(ខេត្ដព្រៃវែង)៖នៅថ្ងៃទី០២ ខែកញ្ញា ឆ្នាំ២០២២ នេះ លោកវរសេនីយ៍ឯក សួន សំអឿន អធិការនគរបាលស្រុកកំពង់ត្របែក នៃ ស្នងការដ្ឋាននគរបាលខេត្តព្រៃវែង បានលើកទឹកចិត្តដល់មន្ត្រីនូវទឹកប្រាក់ចំនួន៤០មុឺនរៀល ដែលបានបង្ក្រាបករណីគ្រឿងញៀន កាលពីថ្ងៃទី០១ខែកញ្ញាឆ្នាំ២០២២ វេលាម៉ោង១០និង៣០នាទី នៅចំនុចផ្លូវលំស្ថិតក្នុងភូមិអង្កាញ់ ឃុំប្រធាតុ ស្រុកកំត្របែក ខេត្តព្រៃវែង ក្នុងនោះឃាត់ខ្លួនជនសង្ស័យចំនួន៤នាក់ផងដែរ ។
លោកបានលើកឡើងថាការលើកទឹកចិត្ដដល់មន្ត្រីនគរបាលនៅក្នុងស្រុកកំពង់ត្របែកនេះមិនមែនជាលើកទី១នោះទេហើយលោកនឹងបន្ដលើកផ្ដល់ទឹកប្រាក់លើកទឹកបន្ដទៀតចំពោះមន្ត្រីណាដែលមានស្នាដៃក្នុងការបង្ក្រាបបទល្មើសផ្សេងៗទៀត នៅក្នុងស្រុកកំពង់ត្របែក ។
លោកក៍បានអំពាវនាវដល់បងប្អូនប្រជាពលរដ្ឋដែលរស់នៅក្នុងមូលដ្ឋានស្រុកកំពង់ត្របែកទាំងអស់សូមមេត្តារាយការណ៍ទៅសមត្ថកិច្ចភ្លាមៗប្រសិនបើមានបទល្មើសផ្សេងៗកើតឡើងនៅក្នុងមូលដ្ឋាន ដែលរស់នៅសព្វថ្ងៃតាមរយៈលេខទូរសព្ទដែលបានបិទផ្សាយជូន ដើម្បីឲ្យសមត្ថកិច្ចយើងចុះទៅដល់គោលដៅទាន់ពេលវេលាផងដែរ ៕
