កម្លាំងប៉ុស្តិ៍នគរបាលគោកឃ្លាងខណ្ឌសែនសុខ ឃាត់ខ្លួនជនសង្ស័យម្នាក់ ករណីលួចទ្រព្យសម្បត្ដិ

April 16, 2021 adm Comment(0)

ភ្នំពេញ% នៅថ្ងៃទី១៥ខែមេសាឆ្នាំ២០២១ ម៉ោង១៥ និង០០នាទី កម្លាំងប៉ុស្តិ៍នគរបាលគោកឃ្លាង ឃាត់ខ្លួនជនសង្ស័យម្នាក់ ករណីលួចគ្រឿងអលង្ការ លួចប្រាក់ និងទូរសព្ទ័ដៃ នៅចំណុចក្នុងរថយន្តមុខមណ្ឌលសុខភាពភ្នំពេញថ្មី ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខរាជធានីភ្នំពេញ ។

ប្រភពពីសមត្ថកិច្ចបានឲ្យដឹងថា កាលពីថ្ងៃទី១៤ខែមេសាឆ្នាំ២០២១ ម៉ោង០៩ និង០៩នាទី បង្កដោយជនសង្ស័យម្នាក់ ឈ្មោះ វ៉ាន់ ប្រុស ភេទប្រុស អាយុ៥១ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិតាង៉ូវក្រោម សង្កាត់និរោច ខណ្ឌច្បារអំពៅ (គ្មានសារធាតុញៀន) បានធ្វើសកម្មភាព លួចគ្រឿងអលង្ការ , ប្រាក់ និងទូរសព្ទ័ដៃ របស់ជនរងគ្រោះឈ្មោះ អ៊ិត ចាន់ថូ ភេទស្រី អាយុ៤៤ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះលេខ១ ផ្លូវបេតុង ភូមិសំបូរ សង្កាត់ដង្កោ ខណ្ឌដង្កោ ។

សម្ភារៈបាត់បង់ ក្រវិឡ ០១គូ ។

សម្ភារៈបន្សល់ទុក ទូរសព្ទ័អាយហ្វូនអេច ០១គ្រឿង , ខ្សែកអង្កាំ០១តម្លឹងជាង , ចិញ្ចៀន០១វង់ ប្រគល់ឲ្យជនរងគ្រោះវិញ , អាវុធខ្លី០១ដើមម៉ាកឡុក១៩ លេខTWS035 , បង់០១ , គ្រាប់១៥គ្រាប់ , អាវុធវែងបាញ់សត្វម៉ាកវ៉ាំងឌឺឡុង ០១ដើម និងស្លាកលេខឡា០១គូ(ខម) របស់ជនសង្ស័យ ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕

adm

ព័ត៌មានសន្តិសុខសង្គម

ក្រឡាប់រថយន្ត ចេញសុទ្ធតែឈើ

July 15, 2022 adm

(ខេត្តក្រចេះ )៖ រថយន្តមួយគ្រឿងក្នុងចំណោមរថយន្តខ្សែដឹកគ្រឿងសង្ហារឹម កាលពីយប់រំលងអាធ្រាត្រឈានចូលថ្ងៃទី១៥ កក្កដា បានក្រឡាប់ធ្លាក់ស្នាមភ្លោះស្ថិតនៅចំណុចភូមិគោលាប់ឃុំគោលាប់ ស្រុកចិត្របុរី ខេត្តក្រចេះ ។ តាមប្រភពព័ត៌មានបញ្ជាក់ថា ស្ទើររាល់យប់ គឺមានក្រុមរថយន្តចងគ្រឿងសង្ហារឹមពីក្រោយចេញជាខ្សែ ចាប់ពី៣គ្រឿង ទៅ៥គ្រឿង និងមានច្រើនលើសនេះទៀត រហូតទៅដល់ជាង១០គ្រឿងក្នុងមួយយប់ ឆ្លងកាត់ខេត្តក្រចេះ ឆ្ពោះទៅរាជធានីភ្នំពេញ ដោយបើកបរក្នុងល្បឿនល្បឿន តែពុំមានសមត្ថកិច្ចប្រថុយប្រថាន ដើម្បីស្ទាក់ឃាត់ឆែកឆេនោះទេ ។ ប្រភពបន្តថា ក្រុមរថយន្តខ្សែទាំងសុទ្ធសឹងចេញពីខេត្តស្ទឹងត្រែង ឆ្លងកាត់ខេត្តក្រចេះ និងបន្តឆ្ពោះទៅឃ្លាំងស្តុកនៅភ្នំពេញ តែក្រោយការក្រឡាប់រថយន្តមួយគ្រឿងខាងលើ ទើបគេដឹងថា ក្រុមរថយន្តខ្សែទាំងនោះ បន្លំចងគ្រឿងសង្ហារឹមពីក្រោយបន្តិចបន្តួច តែខាងក្នុងដឹកឈើឆៅមិនទាន់កែច្នៃទាំងអស់។ ក្រោយក្រឡាប់រថយន្តនោះ គេបានឃើញតៃកុងឬព្រូនៅក្បែរថយន្តខាងលើទេ ចំណែករថយន្តធ្លាប់ចូលប្រឡាយស្នាមភ្លោះលើកំណាត់លេខ៧ ខ្ទាតចេញសុទ្ធតែឈើសន្លឹក។ សមត្ថកិច្ចអោយដឹងថា ក្រោយកើតហេតុនាព្រឹកព្រលឹមស្រាងៗនគរបាលចរាចរណ៍ជើងគោគនៃអធិការដ្ឋានស្រុកចិត្របុរីមកស្ទូចយករថយន្តទៅរក្សាទុកនៅអធិការដ្ឋាន និងជួយរថយន្ត ផ្សេងទៀតមកប្រមូលឈើដែលរាយប៉ាយយកទៅរក្សាទុកផងដែរ។ មន្ត្រីនគរបាលចរាចរណ៍នៃអធិការដ្ឋានស្រុកចិត្របុរីបានបញ្ជាក់ថា រថយន្តខាងលើគ្រោះថ្នាក់ដោយកត្តាប្រើប្រាស់ល្បឿនលឿនបែកកង់រេចង្កូតក្រឡាប់ធ្លាក់ស្នាមភ្លោះ។ បច្ចុប្បន្ន វត្ថុតាងត្រូវបាននាំទៅរក្សាទុកនៅអធិការដ្ឋាននគរបាលស្រុកចិត្របុរី ដើម្បី កសាងសំណុំរឿននិងបញ្ជូនទៅជំនាញតាមនីតិវិធី ៕

