ប៉ុស្តិ៍នគរបាលរដ្ឋបាលព្រែកអំពិល ចុះស្រាវជ្រាវនិងឃាត់ខ្លួនបានជនសង្ស័យ ចំនួន១នាក់ និងដកហូតវត្ថុតាងដែករន្ទាចំនួន០៣ផ្ទាំង

(ខេត្ដកណ្ដាល)៖នៅថ្ងៃទី២៦ ខែធ្នូ ឆ្នាំ២០២១ កម្លាំងប៉ុស្តិ៍នគរបាលរដ្ឋបាលឃុំព្រែក អំពិលចុះធ្វើការស្រាវជ្រាវនិងឃាត់ខ្លួនជនសង្ស័យបាន១នាក់តាមពាក្យបណ្ដឹងជនរងគ្រោះមានឈ្មោះ ឡឹក ច័ន្ទម៉ូណាក់ករណីលួចដែករន្ទា ចំនួនចំនួន៣ផ្ទាំងកាលពីថ្ងៃ ពុធ ០៣រោច ខែមិគសិរ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២២ ខែធ្នូ ឆ្នាំ២០២១ វេលាម៉ោង ២០_៣០នាទី ចំណុចភូមិព្រែកក្របៅទី១ ឃុំព្រែកអំពិល ស្រុកខ្សាច់កណ្តាល ខេត្តកណ្តាល ៕ជនរងគ្រោះឈ្មោះ ឡឹក ច័ន្ទម៉ូណាក់ ភេទ ប្រុស អាយុ៣៧ឆ្នាំ ជនជាតិខ្មែរ មុខរបរ ជាងសំណង់ មានទីលំនៅភូមិឃ្លាំងមឿងត្បូង ឃុំព្រែកអំពិល ស្រុកខ្សាច់កណ្ដាល ខេត្តកណ្តាល ។សំភារៈបាត់បង់រួមមាន ៖ ដែករន្ទាចំនួន០៣ផ្ទាំង(រកឃើញវិញ) ។

☆ជនសង្ស័យចំនួន០២នាក់ ៖១-ឈ្មោះ វី សេងលី ភេទ ប្រុស អាយុ២៣ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិឃ្លាំងមឿងជើង ឃុំព្រែកអំពិល ស្រុកខ្សាច់កណ្ដាល ខេត្តកណ្តាល យកសំណាករកមេរោគកូវីដ១៩ លទ្ធផល អវិជ្ជមាន ( – ) (ឃាត់ខ្លួនថ្ងៃទី ២៦.១២.២០២១ វេលាម៉ោង ១៨:០០នាទី) ។
២-ឈ្មោះ មនោ ត្រាយ ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឃ្លាំងមឿងជើង ឃុំព្រែកអំពិល ស្រុកខ្សាច់កណ្តាល ខេត្តកណ្តាល (គេចខ្លួន)
☆វត្ថុតាងចាប់យកបានដែករន្ទាសំរាបធ្វើសំណងចំនួន០៣ ផ្ទាំង។រឿងហេតុ នេះបានកើតឡើង រយៈពេល១ឆ្នាំ
មកហើយជនសង្ស័យបានប្រើប្រាស់ថ្នាំញៀនប្រភេទម៉ាទឹកកក ហើយកន្លងមកជនសង្ស័យនិងបក្សពួកមានឈ្មោះ មនោ ត្រាយ ភេទប្រុស ឈ្មោះ លី ភេទប្រុស អាយុ២៤ឆ្នាំ នៅភូមិឃ្លាំងមឿងត្បូង ឃុំព្រែកអំពិល និងឈ្មោះ ភឿន ឌី ភេទប្រុស អាយុ២៨ឆ្នាំ នៅភូមិឃ្លាំងមឿងជើង ឃុំព្រែកអំពិល បាននាំគ្នាដើរលួចទ្រព្យសម្បត្តិរបស់ប្រជាពលរដ្ឋមាន (សត្វមាន់ និងដែក)យកទៅលក់យកប្រាក់ទិញថ្នាំញៀនប្រើប្រាស់ជាមួយគ្នា ដល់ថ្ងៃទី២២.១២.២០២១ វេលាម៉ោង១៨ៈ៣០នាទី ជនសង្ស័យឈ្មោះ វី សេងលី និងឈ្មោះ មនោ ត្រាយ បានជិះម៉ូតូម៉ាកគុបឌុបគ្នាដើររកលួចដែក
របស់ប្រជាពលរដ្ឋ។ ដល់ម៉ោង២០ៈ៣០នាទីពេលជិះទៅដល់ភូមិ ឃុំ កើតហេតុខាងលើ ក៏ឃើញដែករន្ទាសំរាបធ្វើសំណងចំនួន០៣ផ្ទាំងបញ្ឈរទុកចោលនៅរបងផ្ទះ ដោយជាដែករន្ទា
របស់ជនរងគ្រោះឈ្មោះ ឡឹក ច័ន្ទម៉ូណាក់ ហើយជនសង្ស័យទាំងពីរនាក់នេះបានចូលលួចយកដែកអន្ទាលរបស់ជនរងគ្រោះ។លុះដល់ថ្ងៃទី២៣.១២.២០២១ វេលាម៉ោង៦ព្រឹក ជនសង្ស័យទាំងពីរនាក់បានយកដែករន្ទា
ដែលលួចបាននោះទៅលក់ឲ្យអ្នកទិញអេតចាយនៅឃុំពុកឫស្សី បានប្រាក់១០៥០០៛។
ដល់ថ្ងៃទី២៦.១២.២០២១ ជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលព្រែកអំពិល សមត្ថកិច្ចប៉ុស្តិ៍ចុះស្រាវជ្រាវនិងឃាត់ខ្លួនបានជនសង្ស័យឈ្មោះ វី សេងលី និងដកហូតវត្ថុតាងរួមមានដែករន្ទាចំនួន០៣ផ្ទាំងបញ្ជូនមកអធិការដ្ឋាននគរបាលស្រុកខ្សាច់កណ្តាល បន្តអនុវត្តតាមនីតិវិធី ៕