ព័ត៌មានជាតិ

ផ្លាស់ប្ដូរ អធិការស្រុកពារាំង និងអធិការស្រុកស៊ីធរកណ្ដាល ខេត្តព្រៃវែង!

December 19, 2022 adm Comment(0)

(ព្រៃវែង)៖ សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ កាលពីថ្ងៃទី១២.១២.២០២២ បានចេញសេចក្ដីប្រកាសស្ដីពីៈ ការផ្ទេរភារៈកិច្ច ផ្លាស់ប្ដូរនិងតែងតាំង មុខតំណែងមន្ត្រីនគរបាល ខេត្តព្រៃវែង ចំនួន៥រូប។

ក្នុងសេចក្ដីប្រកាសនោះ បានសម្រេចដូចខាងក្រោម៖
ទី១៖ លោកវរសេនីយ៍ឯក ជឹម រតនា ជាស្នងការរងខេត្តព្រៃវែង ទទួលផែន នគរបាលការពារ ព្រំដែនគោក។
២៖ លោកវរសេនីយ៍ឯក សេង សាវ៉ន អធិការស្រុកស៊ីធរកណ្ដាល ជាស្នងការរងខេត្តព្រៃវែង។
៣៖ លោកវរសេនីយ៍ឯក ឡុង ប៊ុនធឿន អធិការស្រុកពារាំង ជានាយកការិយាល័យ គ្រប់គ្រងអាវុធជាតិផ្ទុះ និងជាតិពុល នៃស្នងការដ្ឋាននគរបាលខេត្តព្រៃវែង។
៤៖ លោកវរសេនីយ៍ទោ មាស សុភាព នាយរងការិយាល័យ បណ្ដុះបណ្ដាល នៃស្នងការដ្ឋាននគរបាលខេត្តព្រៃវែង ជាអធិការស្រុកស៊ីធរកណ្ដាល។
៥៖ លោកវរសេនីយ៍ទោ ស៊ុំ សីហា អធិការរងស្រុកពារាំង ជាអធិការនគរបាលស្រុកពារាំង ខេត្តព្រៃវែង៕

adm

ព័ត៌មានជាតិ

ស្ថានទូតអាមេរិក ប្រចាំកម្ពុជា គាំទ្រកុងសង់ស៊ីសទាំង៥ របស់អាស៊ាន សម្រាប់ប្រទេសមីយ៉ាន់ម៉ា

