ពលរដ្ឋព័ទ្ធចាប់ជនសង្ស័យម្នាក់ ជាមុខសញ្ញាចោលួចនៅស្រុកពារាំង ប្រគល់ជូនសមត្ថកិច្ចភ្លាមៗ.!

October 13, 2021October 13, 2021 adm Comment(0)

(ខេត្តព្រៃវែង)៖ជនសង្ស័យម្នាក់ត្រូវប្រជាពលរដ្ឋព័ទ្ធចាប់បាន ពេលធ្វើសកម្មភាពចូលលួចទូរស័ព្ទ ហើយត្រូវពលរដ្ឋស្វាគមន៍ មួយដៃ មួយជើង រងរបួសយ៉ាងដំណំ.។

ហេតុការណ៍បានកើតឡើងកាលពីវេលាម៉ោងប្រហែល ០២និង២៥នាទីទាបភ្លឺ នៅ ថ្ងៃទី១៣ ខែតុលា ឆ្នាំ២០២១នេះ ។

ជនសង្ស័យ មានឈ្មោះ អុី គីមឡេង ភេទប្រុស អាយុ 28ឆ្នាំ រស់នៅភូមិមានជយ័ ឃុំមានជយ័ ស្រុកស្រីសន្ធ ខេត្តកំពង់ចាម។

បានជិះម៉ូតូ មួយគ្រឿងម៉ាក ហុងដា ឃ្លិច សេរីឆ្នាំ2021 ពាក់ស្លាកលេខ ភ្នំពេញ 1IF8702 មកឈប់មុខ ការ៉ាសសាំងដែលទើបនិងសាងសង់ ស្ថិតនៅភូមិពាក់ស្បៃ ឃុំកំពង់ប្រាំង ស្រុកពារាំង ខេត្តព្រៃវែង។

ហេីយបានចូលទៅលួច ទូរស័ព្ទ ម៉ាក OPPO A 94 ដែលមានម្ចាស់ឈ្មោះ ប៉ែន សុភក្តិ ភេទ ប្រុស អាយុ 36 ឆ្នាំ នៅភូមិពាក់ស្បៃ ឃុំ កំពង់ប្រាំង ស្រុកពារាំង ខេត្តព្រៃវែង។ ដែលកំពង់សាកថ្មរនៅក្នុងបន្ទប់ ការដ្ឋានសាងសង់ការ៉ាស់សាំង ហើយត្រូវបានម្ចាស់ទូរស័ព្ទ ដឹងខ្លួនទាន់ និងបានចាប់វាយយ៉ាងដំណំ ហើយឃាត់ខ្លួន ប្រគល់អោយសមត្ថកិច្ចតែម្តង ។

បច្ចុប្បន្នជនសង្ស័យ និង មធ្យោបាយត្រូវបានសមត្ថកិច្ចនាំមកបុស្តិ៍ កំពង់ប្រាំង ដើម្បីចាត់ការបន្តរតាមនីតិវិធីច្បាប់៕

adm

ព័ត៌មានសន្តិសុខសង្គម

រថយន្តស៊ីទែនបើកបុក.រថយន្ត.ម៉ូតូ.តូបលក់ដូរ.បណ្ដាលឱ្យស្លាប់ម្នាក់និងខូចខាតសម្ភារៈជាច្រើន!

