(ខេត្តកណ្តាល )៖ សមត្ថកិច្ចឃាត់ខ្លួនជនសង្ស័យប្រុសស្រី០២នាក់ពាក់ព័ន្ធករណីផ្សំគំនិតនិងរំលោភសេពសន្ថវៈលើក្មេងស្រីម្នាក់ នៅភូមិព្រែករការ ឃុំ ព្រែករការ ស្រុកកណ្តាលស្ទឹង ខេត្ត កណ្តាលកាលពីថ្ងៃសុក្រ១១រោចខែ ស្រាពណ៍ឆ្នាំ ឆ្លូវត្រីស័ក ព.ស. ២៥៦៥ត្រូវនិងថ្ងៃទី ០៣ខែ កញ្ញា ឆ្នាំ ២០២១ ។
ប្រពភពីសមត្ថកិច្ចបានឲ្យដឹងថាបានឃាត់ខ្លួនជនសង្ស័យប្រុសស្រី០២នាក់ម្នាក់ត្រូវជាម្តាយបង្កើតម្នាក់ទៀតត្រូវជាឳពុកចុងជនសង្ស័យទី១មានឈ្មោះ មួង ចាក ហៅ តាក់ ភេទប្រុស អាយុ ឆ្នាំមានទីលំនៅភូមិ ព្រែករការ ឃុំ ព្រែករការ ស្រុកកណ្តាលស្ទឹង ខេត្តកណ្តាល មុខរបរ កសិករ ត្រូវជាឪពុកចុង។
ទី២ មានឈ្មោះ ជាន ហ៊ុច ភេទ ស្រី ៥០ឆ្នាំ មានទីលំនៅភូមិ ព្រែករការ ឃុំ ព្រែករការ ស្រុក កណ្ដាលស្ទឹង ខេត្តកណ្តាល។ មុខរបរ មិនពិតប្រាកដ ។ ជនរងគ្រោះមានឈ្មោះ ម ស ម ភេទស្រី អាយុ ១២ឆ្នាំ រស់នៅ ខេត្តកណ្តាល។
សមត្ថកិច្ចបានបន្តទៀតថា នៅថ្ងៃទីពុំចាំ ខែមីនា ឆ្នាំ២០២០ ឈ្មោះ ជាន ហុច អាយុ ៥០ឆ្នាំ ត្រូវជាម្តាយបង្កេីតរបស់ជនរងគ្រោះ បានចុះចោលប្តីរបស់ខ្លួន ទៅមានប្តីថ្មីមួយទៀតឈ្មោះ មួង ចាត ហៅ តាក់(ជនសង្ស័យ) រស់នៅភូមិឃុំកេីតហេតុខាងលេី រហូតដល់ថ្ងៃទី២៦ កក្កដា ឆ្នាំ២០២១វេលាម៉ោង ០៨និង០០នាទីម្តាយបង្កើតរបស់ជនរងគ្រោះបានមកដល់ផ្ទះឪពុកបង្កើតរបស់ជនរងគ្រោះ ហេីយបានសុំជួបជនរងគ្រោះមួយថ្ងៃ ពេលឪពុករបស់ជនគ្រោះបានអនុញ្ញាតអោយនៅមួយជនរងគ្រោះមួយយប់ លុះស្អែកឡេីងវេលាម៉ោង ១៦និង៣០នាទី ពេលឪពុករបស់ជនរងគ្រោះទៅចំការបាត់ ស្រាប់ម្តាយបង្កើតរបស់ជនរងគ្រោះបានយកជនរងគ្រោះទៅបាត់ ពេលឪពុកជនរងគ្រោះត្រលប់មកពីចំការវិញមិនឃេីញកូនស្រីរបស់ខ្លួន ក៏តាមរកដល់ម្តុំផ្លូវជាតិលេខ៣ស្រុកកណ្តាលស្ទឹងតែពុំឃេីញក៏ត្រឡប់មកផ្ទះវិញ ។
លុះដល់ថ្ងៃទី០១ ខែ កញ្ញាឆ្នាំ២០២១វេលាម៉ោងប្រាំបីព្រឹក ម្តាយបង្កើតរបស់ជនរងគ្រោះបាននាំ ជនរងគ្រោះត្រលប់មកមកផ្ទះវិញ ហេីយបានសុំរួមជាមួយប្តីដេីមវិញ តែឪពុកជនរងគ្រោះមិនព្រមអោយនៅទេ តែម្តាយជនរងគ្រោះមិនព្រមចេញ ក៏ដេកស្នាក់ផ្ទះជាមួយជនរងគ្រោះមួយយប់ទៀត លុះស្អែកពេលឪពុកជនរងគ្រោះទៅបេះបន្លែបាត់ ម្តាយបង្កើតជនរងគ្រោះបានលួចលុយចំនួន៥០០ដុល្លាររត់គេខ្លួនបាត់ ពេលនោះជនរងគ្រោះបាននិយាយប្រាប់ឪពុករបស់ខ្លួនថា ពេលជនរងគ្រោះមករស់នៅជាមួយ ម្តាយរបស់ខ្លូននិងឪពុកចុងនៅភូមិឃុំកេីតហេតុខាងលើ ម្តាយបានវាយធ្វេីបាបរាល់ថ្ងៃចំណែកឪពុកចុងបានវាយធ្វើបាបរាល់ថ្ងៃ និង បានចាប់រំលោភចំនួន០៤ ដង លើកទី១ពេលយប់នៅលេីផ្ទះរបស់ជនសង្ស័យតែមិនបានសំរេច លេីកទី២ ទី៣ ទី៤ នៅលេីផ្ទះដដែលបានសំរេច ដោយម្តាយជាអ្នកជួយហែកជេីងជនរងគ្រោះទាំងសងខាង ដេីម្បីអោយជនសង្ស័យរំលោភ រាល់ពេល ។
ជនរងគ្រោះបានលើឡើងទៀតថា ជនសង្ស័យទាំងពីរនាក់តែងតែវាយធ្វើបាប និងគំរាមជនរងគ្រោះមិនអោយប្រាប់អ្នកណា លឺដូចនោះឪពុកបង្កើតរបស់ជនរងគ្រោះបានទៅដាក់ពាក្យបណ្ដឹងនៅប៉ុស្ត៏ិ៍នគរបាលរដ្នបាលសង្កាត់តាខ្មៅ ហេីយកម្លាំងប៉ុស្តិ៍នគរបាលរដ្ឋបាលសង្កាត់ តាខ្មៅបានណែនាំឲ្យមកដាក់ពាក្យបណ្ដឹងនៅប៉ុស្ត៏នគរបាលរដ្នបាលឃុំ ព្រែករការ ក្រោយទទួលបានកម្លាំងផ្នែកព្រហ្មទណ្ឌស្រុកកណ្តាលស្ទឹង សហការជាមួយកម្លាំងប៉ុស្តិ៍នគរបាលរដ្ឋឃុំ ព្រែករការបានចុះស្រាវជ្រាវឃាត់ខ្លួនតែម្តង។
បច្ចុប្បន្នជនសង្ស័យត្រូវបានបញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដេីម្បីកសាងសំនុំរឿងតាមនីតិវិធី៕
