ល្បែងស៊ីសងជល់មាន់តាមអនឡាញនៅក្នុងស្រុកត្រាំងកក់ ខេត្តតាកែវ កំពុងមានប្រជាប្រិយភាព!

July 15, 2022July 15, 2022 adm Comment(0)

(ខេត្ដតាកែវ)៖ ទីតាំងជល់មាន់តាមអនឡាញ(ទូរទស្សន៍ ) ០២កន្លែងផ្សេងគ្នាកំពុងតែបើកលេងយ៉ាងសប្បាយរីករាយចាប់តាំងពីព្រឹករហូតដល់យប់ចាក់លុយភ្នាល់គ្នាទាំងលានៗ មិនរំខានដល់អាជ្ញាធរនិងសមត្ថកិច្ចពាក់ព័ន្ធនៅក្នុងមូលដ្ឋានឡើយ។

ទីតាំង២កន្លែងស្ថិតនៅក្នុងភូមិទី១.ភូមិប៉ែនមាស ឃុំសំរោង និង ទី២.ភូមិត្រពាំងស្វាយ ឃុំត្រពាំងធំខាងជើង ស្រុកត្រាំកក់ ខេត្តតាកែវ។

ប្រជាពលរដ្ឋដែលរស់នៅក្នុងភូមិឃុំហួសចិត្តយ៉ាងខ្លាំងចំពោះការបើកល្បែងស៊ីសងក្នុងខាងកាហ្វេទាំងពីរកន្លែងបានយ៉ាងស្រួលច្រើនកុះករដោយសំឡេងហ៊ោ កញ្ជ្រៀវគ្រហឹមអឹងករមានក្រហមខៀវមានតមានរងហាក់បីដូចជាការប្រគំដន្ត្រីដោយមិនញញ្ញើតអាជ្ញាធរនិងសមត្ថកិច្ចនៅក្នុងមូលដ្ឋាន ហាក់បីដូចជាប្រទេសគ្មានច្បាប់អញ្ចឹង។

ពលរដ្ឋមានការសង្ស័យថាទំនងជាអាជ្ញាធរនិងសមត្ថកិច្ចពាក់ព័ន្ធត្រូវរ៉ូវគ្នាជាមួយម្ចាស់ទីតាំងអស់ហើយទេដឹងបានជាបណ្ដែតបណ្ដោយឲ្យក្រុមអ្នកញៀនល្បែងបើកលែងយ៉ាងគគ្រឹកគគ្រេងបែបនេះឬមួយខ្លាចបែកឆ្នាំងបាយទើបជាមិនបង្ក្រាប។

ប្រជាពលរដ្ឋលើកថាពួកគាត់មានការព្រួយបារម្ភយ៉ាងខ្លាំងចំពោះការមើលមិនឃើញរបស់សមត្ថកិច្វ ក្នុងនាមរក្សាសន្តិសុខជួនប្រជាពលរដ្ថ ដែលផ្ទុយពីច្បាប់ភូមិ ឃុំសុវត្ថិភាព តែផ្ទុយទៅវិញមិនមានការបង្ក្រាបអ្វីឡើយរឹតតែមានការបើកលេងល្បែងស៊ីសងទាំងនេះកំពុងតែរីកដុះដាលជាច្រើនក្នុងទឹកដីស្រុកត្រាំងកក់ពួកគាត់ក៏មានការព្រួយបារម្មណ៍ដែរចំពោះបទល្មើសល្បែងសុីសងនេះ ហើយដែលបង្ករឲ្យមានហិង្សាក្នុងគ្រួសារ ចោរលួច ចោរឆក់ ចោរប្លន់ .ល.ដោយសារល្បែងសុីសងទាំងនេះ។

គួររំលឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាសុខសុវត្ថិភាពជួនប្រជាពរដ្ឋ ឲ្យស្របតាម គោល នយោបាយ ភូមិ ឃុំ មានសុវត្តិភាព ទាំង៧ចំណុច របស់ រាជរដ្ឋាភិបាល ដែលដាក់ចេញដោយក្រសួងមហាផ្ទៃ ។

ជុំវិញករណីខាងលើនេះដែរអង្គភាពសារព័ត៌មានយើងមិនអាចសុំការបំភ្លឺពីលោក ឌុក ធីយ៉ា អធិការដ្ឋាននគរបាលស្រុកត្រាំងកក់ បានទេដោយទូរស័ព្ទមិនអាចទំនាក់ទំនងបាន។