July 16, 2021 adm

(កំពង់ស្ពឺ)៖ រថយន្តស៊ីទែន បើកបុករថយន្ត ហើយជ្រុលទៅបុកម៉ូតូ បណ្តាលឲ្យស្លាប់បុរសម្នាក់ រួចបន្តទៅបុកតូបលក់ដូរមួយកន្លែងទៀត ខូចខាតទាំងស្រុង។ ហេតុការណ៍នេះបានបង្កឱ្យមានការភ្ញាក់ផ្អើល កាលពីវេលាម៉ោង១៨ និង ០០នាទីថ្ងៃទី១៥ ខែកក្កដា ឆ្នាំ២០២១។ លើផ្លូវជាតិលេខ៥១ ចន្លោះគីឡូម៉ែត្រលេខ(៥និង៦) ត្រង់ចំណុចភូមិអំពិលរូង ឃុំព្រះស្រែ ស្រុកឧដុង្គ ខេត្តកំពង់ស្ពឺ ។ រថយន្តបង្កម៉ាក KAMAZ ពណ៌ ប្រផេះ ពាក់ស្លាកលេខ ក.4522 ភព 3 សណ្តោង រុឺម៉កសុីទែន ពណ៌ ស.ខៀវ.ក្រហម ពាក់ស្លាកលេខ ភ្នំពេញ 4A.4550 ។ បើកបរដោយឈ្មោះ តែម ឡូញ ភេទ ប្រុស អាយុ ៤០ ឆ្នាំ រស់នៅភូមិអំពិលក្រៅ ឃុំអំពិលក្រៅ ស្រុកស៊ីធរកណ្តាល ខេត្តព្រៃវែង(ឃាត់ខ្លួន)។ ដោយបើកបរក្នុងទិសដៅពីត្បូង ទៅជើង លុះមកដល់ចំណុចខាងលើ ស្រាប់តែជ្រុលទៅបុករថយន្ត១គ្រឿងម៉ាក NISSAN ពណ៌ ត្រួយចេក […]

ព័ត៌មានសន្តិសុខសង្គម

បុរសម្នាក់ផឹកចំស្រាកាចយកកាំបិតដេញកាប់ព្រះសង្ឃគង់នៅវត្តចំប៉ាខេត្តតាកែវ

October 28, 2021 adm

(ខេត្ដតាកែវ)៖ ជនសង្ស័យម្នាក់ផឹកស្រាស្រវឹងបានយកកាំបិតកញ្ចែតដេញកាប់ព្រះសង្ឃ១អង្គដែលគង់នៅវត្តចំប៉ា ស្ថិតក្នុងភូមិចំប៉ា ឃុំចំប៉ា ស្រុកព្រៃកប្បាស ខេត្តតាកែវ កាលពីថ្ងៃទី២៧ ខែតុលា ឆ្នាំ ២០២១ វេលាម៉ោង១៣ និង ៤០ នាទី ។ តាមរបាយការណ៍របស់សមត្ថកិច្ចបានអោយដឹងថា ករណីប៉ុនប៉ងឃាតកម្ម និងធ្វើឱ្យខូចខាតដោយចេតនានេះ បង្កដោយជនសង្ស័យឈ្មោះ ឡាញ ផេង ភេទប្រុស អាយុ២៧ ឆ្នាំ រស់នៅភូមិកើតហេតុខាងលើ បានធ្វើសកម្មភាពយកកាំបិតកញ្ចែត ដេញកាប់ព្រះសង្ឃមួយអង្គព្រះនាម ម៉ន ម៉ាត់ ព្រះជន្ម ៣៨ វស្សា ដែលកំពុងគង់នៅក្បែរកុដិ តែព្រះសង្ឃឃើញទាន់ក៏រត់ទៅចូលបន្ទប់ក្នុងកុដិហើយដាក់គន្លឹះស្រាប់តែជនសង្ស័យខាងលើយកកាំបិតកាប់ទៅលើទ្វារ បង្អួចកុដិ និងកាប់បំផ្លាញព្រះពុទ្ធបដិមាចំនួន៣អង្គ និងសម្ភារៈមួយចំនួនទៀតនៅក្នុងកុដិបណ្ដាលឱ្យខូចខាត។ ការឃាត់ខ្លួនជនសង្ស័យគឺធ្វើឡើងក្រោមការចង្អុលបង្ហាញពីសំណាក់ឯកឧត្តមស្នង ការនគរបាល ខេត្តតាកែវ និងមានការសម្របសម្រួលនីតិវិធីពីសំណាក់ ឯកឧត្តមព្រះរាជអាជ្ញា អមសាលាដំបូង ខេត្តតាកែវ កម្លាំងជំនាញ នៃអធិការដ្ឋាននគរបាលស្រុកព្រៃកប្បាស សហការជាមួយកម្លាំងប៉ុស្តិ៍នគរបាលរដ្ឋបាល ចំប៉ា បានចុះទៅដល់ កន្លែងកើតហេតុ និងបានឃាត់ខ្លួនជនសង្ស័យខាងលើយកមកកាន់អធិការដ្ឋាននគរបាលស្រុកព្រៃកប្បាស ដើម្បីកសាងសំណុំរឿងតាមនីតិវិធី ៕

