មិនដឹងជាថ្ងៃហេង រឺថ្ងៃស៊យ នារីវ័យក្មេងសាច់សរខ្ចីម្នាក់ បានសម្រេចចិត្តលោតទឹកសម្លាប់ខ្លួន តែត្រូវអ្នកនេសាទជួយទាន់ និងបានស្រង់ដាក់លើទូក.!

(ភ្នំពេញ)៖ នារីម្នាក់មានវិបត្តិផ្លូវចិត្តដោយមានកាន់ដបស្រាផឹកផងដើរឡើងលើស្ពាន ហើយក៏បានលោតទឹកសម្លាប់ខ្លួនតែត្រូវអ្នកនេសាទជួយសង្គ្រោះទាន់។

ករណីនេះនៅលើស្ពានជ្រោយចង្វារចាស់ ក្នុងសង្កាត់ស្រះចក ខណ្ឌដូនពេញ កាលពីវេលាទៀបភ្លឺចូលថ្ងៃទី២៤ ខែសីហា ឆ្នាំ២០២១។

នារីខាងលើមានវ័យប្រហែល ២៥ឆ្នាំ ស្ពាយកាបូប និងដៃកាន់ដបស្រា។

មុនកើតហេតុគេឃើញនារីរូបនោះ ដើរពីរង្វង់មូលកាំភ្លើងកួចកាណុង សំដៅឡើងលើស្ពានជ្រោយចង្វារ ទាំងទឹកមុខស្រពោន។

នាងបានទុកដបស្រា រួចតោងបង្កាន់ដៃស្ពានលោតចុះទៅក្នុងទឹកទន្លេ ត្រូវអ្នកនេសាទស្នាក់នៅលើទូកចេញជួយសង្គ្រោះទាន់រួច ស្រង់មកលើគោកវិញ និងរាយការណ៍ជូនសមត្ថកិច្ច។

សមត្ថកិច្ច បានចុះមកដល់ទីតាំង រួចឆែកឆេរកាបូបស្ពាយជាប់ខ្លួនរបស់ជនធ្វើអត្តឃាត ឃើញមានលុយខ្មែរលុយដុល្លារមួយចំនួនកាតចាក់វ៉ាក់សាំងដែលមានឈ្មោះ ភក្តី រស្មី មួយសន្លឹក និងសម្ភារមួយចំនួន ហើយក៏បានយកកាបូបនោះទៅរក្សាទុក ៕
ដោយ ៖សុវណ្ណារាជ រតនា