ប្រជាពលរដ្ឋ ទទូចស្នេីរសុំដល់លោក អភិបាល នៃនៃគណៈអភិបាលខេត្តាកែវ និង លោកស្នងការនគរបាលខេខេត្តាកែវ មេត្តាមានវិធានការទប់ស្កាត់និងបង្ក្រាប បនល្បែងសុីសង ខុសច្បាប់ទាំងនេះផង។

អង្គភាពសារព័ត៌មានយើងនឹងធ្វើការផ្សាយជាបន្តបន្ទាប់ប្រសិនបើមានការពន្យល់បកស្រាយពីអាជ្ញាធរនិងសមត្ថកិច្ចពាក់ពន្ធ័ឬសមុីភាគីពាក់ព័ន្ធណាមួយរៀងរាល់ម៉ោងធ្វើការដើម្បីឱ្យពលរដ្ឋអស់មន្ទិលសង្ស័យ៕

adm

ព័ត៌មានសន្តិសុខសង្គម

កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ នៅភូមិមានជយ័ ដែលហិង្សា និងធ្វេីឲ្យខូចខាតទ្រព្យសម្បត្តិដោយចេតនា!

August 9, 2023 adm

(ខេត្តព្រៃវែង)៖ ក្រោយពីទទួលបានពាក្យបណ្តឹងពីជនរងគ្រោះឈ្មោះឈឿង ក្រាញ់ភេទស្រីអាយុ៤១ ឆ្នាំរស់នៅភូមិមានជយ័ឃុំទឹកថ្លាស្រុកស្វាយអន្ទរខេត្តព្រៃវែង ក្រោមបញ្ជាផ្ទាល់របស់លោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តនិងមានការសម្របសម្រួលពី ឯកឧត្តម គុជ គីមឡុង ព្រះរាជអាជ្ញា អមសាលាដំបូងខេត្តព្រៃវែង ។ នៅថ្ងៃទី០៦ខែសីហា ឆ្នាំ២០២៣ ម៉ោង១១និង៣០នាទី កម្លាំងជំនាញកងរាអាវុធហត្ថខេត្តព្រៃវែង និងកម្លាំង មូលដ្ឋានអហស្រុកស្វាយអន្ទរ ដឹកនាំដោយ លោកអនុសេនីយ៍ឯក ទេស ដាវីដនាយការិយាល័យព្រហ្មទណ្ឌ ចុះបង្ក្រាបករណីហិង្សាដោយចេតនា និងធ្វេីឲ្យខូចខាតដោយចេតនា នៅចំណុចភូមិមានជ័យ ឃុំទឹកថ្លា ស្រុកស្វាយអន្ទរ ខេត្តព្រៃវែង ។ ឃាត់ខ្លួនជនសង្ស័យចំនួន០១នាក់ ឈ្មោះឈឿង វែង ភេទប្រុសអាយុ៣២ឆ្នាំ មុខរបរ មិនពិតប្រាកដ រស់នៅភូមិមានជ័យ ឃុំទឹកថ្លា ស្រុកស្វាយអន្ទរ ខេត្តព្រៃវែង ។ បច្ចុប្បន្នជនសង្ស័យត្រូវបានកម្លាំងជំនាញកងរាជអាវុធហត្ថកសាងសំណុំរឿងបញ្ជូនទៅសាលាដំបូងខេត្តព្រៃវែង ។

ព័ត៌មានសន្តិសុខសង្គម

ទីបំផុត! សម្តេចតេជោ សម្រេចបញ្ចប់តំណែងអគ្គនាយករងអាកាសចរស៊ីវិល ដែលដកកាំភ្លើងភ្ជង់គេព្រោះរឿងស៊ីផ្លេរថយន្ត

