ឃាត់ខ្លួនមនុស្ស២នាក់ ដែលកំពុងធ្វើចរាចរណ៍ប្រាក់ដុល្លារក្លែងក្លាយ និងជាមុខសញ្ញាកាច់សោរ

December 23, 2021 adm Comment(0)

(ខេត្តបាត់ដំបង)៖មុខសញ្ញាប្រុស ស្រី ចំនួន២នាក់ ត្រូវបានកម្លាំងអធិការដ្ឋាននគរបាលស្រុកសង្កែធ្វើការឃាត់ខ្លួន បន្ទាប់ពីជនសង្ស័យទាំង២នាក់ បានធ្វើសកម្មភាព យកប្រាក់ដុល្លារក្លែងក្លាយ ទៅធ្វើចរាចរណ៍នៅលើទីផ្សារ។

ការឃាត់ខ្លួននេះ បានធ្វើឡើង នៅថ្ងៃទី២២ ខែធ្នូ ឆ្នាំ២០២១ វេលាម៉ោង៨ និង ៣០នាទី ព្រឹក នៅចំណុច ភូមិជំនីក ឃុំអន្លង់វិល ស្រុកសង្កែ ខេត្ដបាត់ដំបង ក្នុងករណីដាក់អោយធ្វើចរាចរណ៍រូបិយវត្ថុ និង រូបិយប័ណ្ណក្លែងក្លាយ និង ករណីប៉ុនប៉ងលួច(ម៉ូតូ)។

ជនសង្ស័យទាំង ២នាក់ គឺ ១.ឈ្មោះ ម៉ាន សំណាង ភេទប្រុស អាយុ២៣ឆ្នាំ មានទីលំនៅ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ

២.ឈ្មោះ ថ ស ភេទស្រី អាយុ១៦ឆ្នាំ មានទីលំនៅ រាជធានីភ្នំពេញ។

នៅមុនពេលឃាត់ខ្លួន គឺជនទាំងពីរបានធ្វើសកម្មភាពយកក្រដាសប្រាក់ដុល្លារក្លែងក្លាយទៅទិញអីវ៉ាន់នៅតូបលក់អីវ៉ាន់របស់ជនរងគ្រោះ ឈ្មោះ ឆាយ សុភាព ហៅ ទុង ភេទប្រុស អាយុ ៣៤ឆ្នាំ មានទីលំនៅក្រុម៣ ភូមិជំនីក ឃុំអន្លង់វិល ស្រុកសង្កែ។

ក្រោយពីទទួលបានពាក្យបណ្តឹងផ្ទាល់មាត់ កម្លាំងអធិការដ្ឋាននគរបាលស្រុកសង្កែ សហការណ៍ជាមួយកម្លាំងប៉ុស្តិ៍នគរបាលរដ្ឋបាលអន្លង់វិលបានធ្វើការឃាត់ខ្លួនជនសង្ស័យចំនួន០២ នាក់ ព្រមទាំងបាន ដកហូតវត្ថុតាងរួមមាន ក្រដាសប្រាក់ដុល្លារក្លែងក្លាយ(50$) ចំនួន ០៦ សន្លឹក ប្រាក់រៀល ចំនួន ២៧,០០០ រៀល ទូរសព្ទ័ស៊េរីចាស់ ចំនួន ០១ គ្រឿង
កាបូបប្រាក់ ចំនួន ០១ ស្រោមដៃ ចំនួនន ០១ គូ ដែកកែងចុងស្រួច រាងអក្សរអិល សម្រាប់កាច់សោរកម៉ូតូ ចំនួន ០១ កាវស្និត ចំនួន ០១ កំប៉ុង និង ម៉ូតូ ចំនួន ០១ គ្រឿង ម៉ាកហុងដាទ្រីម ស៊េរីឆ្នាំ២០១៧ ពាក់ស្លាកលេខ ភ្នំពេញ 1JC-5740។

