កាលពី រសៀលថ្ងៃទី២៥ ខែកក្កដា ឆ្នាំ២០២១ ទីតាំងស្ថិតនៅតាមបណ្តោយផ្លូវហាណូយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ នៅមុនពេលកើតហេតុ គេបានឃើញបុរសម្នាក់ ជិះម៉ូតូធំមួយគ្រឿង ពាក់ស្លាកលេខ ភ្នំពេញ 1HT-6262 ដែលបើកបរតាមបណ្តោយផ្លូវហាណូយ ក្នុងទិសដៅពីត្បូងទៅជើង រហូតមកដល់ចំណុចកើតហេតុ មានរថយន្តស៊េរីទំនើបម៉ាក RANGE ROVER មួយគ្រឿង ពាក់ស្លាកលេខ ភ្នំពេញ 2AB-0089 ដែល បើកឆ្លងផ្លូវពីលិចទៅកើត មកដល់ហួសពាក់កណ្តាលផ្លូវ សង្ស័យវាក់អើចាប់ហ្រ្វាំងមិនទាន់ ទើបបណ្តាលឲ្យម៉ូតូជ្រុលទៅបុកចំហៀង រថយន្តពេញទំហឹង បណ្តាលឲ្យដួលរងការខូចខាតទាំងសងខាង ចំណែកអ្នកបើកបររបួសធ្ងន់ បញ្ជូនទៅសង្រ្គោះភ្លាមៗ ។
សមត្ថកិច្ចមូលដ្ឋាន និងសមត្ថកិច្ចជំនាញចុះដល់ទីតាំង និងរាយការណ៍បន្តទៅការិយាល័យចរាចរជើងគោក របស់ស្នងការក្រុង ចុះវាស់វែងយកមធ្យោបាយទាំង ២ គ្រឿងទៅរក្សាទុក ដើម្បីរង់ចាំដោះស្រាយ ៕