ព័ត៌មានសន្តិសុខសង្គម

លាន់ដូចរន្ទះ! រូបសំណាក់នាគព័ន្ធខេត្តស្វាយរៀង ត្រូវរថយន្តកុងតឺន័របុកខ្ទេចទាំងស្រុងរាបដល់ដី

August 17, 2021 adm

(ខេត្តស្វាយរៀង) ៖ ហេតុការណ៍បង្កឲ្យមានការភ្ញាក់ផ្អើលនេះ បានកើតឡើងនៅវេលាម៉ោងប្រហែលជា ៨ និង៣០នាទីយប់ ថ្ងៃទី ១៦ ខែសីហា ឆ្នាំ២០២១ ដែលបង្កឡើងដោយរថយន្តកុងតឺន័រពាក់ស្លាកលេខ ភ្នំពេញ 3C-0630 លេខកន្ទុយរឺម៉ក ភ្មំពេញ 4A-1592 បើកបរមកពីទិសខាងលិច ឆ្ពោះមកទិសខាងកើត នៅលើដងផ្លូវជាតិលេខ១ លុះមកដល់ត្រង់ចំណុចខាងមុខមន្ទីរអប់រំយុវជននិងកីឡាខេត្តស្វាយរៀង ស្ថិតក្នុងក្រុងស្វាយរៀង ក៏បានជ្រុលចង្កូតទៅបុករូបសំណាក់នាគព័ន្ធ ដែលមានសរសេរពាក្យស្លោកថា”ខេត្តស្វាយរៀងសូមស្វាគមន៍” បណ្ដាលឲ្យខ្ទេចខ្ទីទាំងស្រុងរាបដល់ដីតែម្ដង។ ទោះបីជាយ៉ាងណាក៏ដោយគេមិនទាន់ ទទួលបាននូវព័ត៌មានលម្អិតនៅឡើយនោះទេ រហូតដល់ម៉ោង១០:០០យប់ សកម្មភាពទាញឡានកុងតឺន័រ ដែលបង្កគ្រោះថ្នាក់ចរាចរណ៍ខាងលើនៅមិនទាន់រួចរាល់នៅឡើយនោះទេ ។ ពាក់ព័ន្ធករណីដែលបង្គគ្រោះថ្នាក់ចរាចរណ៍នេះដែរ បើតាមការសន្និដ្ឋានពីមតិមហាជន បាននិយាយពីមាត់មួយទៅមាត់មួយថា ទី១ មកពីទីកន្លែងនេះមានសភាពងងឹតពេក ទី២ បណ្ដាលមកពីអ្នកបើកបររថយន្តខាងលើមិនស្គាល់ភូមិសាស្ត្រ នៃខេត្តស្វាយរៀងបានច្បាស់លាស់, ទី៣ សង្ស័យអ្នកបើករថយន្ត បង្កខាងលើលេងទូរសព្ទបណ្ដើរ, ទី៤ សង្ស័យអ្នកបើកបរ មានជាតិស្រវឹងក្នុងខ្លួន។ ចំណែកអ្នកបើកបររថយន្តបង្កខាងលើក្រោយពីបង្ករួច ក៏បានដើរចោលរថយន្តយ៉ាងរំភើយបន្សល់ទុកនូវរថយន្តបង្កហេតុនៅពីលើរូបសំណាកនាគព័ន្ធយ៉ាងប្រហើរ ។ គួរបញ្ជាក់ផងដែរនៅរង្វង់មូលនាគព័ន្ធនេះតែងតែមានរថយន្តតូចធំបុកជាញឹកញាប់នៅពេលយប់ ៕ ដោយ៖ ព្រហ្មសាវ៉េត