April 11, 2023 adm

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចបញ្ចប់តំណែងមន្ត្រីអាកាសចរស៊ីវិលម្នាក់ ព្រោះតែការដកកាំភ្លើងភ្ជង់អ្នកដទៃរឿងស៊ីផ្លេរថយន្ត។ មន្ត្រីអាកាសចរណ៍ស៊ីវិល ដែលសម្តេចតេជោ បានបញ្ចប់តំណែងនេះ ឈ្មោះ បែល វ៉ាន់ដែត ជាអគ្គនាយករងនៃអគ្គនាយកដ្ឋានរដ្ឋបាល និងកិច្ចការទូទៅនៃរដ្ឋលេខាធិការដ្ឋានអាកាសចរស៊ីវិល។ សម្តេចតេជោនាយករដ្ឋមន្ត្រី បានបង្ហោះអនុក្រឹត្យបញ្ចប់មុខតំណែង ជាមួយការបញ្ជាក់បែបនេះ «បើតុលាការមិនចាត់ការតាមផ្លូវច្បាប់ទេទុកឱ្យខ្ញុំដាក់វិន័យតាមផ្លូវរដ្ឋសិន។ អាងមានអំណាចប្រើប្រាស់អាវុធគំរាមអ្នកទន់ខ្សោយ»។ សម្តេចតេជោ បន្ថែមថា «នេះជាសារព្រមានចំពោះមន្ត្រីទាំងអស់ សូមកុំអាងអំណាចធ្វើបាបអ្នកទន់ខ្សោយ ជាពិសេសសូមកុំប្រើប្រាស់អាវុធខុសច្បាប់»។ សម្តេចតេជោ ហ៊ុន សែន ក៏បានណែនាំឱ្យរដ្ឋមន្ត្រីក្រសួងយុត្តិធម៌ធ្វើការជាមួយតុលាការ កុំឱ្យជនល្មើសប្រើប្រាស់អាវុធខុសច្បាប់ បាននៅក្រៅឃុំមុនពេលកាត់ទោស ដែលជននោះអាចតាមគំរាមកំហែងដល់អ្នកផ្សេងទៀត។ សូមបញ្ជាក់ថា កាលពីវេលាម៉ោង ១៩ និង៤០នាទីថ្ងៃទី២៩ ខែមីនា ឆ្នំា២០២៣ ជនរងគ្រោះឈ្មោះ ឆែ វណ្ណម៉ូលីវ័ន្ត ភេទប្រុស អាយុ២២ឆ្នាំ មុខរបរនិស្សិតបើករថយន្តចេញពីហូបអីនៅខណ្ឌទួលគោក សំដៅទៅផ្ទះនៅក្រុមទី៣ ភូមិខ២ សង្កាត់ច្រាំងចំរេះទី២ ខណ្ឌឫស្សីកែវ។ លុះពេលមកដល់ក្លោងទ្វារច្រកចូលបុរី ស្រាប់តែលោក បែល វ៉ាន់ដែត អាយុ ៣៨ឆ្នាំ […]

ព័ត៌មានសន្តិសុខសង្គម

ធុំក្លិនមិនល្អ ចេញពីការិយាល័យ អត្តសញ្ញាណប័ណ្ណនៃស្នងការរាជធានីភ្នំពេញ

July 29, 2021 adm

(ភ្នំពេញ) ៖ មន្ត្រីនគរបាលសុំមិនបញ្ចេញអត្តសញ្ញាណ បានទម្លាយក្តីឈឺចាប់ ដោយអត់ទ្រាំនឹងសំពាធការងារ លែងបាន សុំអង្គភាពសារព័ត៌មានយើង ជួយផ្សព្វផ្សាយ ក្រែងថ្នាក់លើបានជ្រាប ជួយពិនិត្យ និងមានចំណាត់ការផងជុំវិញភាពមិនប្រក្រតី ក្នុងការិយាល័យអត្តសញ្ញាណប័ណ្ណ នៃស្នងការរាជធានីភ្នំពេញ។ ខាងក្រោមជាខ្លឹមសារទាំងស្រុង៖ យើងខ្ញុំជាមន្ត្រីនៅការិយាល័យអត្តសញ្ញាណប័ណ្ណសញ្ជាតិខ្មែរ មានសតិអារម្មណ៍ចំពោះបញ្ហា មន្ត្រីដែលលើសអាយុក្នុងលក្ខន្តិកៈដោយឡែករបស់នគរបាលជាតិដែលមិនចូលនិវត្តន៍ចំនួន ៤នាក់រួមមាន៖ ១ វរសេនីយ៍ទោ មុំ រុន អត្តលេខ 09797 ថ្ងៃខែឆ្នាំកំណើត 01/01/1959 អាយុ 62ឆ្នាំ លើសអាយុ 7ឆ្នាំ។ ២ វរសេនីយ៍ត្រី សំរឹទ្ធិ សុផល អត្តលេខ 09796 ថ្ងៃខែឆ្នាំកំណើត 01/07/1962 អាយុ 59ឆ្នាំ លើសអាយុ 4ឆ្នាំ។ ៣ វរសេនីយ៍ត្រី ហាក់ សុភាណា អត្តលេខ 27446 ថ្ងៃខែឆ្នាំកំណើត 15/05/1965 អាយុ 56ឆ្នាំ លើសអាយុ 1ឆ្នាំ។ ៤ អនុសេនីយ៍ឯក ឱម […]