ករណីនេះ កម្លាំងអធិការដ្ឋាននគរបាលស្រុកសង្កែ កំពុង កសាងសំណុំរឿងដើម្បីបញ្ជូនទៅកាន់ការិយាល័យជំនាញ និងចាត់ការតាមនីតិវិធី ៕

adm

ព័ត៌មានសន្តិសុខសង្គម

ទឹកទន្លេមេគង្គខេត្តកំពង់ចាម បានហក់ឡើងជិត ១ម៉ែត្រ ខណៈពេលដែល កម្រិតទឹកប្រកាសអាសន្ន មានកម្ពស់ ១៥.២០ម៉ែត្រ

July 13, 2022 adm

(ខេត្ដកំពង់ចាម)៖ ផ្អែកតាមស្ថានភាពទឹកទន្លេមេគង្គ ខេត្តកំពង់ចាម នៅព្រឹកថ្ងៃទី១៣ ខែកក្កដា ឆ្នាំ២០២២នេះ មានកម្ពស់ ៧.៨០ម៉ែត្រ ធៀបទៅនឹងថ្ងៃម្សិលមិញ ទឹកបានហក់ឡើងកម្ពស់ ០.៩៦ម៉ែត្រ បើធៀបទៅនឹងឆ្នាំកន្លងទៅ ទឹកមានកម្ពស់ត្រឹម តែ ៤.៨០ម៉ែត្រ ប៉ុណ្ណោះ ។ នេះបើតាមរបាយការណ៍ របស់ លោក អ៊ុម វិបុល ប្រធាន មន្ទីរធនធានទឹក និងឧតុនិយម ខេត្តកំពង់ចាម បានប្រាប់ឲ្យដឹង នៅព្រឹកថ្ងៃទី១៣ កក្កដា នេះ ។ ទន្ទឹមនឹងនោះដែរ របាយការណ៍ដដែល ក៏បានបញ្ជាក់ដែរថា នៅថ្ងៃនេះ នៅតាមបណ្ដាឃុំ សង្កាត់ មួយចំនួន នៃក្រុង ស្រុក ទាំង ១០ របស់ខេត្តកំពង់ចាម ក៏មានភ្លៀងធ្លាក់ ផងដែរ ហើយក្នុងនោះស្រុកស្ទឹងត្រង់ មានភ្លៀងធ្លាក់តិចជាងគេ និងស្រុកជើងព្រៃ មានភ្លៀងធ្លាក់ច្រើនជាង គេ ។ សូមបញ្ជាក់ផងដែរថា ផ្អែកតាមការផ្សាយព័ត៌មាន របស់ក្រសួងធនធានទឹក និងឧតុនិយម […]

ព័ត៌មានសន្តិសុខសង្គម

លោកអធិការស្រុកត្រពាំងប្រាសាទជិតផ្ទុះរឿងចូលទៅក្រសួងមហាផ្ទៃទើបនាំរថយន្តបង្កចូលវិញ!

