ករណីគ្រោះថ្នាក់ចរាចរណ៍បុកគ្នាជាបន្ដបន្ទាប់បណ្ដាលឲ្យបុរសម្នាក់ស្លាប់និងម្នាក់ទៀតរងរបួសធ្ងន់ នៅក្រុងស្វាយរៀង

(ខេត្ដស្វាយរៀង)៖  មានករណីគ្រោះថ្នាក់ចរាចរណ៍មួយកើតឡើង រវាង ម៉ូតូនិងម៉ូតូរុឺម៉កនិង រថយន្ដ , រថយន្ដនិងម៉ូតូ លើផ្លូវជាតិលេខ០១ ស្ថិតក្នុងភូមិ សាមគ្គី  សង្កាត់ ស្វាយតឿ ក្រុង ស្វាយរៀង បណ្ដាលឲ្យបុរសម្នាក់ស្លាប់និងម្នាក់ទៀតរងរបួសធ្ងន់ ។

ហេតុការណ៍នេះបានកើតឡើងនៅថ្ងៃ ពុធ ០៣ កើត ខែ អស្សុជ ឆ្នាំ ខាល ចត្វាស័ក ព.ស ២៥៦៦ ត្រូវនិងថ្ងៃទី ២៨ ខែ កញ្ញា ឆ្នាំ ២០២២ វេលាម៉ោង ០៥និង១៩ នាទីព្រឹក ។

សមត្ថកិច្ចបានឲ្យដឹងថា ម៉ូតូម៉ាកហុងដាសេ ១២៥ ពណ៏ ខ្មៅ ពាក់ស្លាកលេខ ស្វាយរៀង 1S .8033 បើកបរដោយឈ្មោះ ស្រី សំភក្ដី ភេទ ប្រុស អាយុ ២០ ឆ្នាំ មុខរបរ សន្តិសុខ រស់នៅភូមិ បែកចាន ឃុំ អង្គប្រស្រែ ស្រុក រមាសហែក ខេត្ត ស្វាយរៀង  បើកបរពីលិចទៅកើត លុះដល់កន្លែងកើតហេតុបានបុកជាមួយម៉ូតូរុឺម៉កមិនស្គាល់ម៉ាកយ៉ាងពេញទំហឹងពីក្រោយ បើកបរក្នុងទិសដៅស្របទិសគ្នា បណ្ដាលឲ្យបុរសម្នាក់ស្លាប់ នៅនិងកន្លែងកើតហេតុតែម្ដងអ្នកបើកបរមិនស្គាល់អត្តសញ្ញាណបើករត់គេចពីកន្លែងកើតហេតុ ។ ស្របពេលនោះមាន រថយន្ដម៉ាកលុចសុីស ពណ៌ ស មិនស្គាល់ស្លាកលេខ បានបើកកន្លែងកើតហេតុមិនដឹងជាយ៉ាងមិចមកបុកបន្ដហើយក៍បើករត់គេចពីកន្លែងកើតហេតុ បើកបរពីលិចទៅកើត បាត់ស្រមោលតែម្ដង ក្នុងនោះក៍មានរថយន្ដម៉ាក SCANIA ពណ៌ ខៀវ  សណ្ដោងរុឺម៉ក ពាក់ស្លាកលេខ ខេមរភូមិន្ទ.០១.៤.០៤៣៩ អ្នកបើកបរមិនស្គាល់អត្តសញ្ញាណរត់គេចពីកន្លែងកើតហេតុ បានបើកបរផ្លាស់ប្ដូរកន្លងផ្លូវ ត្រូវម៉ូតូម៉ាក ហុងដាសេ ១២៥ ពណ៌ ខ្មៅ ពាក់ផ្លាកលេខ ស្វាយរៀង 1H .4553៤ បើកបរដោយឈ្មោះ វឿន គន្ធី ភេទ ស្រី អាយុ ២៦ ឆ្នាំ មុខរបរ កម្មកររោងចក្រ រស់នៅភូមិ បុស្ស ឃុំ មេសថ្ងក ស្រុក ចន្ទ្រា ខេត្ត ស្វាយរៀងបើកបរលិចទៅកើត បណ្ដាលឲ្យស្ដ្រីម្នាក់រងរបួសធ្ងន់ ។

បច្ចុប្បន្នក្រោយពីសមត្ថកិច្ចវាស់វែងរួចបាននាំយក មធ្យោបាយរក្សាទុកនៅការិយាល័យចរាចរណ៍ខេត្តស្វាយរៀងរង់ចាំដោះស្រាយគ្នាពេលក្រោយ ចំពោះអ្នករងរបួសសម្រាកព្យាបាលនៅ មន្ទីរពេទ្យខេត្តស្វាយរៀង ចំណែកឯសពប្រគល់អោយក្រុមគ្រួសារយកទៅធ្វើបុណ្យតាមប្រពៃណី ៕