January 12, 2022 adm

(ភ្នំពេញ)៖ អ្នកនាំពាក្យស្ថានទូតអាមេរិកប្រចាំកម្ពុជា លោក Chad Roedemeier បានបញ្ជាក់ថា ស្ថានទូតបានតាមដានចំពោះដំណើរទស្សនកិច្ច របស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ទៅមីយ៉ាន់ម៉ា កាលពីថ្ងៃទី៧ ខែមករា ឆ្នាំ ២០២២ កន្លងទៅ។ ទោះបីជាលោកមិនបានឆ្លើយថា គាំទ្រ ឬជំទាស់នឹងទស្សនកិច្ចនេះក្ដី តែអ្នកនាំពាក្យរូបនេះថា អាមេរិកជំរុញឱ្យកម្ពុជាប្រើប្រាស់នាមប្រធានអាស៊ានរបស់ខ្លួនធ្វើយ៉ាងណាធានាដល់ការអនុវត្តន៍គោលការណ៍កុងសង់ស៊ីស៥ចំណុចរបស់អាស៊ាន សម្រាប់ប្រទេសមីយ៉ាន់ម៉ា និងធានាដល់ដំណើរទស្សនកិច្ចរបស់របស់ប្រសិតពិសេសអាស៊ានអាចបានទៅជួបគ្រប់ភាគីពាក់ព័ន្ធទាំងអស់ ក្នុងប្រទេសមីយ៉ាន់ម៉ា។ លោក Chad Roedemeier បានលើកឡើងថា «យើងគាំទ្រកូសង់ស៊ីសប្រាំចំណុចរបស់អាស៊ាន ហើយជំរុញឱ្យកម្ពុជាក្នុងនាមជាប្រធានអាស៊ានឆ្នាំ២០២២ បន្តជំរុញឱ្យមានការអនុវត្តន៍នូវចំណុចទាំងប្រាំ និងដើម្បីធានាថា ដំណើរទស្សនកិច្ចណាមួយរបស់ប្រេសិតពិសេសអាស៊ាននឹងមានការជួបជាមួយគ្រប់ភាគីពាក់ព័ន្ធ។ យើងសូមរំលឹកឡើងវិញនូវការអំពាវនាវរបស់យើងដល់របបយោធាភូមាឱ្យបញ្ចប់ការប្រើប្រាស់អំពើហិង្សា, ដោះលែងអ្នកដែលត្រូវបានឃុំឃាំងដោយអយុត្តិធម៌ទាំងអស់ និងចូលរួមក្នុងការសន្ទនាក្នុងន័យស្ថាបនាជាមួយគ្រប់ភាគីដែលគោរពឆន្ទៈរបស់ប្រជាជនភូមា»។ កិច្ចព្រមព្រៀងជាឯកច្ឆន្ទ៥ចំណុចរបស់អាស៊ានសម្រាប់ប្រទេសមីយ៉ាន់ម៉ា មានដូចជាតម្រូវឱ្យបញ្ឈប់នូវអំពើហិង្សា បង្កើតនូវការសន្ទនាគ្រប់ភាគី ទទួលយកការសម្របសម្រួលរបស់បេសកជនពិសេសអាស៊ាន ការផ្ដល់ជំនួយមនុស្សធម៌ និងអនុញ្ញាតឱ្យបេសជនពិសេសទៅបំពេញទស្សនកិច្ចនៅក្នុងប្រទេសមីយ៉ាន់ម៉ា។ គួររំលឹកផងដែរថា នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានធ្វើទស្សនកិច្ចទៅកាន់ប្រទេសមីយ៉ាន់ម៉ាកាលពីថ្ងៃទី៧ ខែមករាកន្លងទៅដើម្បីជួយស្វែងរកដំណោះស្រាយនៃជម្លោះមីយ៉ាន់ម៉ា ក៏ដូចជានាំប្រទេសនេះចូលក្នុងអាស៊ានវិញផងដែរ។ ក្រោយដំណើរទស្សនកិច្ចនេះ មហាអំណាចចិន បានប្រកាសគាំទ្រយ៉ាងពេញទំហឹងដោយថាកម្ពុជាបានដើរតួនាទីយ៉ាងសកម្ម និងចូលរួមចំណែកយ៉ាងសំខាន់ក្នុងការគ្រប់គ្រងការខ្វែងគំនិតគ្នារវាងភាគីនៃប្រទេសមីយ៉ាន់ម៉ា តាមរយៈការសន្ទនានយោបាយ […]

ព័ត៌មានជាតិ

ពិធីសំណេះសំណាល និងទទួលថវិកាវិភាគទាន ពីមន្ទីរអង្គភាពជុំវិញខេត្ត អនុសាខាក្រុង-ស្រុក និងសប្បុរសជននានា ដើម្បីអបអរខួបលើកទី ១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២២

July 18, 2022 adm

(ខេត្តកណ្ដាល)៖ នៅព្រឹកថ្ងៃទី១៨ ខែកក្កដា ឆ្នាំ២០២២ នៅសាខាកាកបាទក្រហមកម្ពុជាខេត្តកណ្ដាល បានរៀបចំពិធីសំណេះសំណាល និងទទួលថវិកាវិភាគទាន ពីមន្ទីរអង្គភាពជុំវិញខេត្ត រដ្ឋបាលក្រុង-ស្រុក និងសប្បុរសជននានា ដើម្បីអបអរខួបលើកទី ១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២២ ក្រោមប្រធានបទ “ទាំងអស់គ្នារួមជាមួយកាកបាទក្រហមកម្ពុជា ដោះស្រាយបញ្ហាប្រឈមនានា និងបន្តពង្រឹងភាពធន់សហគមន៏” ក្រោមអធិបតីភាពឯកឧត្តម គង់ សោភ័ណ្ឌ អភិបាលខេត្តកណ្ដាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត។ មានប្រសាសន៍សំណេះសំណាល ឯកឧត្តម គង់ សោភ័ណ្ឌ បានកោតសរសើរ និងវាយតម្លៃខ្ពស់ចំពោះសកម្មភាពរបស់ក្រុមប្រតិបត្តិសាខា អនុសាខា ទាំងអស់នៅក្នុងខេត្តកណ្ដាល ដែលបានអនុវត្តយ៉ាងផុសផុល និងយកចិត្តទុកដាក់ខ្ពស់ចំពោះការងារមនុស្សធម៌ របស់កាកបាទក្រហមកម្ពុជាក្នុងការជួយសង្គ្រោះ ដល់បងប្អូនប្រជាពលរដ្ឋដែល ជួបនូវគ្រោះមហន្តរាផ្សេងៗ ដែលកើតមានឡើងនៅក្នុងភូមិសាស្ត្រខេត្តកណ្ដាល។ ឯកឧត្តម ប្រធានគណៈកម្មាធិការសាខា បានថ្លែងអំណរគុណយ៉ាងជ្រាលជ្រៅបំផុតជូន មន្ទីរអង្គភាពជុំវិញខេត្ត រដ្ឋបាលក្រុង-ស្រុក និងសប្បុរសជននានា ដែលបានផ្ដល់ថវិកាផ្ទាល់ខ្លួន ដើម្បីចូលរួមចំណែកជាមួយ និងការងារមនុស្សធម៌ របស់កាកបាទក្រហមកម្ពុជា ដើម្បីបន្តអនុវត្តការងារមនុស្សធម៌នេះ និងជួយដល់បងប្អូនប្រជាពលរដ្ឋ ដែល ជួបនូវគ្រោះមហន្តរាយផ្សេងៗបានទាន់ពេលវេលា។ ឯកឧត្តម […]