November 25, 2021November 25, 2021 adm

(ខេត្តឧត្តរមានជ័យ )៖ សេចក្តីរាយការពត៌មានជាបឋមបើតាមប្រភពពីស្រុកត្រពាំងប្រាសាទបានបង្ហើបឲ្យដឹងថា លោក អ៊ូច ម៉ៅ អធិការស្រុកត្រពាំងប្រាសាទ ជិតផ្ទុះរឿងចេញពីជនរងគ្រោះ គ្រោងរៀបនិងដាក់ពាក្យបណ្តឹងចូលទៅក្រសួងមហាផ្ទៃ ទើបបាននាំរថយន្តបង្កយកមករក្សាទុកក្នុងករណីគ្រោះថ្នាក់ចរាចរណ៍មួយ រវាងរថយន្តធំបើកគៀរជាន់ស្ត្រីរងគ្រោះជិះម៉ូតូម្នាក់ បណ្តាលឱ្យដាច់ជើងម្ខាង។ ប្រភពបានបន្តទៀតថា រថយន្តបង្ក ខណ:ពេលកើតហេតុ អ្នកស្រុកបានជិះម៉ូតូដេញតាម ស្ទាក់ឃាត់រថយន្តនិងអ្នកបើកបររួចបានប្រគល់ឱ្យសមត្ថកិច្ចស្រុកត្រពាំងប្រាសាទភ្លាមៗផងដែរ។ ជនរងគ្រោះដាក់ការសង្ស័យលើសមត្ថកិច្ចពាក់ព័ន្ធអំពើផ្សេងៗ ដោយអនុញ្ញតិឲ្យតៃកុងបើករថយន្តចេញភ្លាមមិនព្រមទទូលខុសត្រូវលើឧបត្តហេតុដែលបានកើតឡើងនោះ និងមានរយ:ពេលជាច្រើនថ្ងៃ លុះដល់ទី១៥ ខែវិច្ឆិកាឆ្នាំ ២០២១ ប្រហែលដឹងព័ត៌មានខ្លះៗពីសាច់ញាតិជនរងគ្រោះ គ្រោងធ្វើពាក្យបណ្តឹងដាក់ចូលទៅក្រសួងមហាផ្ទៃសុំជួយអន្តរាគមន៍បញ្ហារឿងនេះ ទើបសមត្ថកិច្ចនៃអធិការស្រុកត្រពាំងប្រាសាទ នាំយករថយន្តបង្កនោះមករក្សាទុកវិញ។ លោក អ៊ូច ម៉ៅ អធិការស្រុកត្រពាំងប្រាសាទ ជុំវិញដាក់ការសង្ស័យពាក់ព័ន្ធរថយន្តបង្កដែលអ្នកស្រុកស្ទាក់ឃាត់បានប្រគល់ឱ្យនិងធ្វើការដោះលែងភ្លាមៗនោះអ្នកពត៌មានយើងពុំអាចសំុការបកស្រាយបាននៅថ្ងៃទី២៥ខែវិច្ឆិកាឆ្នាំ២០២១នេះ ដោយលោកឆ្លើយថា កំពុងជាប់រវល់។ សូមបញ្ជាក់ថា ហេតុការណ៍គ្រោះថ្នាក់ចរាចរណ៍មួយនេះ បានកើតឡើងនៅថ្ងៃទី១ ខែវិច្ឆកា ឆ្នាំ២០២១ នៅចំណុចភូមិសែនសំ ឃុំអូរស្វាយ ស្រុកត្រពាំងប្រាសាទ រវាងរថយន្តបង្កចំណុះទម្ងន់៥តោនពាក់ ស្លាលេខ(ភ្នំពេញ3B6480)ដឹកឥដ្ឋបើកបរក្នុងគោលដៅស្របទិសគ្នាពីលិចទៅកើតនិងស្រី្តរងគ្រោះឈ្មោះ សែម សុខខៃ អាយុ៣៣ឆ្នាំ រស់នៅភូមិតាសំ ឃុំអូរស្វាយ ស្រុកត្រពាំងប្រាសាទ បានជិះម៉ូតូម៉ាកហុងដាសេ១០០ពណ៍ខ្មៅ ស្លាកលេខឧត្តរមានជ័យ1E1835 លុះដល់ចំណុចកើតហេតុ ខាងលើ រថយន្តបង្កបានបើកគៀរដួលជាន់បែកដាច់ប្រអប់ជើងខាងឆ្វេងរងរបួសធ្ងន់ត្រូវបានដឹកបញ្ជូនទៅសង្គ្រោះបន្ទាន់នៅមន្ទីពេទ្យខេត្តសៀមរាប […]

ព័ត៌មានសន្តិសុខសង្គម

ជនជាតិវៀតណាមជាច្រើននាក់សម្រុករត់ចេញតាមច្រកអន្តរជាតិបាវិតដើម្បីឆ្លងដែនទៅប្រទេសវៀតណាមវិញ ដោយមិនដឹងមូលហេតុ

