អបអរ សាទរ !ឯកឧត្ដម សួន សុម៉ាលីន ត្រូវបាន ប្រកាសតែងតាំងជាអភិបាលខេត្តព្រៃវែង ជាផ្លូវការហើយ!

(ព្រៃវែង)៖ នារសៀលថ្ងៃទី៧ខែកញ្ញាឆ្នាំ២០២៣នេះ លោកអភិសន្តិបណ្ឌិត ស សុខា ឧបនាយកមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញប្រកាសចូលកាន់មុខតំណែងអភិបាលខេត្តព្រៃវែង ដោយលោកសួន សុម៉ាលីន ប្រកាសតែងតាំងជាអភិបាលខេត្តព្រៃវែង ជំនួសលោកជា សុមេធី ជារដ្ឋមន្ត្រីក្រសួងសង្គមកិច្ច។ លោកអភិសន្តិបណ្ឌិត ស សុខាក៏បានថ្លែងកោតសរសើរដល់រដ្ឋបាលខេត្តព្រៃវែងដែលបានខិតខំអភិវឌ្ឍន៍ខេត្តឲ្យមានការរីកចម្រើននិងមានទំនាក់ទំនងល្អជាមួយក្រសួង ស្ថាប័ន អង្គភាពគ្រប់ថ្នាក់ និងរក្សាបានសន្តិសុខសណ្តាប់ធ្នាប់សាធារណៈបានល្អប្រសើរ ព្រមទាំងបានយកចិត្តទុកដាក់ខ្ពស់ក្នុងការដោះស្រាយសំណើ សំណូមពរបញ្ហាប្រឈមនានាជូនប្រជាពលរដ្ឋនៅមូលដ្ឋានបានទាន់ពេលវេលា។ លោកអភិសន្តិបណ្ឌិតបានថ្លែងលើកឡើង អំពីការស្នើសុំទៅលោកឧបនាយករដ្ឋមន្រ្តី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងការសម្របសម្រួលការផ្ទេរកម្មសិទ្ធិដីធ្លីពីឪពុកម្តាយមកកូនតាមប្រព័ន្ធឌីជីថល ដោយប្រើពេលយ៉ាងយូរ ៥នាទី ដោយមិនអស់ថវិកាអ្វីទាំងអស់ផងដែរ។ បន្ថែមលើសពេលនេះ លោកអភិសន្តិបណ្ឌិតបានថ្លែងផ្តាំផ្ញើរដល់លោកអភិបាលខេត្ត និងមន្ត្រីរាជការ កងកម្លាំងប្រដាប់អាវុធពាក់ព័ន្ធទាំងអស់ ត្រូវបន្តយកចិត្តទុកដាក់លើការថែរក្សាសន្តិសុខ សណ្តាប់ធ្នាប់សង្គម និងសុវត្ថិភាពនៅក្នុងខេត្តជូនប្រជាពលរដ្ឋឲ្យបានល្អប្រសើរបន្ថែមទៀត អាជ្ញាធរគ្រប់លំដាប់ថ្នាក់ ត្រូវពង្រឹងការទប់ស្កាត់ការជួញដូរ ចែកចាយ និងប្រើប្រាស់គ្រឿងញៀននៅតាមមូលដ្ឋានឱ្យមានប្រសិទ្ធភាព បង្ក្រាបល្បែងសុីសងខុសច្បាប់គ្រប់ប្រភេទ និងបន្តបង្កើនការផ្សព្វផ្សាយច្បាប់ចរាចរណ៍ផ្លូវគោក និងខិតខំដោះស្រាយបញ្ហាទំនាស់នានារបស់បងប្អូនប្រជាពលរដ្ឋឱ្យអស់ពីលទ្ធភាពនៅក្រៅប្រព័ន្ធតុលាការ។ លោកឧបនាយករដ្ឋមន្ត្រី ស សុខា ក៏ជំរុញលើកទឹកចិត្តដល់គណៈអភិបាលខេត្ត និងថ្នាក់ដឹកនាំគ្រប់ថ្នាក់ នៃរដ្ឋបាលខេត្ត បន្តពង្រឹងរបៀបរបបធ្វើការងារ ទំនាក់ទំនងការងារ […]

ឯកឧត្តម ជា សុមេធី អភិបាលខេត្តព្រៃវែង អញ្ជើញចូលរួមក្នុងពិធីអបអរសាទរ “ការប្រកាសខេត្តព្រៃវែង ជាខេត្តអស់មីន”