ព័ត៌មានជាតិ

មេឈ្មួញជើងខ្លាំងខាងបំផ្លាញព្រៃឈើឈ្មោះ ស្កឺ នៅតែបន្តការដឹកជញ្ជូនឈើ សិប្បកម្មកែច្នៃអត់ច្បាប់អាជ្ញាធរនិងសមត្ថកិច្ចពាក់ព័ន្ធមិនទប់ស្កាត់

October 19, 2022 adm

(ខេត្តឧត្តរមានជ័យ)៖ពីមួយថ្ងៃទៅមួយថ្ងៃគេសង្កេតឃើញថា មេឈ្មួញឈ្មោះ ស្កឺ សព្វថ្ងៃនេះបានកំពុងដឹកជញ្ជូនឈើ សិប្បកម្មកែច្នៃអត់ច្បាប់យ៉ាងអាណាធិបតេយ្យ អាជ្ញាធរនិងសមត្ថកិច្ចពាក់ព័ន្ធមិនទប់ស្កាត់ ។ ពពរដ្ឋបានដាក់ការសង្ស័យទំនងជាបង់លោក អឹម សាវរិទ្ធ នាយខណ្ឌរដ្ឋបាលព្រៃឈើ និងលោក សួត សុីសុខឃាង ប្រធានមន្ទីរ កសិកម្ម ត្រូវថ្នាំសណ្ដំរបស់មេឈ្មួញឈ្មោះ ស្កឺ ហើយមើលទៅបានជាបណ្ដែតបណ្ដោយឲ្យដឹកជញ្ជូនឈើសិប្បកម្មកែច្នៃអត់ច្បាប់ទៅយ៉ាងរលូនបែបនេះដោយមិនទាក់ក្រសែភ្នែកអាជ្ញាធរនិងសមត្ថកិច្ចពាក់ព័ន្ធនោះឡើយ ។ ប្រភពបានឲ្យដឹងថាមេឈ្មួញឈ្មោះ ស្កឺ ដែលល្បីរាប់ឆ្នាំខាងដឹកជញ្ជូនសិប្បកម្មកែច្នៃអត់ច្បាប់ម្នាក់នេះដោយគេដឹកជញ្ជូនឈើសិប្បកម្មកែច្នៃចេញពីស្រុកត្រពាំងប្រាសាទ ឆ្លងកាត់ស្រុកអន្លង់វែង ខេត្តឧត្តរមានជ័យឆ្ពោះទៅចែកចាយតាមបណ្ដាលខេត្តនានា។ ជុំវិញករណីខាងលើនេះដែរអង្គភាពជើងមិនអាចសុំការបំភ្លឺពីអាជ្ញាធរនិងសមត្ថកិច្ចពាក់ព័ន្ធណាមួយបាននៅឡើយទេ។ ទោះជាយ៉ាងណាក្ដីបងប្អូនប្រជាពលរដ្ឋ សំណូមពរដល់អាជ្ញាធរពាក់ព័ន្ធទាំងអស់មេត្តាមានវិធានការទប់ស្កាត់ការដឹកជញ្ជូនឈើកែច្នៃអត់ច្បាប់ទាំងនេះផង បងប្អូនប្រពលរដ្ឋមានសង្ឃឹមជឿជាក់លើកឯកឧត្តមអភិបាលខេត្ត ឯកឧត្តមតែងតែដោះស្រាយរាល់បញ្ហាប្រឈមនានាជូនពលរដ្ឋកន្លងមក ពួកគាត់ សង្ឈឹមយ៉ាងមុតមាំលើឯកឧត្តមអភិបាលខេត្តនិងមានចំណាត់ការចំពោះករណីនេះផងកុំឲ្យក្រុមឈ្មួញរកស៊ីបទល្មើសឈើខុសច្បាប់កាន់តែច្រើនមិនគោរពច្បាប់ ៕