October 26, 2022 adm

(ខេត្តស្វាយរៀង )៖យ៉ាងហោចណាស់ មានជនជាតិវៀតណាមស្រី-ប្រុសប្រមាណជាង២០០នាក់ បាននាំគ្នាសម្រុកចេញតាមច្រកទ្វារព្រំដែនអន្តរជាតិបាវិតដើម្បីឆ្លងដែនទៅប្រទេសវៀតណាមវិញ ដោយសមត្ថកិច្ចដាក់ការសង្ស័យថា ជាអំពើជួញដូរមនុស្សពេលមានអាជ្ញាធរចុះពិត្យតាមកាស៊ីណូក្នុងក្រុងបាវិតត្រូវថៅកែដឹកចេញ ដើម្បីគេចពីការផាកពិន័យពីសមត្ថកិច្ច និងសង្ស័យជនជាតិវៀតណាមទាំងនោះ ចូលមកធ្វើការនៅក្នុងកាស៊ីណូដោយខុសច្បាប់ ឬថៅកែកាស៊ីណូប្រើល្បិចគ្មានប្រាក់បើកឲ្យបុគ្គលិកធ្វើចលាចលឱ្យបុគ្គលិកជាជនជាតិវៀតណាមរត់ចេញធ្វើឱ្យផ្អើលដល់មហាជន ក៏ដូចជា អាជ្ញាធរនិងសមត្ថកិច្ចតែម្តង ហើយគិតដល់វេលាម៉ោង៤និង១៤នាទីរសៀលថ្ងៃទី២៥ តុលា សមត្ថកិច្ចនៅមិនទាន់បញ្ជាក់ពីមូលហេតុចេញនេះទេ ។ បើតាមសមត្ថកិច្ចក្រុងបាវិតបានឲ្យដឹងថា ករណីផ្ទុះចលាចលនេះកើតឡើងនៅវេលាម៉ោង៤និង០០នាទីព្រឹកថ្ងៃទី២៥ តុលា ស្ថិតនៅចំណុចខាងមុខកាស៊ីណូឃីងក្រោណ ក្បែរច្រកទ្វារព្រំដែនអន្តរជាតិបាវិត សង្កាត់បាវិត ក្រុងបាវិត ខេត្ដស្វាយរៀង។ ប្រភពបន្តថា មុនពេលកើតហេតុ គេឃើញរថយន្តក្រុងមួយគ្រឿងដឹកជនជាតិវៀតណាមប្រមាណជា៥០នាក់បម្រុងចេញពីក្រុងបាវិត ឆ្ពោះទៅរាជធានីភ្នំពេញ ខណៈរថយន្តចេញមកដល់លើផ្លូវជាតិលេខ១ ស្រាប់តែមានជនជាត់វៀតណាមប្រមាណ១៥នាក់បានស្ទាក់រថយន្ត ហើយយកដុំថ្ម គប់រថយន្តបង្ខំឲ្យរថយន្តឈប់អ្នកនៅក្នុងរថយន្តបាននាំគ្នាវាយកញ្ចក់រថយន្តលោតចុះតាមបង្អួចខ្លះចុំតាមទ្វារបង្កឲ្យភ្ញាក់ផ្អើលតែម្តង ។ ប្រភពបន្តទៀតថា ដោយកាលពីវេលម៉ោង០៣ និង១៥នាទីយប់ទៀបភ្លឺ មានរថយន្តក្រុងចំនួន២គ្រឿងបានដឹកជនជាតិវៀតណាមចេញពីកាស៊ីណូ ម្តុំកាស៊ីណូឃីងក្រោណ និងកាស៊ី ម៉ុកបាយ ក្រុងបាវិតប្រមាណ១០០នាក់ឆ្ពោះទៅរាជធានីភ្នំពេញ លុះដល់ចំណុចស្ពានទន្លៀងទី២ ស្ថិតនៅភូមិទន្លៀង ឃុំរមាំងថ្កោល ស្រុកស្វាយទាប គឺជនជាតិវៀតណាមទាំងនោះ បានភ័យនាំគ្នាគោះរថយន្តឲ្យឈប់រួចនាំគ្នាចុះពីរថយន្តរត់គេចខ្លួនផងដែរ។ ចំណែកប្រភពមួយទៀតបានបង្ហើបឲ្យដឹងថា កាលពីយប់ទៀបភ្លឺថ្ងៃទី២៤ តុលា ២០២២ មានករណីចាប់បង្ខាំងមនុស្ស នៅក្នុងអគារមួយខាងក្រោយកាស៊ីណូឃីងក្រោណ ស្ថិតនៅភូមិបាវិតកណ្តាលសង្កាត់បាវិតក្រុងបាវិត ដោយជនរងគ្រោះជាជនជាតិវៀតណាមចំនួន០៣នាក់ […]