មនុស្ស២នាក់រងរបួសធ្ងន់និង២នាក់ទៀតរងរបួសស្រាលក្នុងករណីគ្រោះថ្នាក់ចរាចរណ៍

(ខេត្ដស្វាយរៀង)៖មានមនុស្ស២នាក់រងរបួសធ្ងន់និង២នាក់ទៀតរងរបួសស្រាលក្នុងករណីគ្រោះថ្នាក់ចរាចរណ៍រវាងម៉ូតូបុកជាមួយម៉ូតូ។

ហេតុការណ៍នេះបានកើតឡើងកាលពីថ្ងៃ អាទិត្យ ១៤ រោច ខែ មិគសិរ ឆ្នាំ ឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ០២ ខែ មករា ឆ្នាំ ២០២២ វេលាម៉ោង ២១និង៤៥ នាទីយប់ នៅចំណុច លើផ្លូវបំបែកលេខ ២០៩ ស្ថិតក្នុងភូមិ រោងបន្លែ សង្កាត់ ស្វាយរៀង ក្រុង ស្វាយរៀង ។

យោងតាមប្រភពពីសមត្ថកិច្ចបានឲ្យដឹងថានៅមុនពេលកើតហេតុ មាន ម៉ូតូម៉ាក ហុងដាសេ ១២៥ ពណ៏ ខ្មៅ ពាក់ស្លាកលេខ ស្វាយរៀង 1J .0968 មានអ្នករួមដំណើរម្នាក់ បើកបរដោយឈ្មោះ មី មន ភេទ ប្រុស អាយុ ៤២ ឆ្នាំ មុខរបរ ចុងភៅ រស់នៅភូមិ ជៀសឫស្សី ឃុំ ចំឡង ស្រុក ស្វាយជ្រំ ខេត្ត ស្វាយរៀង បើកបរ​ពីកើតទៅលិច លុះមកដល់ចំណុចកើតហេតុ មានម៉ូតូម៉ាក ហុងដាសេ ១២៥ ពណ៏ ពាក់ស្លាកលេខ ស្វាយរៀង 1N.5451មានអ្នករួមដំណើរម្នាក់ បើកបរដោយឈ្មោះ ចាន់ ប៊ន ភេទ ប្រុស អាយុ ៤១ ឆ្នាំ មុខរបរ កសិករ រស់នៅភូមិ មុខដា ឃុំ មុខដា ស្រុក រមាសហែក ខេត្ត ស្វាយរៀង បើកបរពីត្បូងទៅជើង ស្របពេលអ្នកបើកបរម៉ូតូ ពាក់ស្លាកលេខ ស្វាយរៀង 1J .0968 មិនគោរពសិទ្ធិអាទិភាពនោះបណ្ដាលឲ្យបុកគ្នាពេញទំហឹងតែម្ដងបណ្ដាលឲ្យមនុស្សរងរបួសធ្ងន់ទាំងសងខាងចំណែកឯម៉ូតូរងការខូចខាត។
បច្ចុប្បន្នអ្នករបួសបញ្ចូនទៅសម្រាកព្យាបាលនៅមន្ទីរពេទ្យខេត្តស្វាយរៀងចំណែកមធ្យោបាយសមត្ថកិច្ចនាំយកមករក្សាទុកនៅអធិការក្រុងស្វាយរៀង រង់ចាំការដោះស្រាយគ្នាពេលក្រោយ៕