(ខេត្ដព្រៃវែង)៖ នៅរសៀលថ្ងៃព្រហស្បតិ៍ ១២កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី១២ ខែមេសា ឆ្នាំ២០២២ ឯកឧត្តម ជា សុមេធី អភិបាលខេត្ត បានអញ្ជើញចូលរួមក្នុងពិធីអបអរសាទរ “ការប្រកាសខេត្តព្រៃវែង ជាខេត្តអស់មីន” ក្រោមអធិបតីភាពដ៏ខ្ពង់ខ្ពស់ ឯកឧត្តម លី ធុជ ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ អាជ្ញាធរកម្ពុជា គ្រប់គ្រងកំចាត់មីន និងសង្រ្គោះជនពិការដោយសារមីន តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានអាជ្ញាធរកម្ពុជា គ្រប់គ្រងកំចាត់មីន និងសង្រ្គោះជនពិការ នាពេលនេះ ដោយសារមីន ដោយមានការអញ្ជើញចូលរួមពីសំណាក់ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម លោកជំទាវ ឯកអគ្គរាជទូត ឯកអគ្គរដ្ឋទូត និងលោក លោកស្រីតំណាងដៃគូអភិវឌ្ឍន៍ អង្គការជាតិ-អន្តរជាតិនានា ព្រមជាមួយឯកឧត្តម សមាជិកក្រុមប្រឹក្សាខេត្ត លោកឧត្តមសេនីយ៍ ស្នងការ មេបញ្ជាការ លោក លោកស្រីប្រធានមន្ទីរអង្គភាពជុំវិញខេត្ត អភិបាលក្រុង […]

អ្នកស្រី «ជុយ ស៊ីវឡេង» អះអាងថាលោក« សាក់ សាឯម» ធ្វើសំណង់រឹងបំពានលើដី ដែលមានដីការរក្សាការពារ!

(ខេត្តព្រៃវែង)៖ផ្តើមចេញពីការដណ្តើមកាន់កាប់ដីចំណីផ្លូវសាធារណៈមួយកន្លែង តើលោកសាក់ សាឯម អាចជាប់ទោសព្រហ្មទណ្ឌដែរឬទេ?។ ក្នុងនោះដែរ!ដីកំពុងមានទំនាស់នេះមានទំហំ(៥៤* ៥៥)ម៉ែត្រស្ថិតក្នុងភូមិគគរ ឃុំកំពង់ពពិល ស្រុកពារាំង ខេត្តព្រៃវែង។ ជាមួយគ្នានោះអ្នកស្រី«ជុយ ស៊ីវឡេង» ភេទស្រី អាយុ៥៧រស់នៅក្នុងភូមិគគរ ឃុំកំពង់ពពិល ស្រុកពារាំង ខេត្តព្រៃវែងបានថ្លែងប្រាប់សារព័ត៌មានថា កាលពីអំឡុងឆ្នាំ២០១៣ នាងខ្ញុំបានទិញដីទំហំ(៥៤*៥៥)ម៉ែត្រពីឈ្មោះពេជ ណៃ ភេទស្រី៧៩ឆ្នាំ ដែលព្រំប្រទល់ខាងជើងជាប់នឹងយាយស្រស់ខាងត្បូងជាប់នឹងចំណីផ្លូវខាងកើតជាប់នឹងផ្លូវរទេះ និងខាងលិចជាប់នឹងគ្រូធី ក្នុងតម្លៃ១៩៤០០ដុល្លារ។ លុះនៅឆ្នាំ២០១៥ ស្រាប់តែលេចមុខលោកសាក់ សាឯម មកកាន់កាប់នៅលើដីចំណីផ្លូវ ថែមទាំងអះអាងថា ខ្លួនឯកសារទិញលក់រឹងមាំទៀតផង។ ដោយសម្លឹងឃើញថា មានគេរំលោភកាន់កាប់ដីចំណីផ្លូវ(ថ្លុក) ដែលនាងខ្ញុំធ្លាប់អាស្រ័យផលបូមទឹកដាក់ស្រែ។ យ៉ាងណាមិញអ្នក«ស្រីជុយ ស៊ីវឡេង» បានប្តឹងទៅអាជ្ញាធរមូលដ្ឋានដើម្បីសុំកិច្ចអន្តរាគមន៍តែលោកសាក់ សាឯម នៅតែមិនស្តាប់រហូតដល់នាងខ្ញុំបានដាក់ពាក្យបណ្តឹងទៅសាលាដំបូងខេត្តព្រៃវែង។ ក្នុងនោះសាលាដំបូងខេត្តព្រៃបានចេញដីការរក្សាការពារឲ្យមកនាងខ្ញុំហើយ ក៍លោក«សាក់ សាឯម» មិនគោរពដីការនោះដែរ ថែមទាំងជីករណ្តៅបុកគ្រឹះចាក់ឈរបេតុងយ៉ាងអនាធិបតេយ្យ។ ម្យ៉ាងវិញទៀតនាងខ្ញុំបានហួសចិត្តនឹងអាជ្ញាធរឃុំ និងស្រុក ដែលមិនចូលអនុវត្តតាមដីការរក្សាការពារ លើការមិនចាត់ចែងលើដីទំហំ(៥៤*៥៥)ម៉ែត្រព្រោះកំពុងមានជម្លោះ។ មិនតែប៉ុណ្ណោះនាងខ្ញុំបានទៅជួបលោកមេឃុំ និងលោកអភិបាលស្រុក សុំកិច្ចអន្តរាគមន៍ ផ្អាកសកម្មភាពរបស់លោកសាក់ សាឯម ក្នុងការធ្វើសំណង់រឹងលើដីកំពុងមានទំនាស់ តែពួកគាត់បានប្រាប់មកនាងខ្ញុំវិញថា រឿងនេះផុតដៃខ្ញុំហើយ។ ជុំវិញនឹងការលើកឡើងខាងលោកសាក់ […]