើឡើងដោយអនុវត្តតាមបទបញ្ជារបស់នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ។ បើតាមលោកឧត្តមសេនីយ៍ទោ សម សាមួន ក្រោយទទួលបានបទបញ្ជាភ្លាម កម្លាំងផែនសន្ដិសុខផ្ទៃក្នុង នៃអគ្គស្នងការដ្ឋាននគរបាលជាតិ សហការជាមួយកម្លាំងស្នងការដ្ឋាននគរបាលខេត្តកំពង់ស្ពឺ បានបើកការស្រាវជ្រាវ និងឈានដល់ការចាប់ខ្លួនបុគ្គលដែលបំពុលព័ត៌មាននៅតាមបណ្ដាញសង្គមមួយនេះ។ គួរជម្រាបថា បុគ្គលរូបនេះ បានថតវីដេអូហើយបង្ហោះចែកចាយនៅលើបណ្ដាញសង្គម TikTok ប្រឌិតព័ត៌មានថា វ៉ាក់សាំងប្រឆាំងជំងឺកូវីដ-១៩ របស់ចិន ដែលកំពុងចាក់ជូនប្រជាពលរដ្ឋនេះ គឺមានភាពមិនច្បាស់លាស់។ ការប្រឌិតព័ត៌មាននេះ គឺមានចេតនាញុះញង់ និងធ្វើឲ្យការយល់ច្រឡំពីសំណាក់ប្រជាពលរដ្ឋ។ ជននេះមិនមែនជាបុគ្គលទី១ ដែលត្រូវបានសមត្ថកិច្ចចាប់ខ្លួននោះទេ ពោលកន្លែងមកកម្លាំងអគ្គស្នងការដ្ឋាននគរបាលជាតិ បានចាប់ខ្លួនមនុស្សប៉ុន្មាននាក់រួចមកហើយ ដែលបានប្រឌិតព័ត៌មាន មានចេតនាញុះញង់ពាក់ព័ន្ធជាមួយដំណើរការចាក់វ៉ាក់សាំងប្រឆាំងជំងឺកូវីដ-១៩ នៅក្នុងប្រទេសកម្ពុជា៕