ព័ត៌មានជាតិ ព័ត៌មានសន្តិសុខសង្គម

អគ្គិភ័យឆាបឆេះផ្ទះឈើ១ខ្នងអស់ទាំងស្រុង និងផ្ទះថ្ម១ល្វែងនៅជាប់គ្នាខូចខាត៤០% នៅ ខណ្ឌមានជ័យ

September 14, 2022 adm

(ភ្នំពេញ) ៖ គ្រោះអគ្គិភ័យមួយបានឆាបឆេះផ្ទះឈើ១ខ្នងអស់ទាំងស្រុង និងផ្ទះថ្ម១ល្វែងទៀតដែលនៅជាប់គ្នារងការខូចខាតស្ទើរពាក់កណ្ដាល បង្កការភ្ញាក់ផ្អើលដល់សមត្ថកិច្ចមូលដ្ឋាននិងមន្ត្រីបង្ការ ពន្លត់អគ្គិភ័យចុះមកធ្វើអន្តរាគមន៍ នាវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៤ ខែកញ្ញា ឆ្នាំ២០២២ នៅតាមបណ្ដោយផ្លូវបេតុងលេខ៥៣ ក្នុងភូមិត្នោតជ្រំុ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។ តាមប្រភពព័ត៌មានពីប្រជាពលរដ្ឋបានឱ្យដឹងថា នៅយប់កើតហេតុគេឃើញមានផ្សែងហុយទ្រលោមលាយឡំនឹងអណ្ដាតភ្លើងឆេះយ៉ាងសន្ធោសន្ធៅចេញពីផ្ទះរងគ្រោះដែលធ្វើអំពីឈើខាងលើថ្មក្រោម រួចក៏មានការស្រែកឆោឡោផ្អើលដល់ម្ចាស់ផ្ទះប្រមូលសម្ភារមានតម្លៃចេញមកខាងក្រៅ និងទាក់ទងទៅសមត្ថកិច្ចមូលដ្ឋានដើម្បីសុំការអន្តរាគមន៍បាញ់ទឹកពន្លត់ ។ បន្ទាប់ពីទទួលបានព័ត៌មាននៃករណីអគ្គិភ័យខាងលើនេះភ្លាម កម្លាំងសមត្ថកិច្ចមូលដ្ឋានបានចុះមកដល់ហើយទាក់ទងទៅកម្លាំងសមត្ថកិច្ចជំនាញបង្ការ ពន្លត់អគ្គិភ័យចេញរថយន្តពន្លត់អគ្គិភ័យមកធ្វើអន្តរាគមន៍បាញ់ពន្លត់យ៉ាងញាប់ដៃញាប់ជើង ដោយប្រើទឹកអស់ចំនួន៦ឡាននិងប្រើពេលវេលាប្រមាណ១ម៉ោងទើបធ្វើឱ្យភ្លើងរលត់ទៅវិញជាស្ថាពរ ។ ក្នុងករណីអគ្គិភ័យនេះ តាមប្រភពពីប្រជាពលរដ្ឋបានប្រាប់ឱ្យដឹងថា ផ្ទះរងគ្រោះខាងលើគឺឧស្សាហ៍ទុស្សេខ្សែភ្លើងណាស់ ហើយនៅយប់កើតហេតុនេះក៏កើតចេញពីការទុស្សេខ្សែភ្លើងដែរ ទើបបណ្ដាលឲ្យមានការឆាបឆេះផ្ទះសង់ពីឈើខាងលើថ្មខាងក្រោមចំនួន១ខ្នងទាំងស្រុង និងផ្ទះថ្ម១ល្វែងទៀតដែលនៅជាប់គ្នាក៏រងការខូចខាតស្ទើរតែពាក់កណ្ដាលដែរ តែក្នុងហេតុការណ៍នេះមិនបង្កគ្រោះថ្នាក់ដល់មនុស្សណាម្នាក់នោះឡើយ ៕