ពលរដ្ឋនាំគ្នាស្ទាក់ចាប់ចោរឆក់បានម្នាក់ បន្ទាប់ពីបានឆក់ទូរស័ព្ទ នៅតាមផ្លូវបេតុង សង្កាត់បឹងទំពន់.!

July 17, 2021 adm Comment(0)

(ភ្នំពេញ)៖ ពលរដ្ឋបាននាំគ្នាស្ទាក់ចាប់ចោរឆក់បានម្នាក់ និងបានប្រគល់ឱ្យប៉ូលិស ពេលដែលបាននឹងកំពុងធ្វើសកម្មភាពឆក់ទូរស័ព្ទដៃពីជនរងគ្រោះនៅផ្លូវបេតុងសង្កាត់បឹងទំពុនទី២ខណ្ឌមានជ័យ ។

សមត្ថកិច្ចបានឱ្យដឹងថា ជនសង្ស័យឈ្មោះ ស័ង្ក សុវណ្ណរិទ្ធ ភេទប្រុស អាយុ២៨ឆ្នាំ ជិះម៉ូតូ ម៉ាកហុងដា ធ្វើសកម្មភាពឆក់ទូរស័ព្ទជនរងគ្រោះនៅម្តុំផ្សារដើមថ្កូវរូចរត់គេចខ្លួនទៅ បុកជាមួយ ម៉ាកClick ។ភ្លាមៗនោះលោក មេប៉ុស្តិ៍បឹងទំពុនទី២ ចុះមកដល់កន្លែងកើតហេតុ និងសួនាំ និងបញ្ជូនជនសង្ស័យទៅប៉ុស្តិ៍ដើម្បីចាត់ការបន្ត

adm

ព័ត៌មានសន្តិសុខសង្គម

រថយន្តRang Rover បើកឆ្លងផ្លូវ ត្រូវម៉ូតូធំបុកចំពាក់កណ្តាល លឺដូចគ្រាប់បែក ដែលបណ្តាលឲ្យរងរបួសធ្ងន់ម្នាក់ បង្កការភ្ញាក់ផ្អើល.!

July 26, 2021 adm

កាលពី រសៀលថ្ងៃទី២៥ ខែកក្កដា ឆ្នាំ២០២១ ទីតាំងស្ថិតនៅតាមបណ្តោយផ្លូវហាណូយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ នៅមុនពេលកើតហេតុ គេបានឃើញបុរសម្នាក់ ជិះម៉ូតូធំមួយគ្រឿង ពាក់ស្លាកលេខ ភ្នំពេញ 1HT-6262 ដែលបើកបរតាមបណ្តោយផ្លូវហាណូយ ក្នុងទិសដៅពីត្បូងទៅជើង រហូតមកដល់ចំណុចកើតហេតុ មានរថយន្តស៊េរីទំនើបម៉ាក RANGE ROVER មួយគ្រឿង ពាក់ស្លាកលេខ ភ្នំពេញ 2AB-0089 ដែល បើកឆ្លងផ្លូវពីលិចទៅកើត មកដល់ហួសពាក់កណ្តាលផ្លូវ សង្ស័យវាក់អើចាប់ហ្រ្វាំងមិនទាន់ ទើបបណ្តាលឲ្យម៉ូតូជ្រុលទៅបុកចំហៀង រថយន្តពេញទំហឹង បណ្តាលឲ្យដួលរងការខូចខាតទាំងសងខាង ចំណែកអ្នកបើកបររបួសធ្ងន់ បញ្ជូនទៅសង្រ្គោះភ្លាមៗ ។សមត្ថកិច្ចមូលដ្ឋាន និងសមត្ថកិច្ចជំនាញចុះដល់ទីតាំង និងរាយការណ៍បន្តទៅការិយាល័យចរាចរជើងគោក របស់ស្នងការក្រុង ចុះវាស់វែងយកមធ្យោបាយទាំង ២ គ្រឿងទៅរក្សាទុក ដើម្បីរង់ចាំដោះស្រាយ ៕

ព័ត៌មានសន្តិសុខសង្គម

ឃ្លាំងស្តុកគ្រឿងសំណង១កន្លែងត្រូវបាន អគ្គិភ័យឆាបឆេះអស់ស្ទើរទាំងស្រុង

June 9, 2022 adm

(ភ្នំពេញ)៖ ឃ្លាំងស្តុកគ្រឿងសំណង១កន្លែង ត្រូវបានអគ្គិភ័យឆាបឆេះអស់ស្ទើរទាំងស្រុង ទោះសមត្ថកិច្ចខិតខំជួយអន្តរាគមន៍អស់ពីលទ្ធភាព នៅវេលាម៉ោង៥ល្ងាចថ្ងៃទី៩ ខែមិថុនា ឆ្នាំ២០២២ នៅចំណុចឃ្លាំងស្តុកគ្រឿងសំណង់ ខាងលិចប្រឡាយទឹកស្អុយបឹងត្របែកបន្តិច ស្ថិតតាមបណ្ដោយផ្លូវលេខ៤៤៦ ក្នុងមូលដ្ឋានសង្កាត់ទួលទំពុងទី១ ខណ្ឌចំការមន រាជធានីភ្នំពេញ។ ប្រភពពីកន្លែងកើតហេតុ បានឲ្យដឹងថា នៅមុនពេលកើតហេតុឃើញមានអណ្ដាតភ្លើង និងផ្សែងខ្មៅខ្មួលខ្មាញចេញពីខាងក្នុងឃ្លាំង ហើយឃើញកម្មកររត់ចេញពីខាងក្នុងស្រែកឆោឡោឱ្យជួយ។ ភ្លាមៗនោះកម្លាំងសមត្ថកិច្ចមូលដ្ឋានបានទាក់ទងទៅកម្លាំងនគរបាលជំនាញការិយាល័យពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ ចេញរថយន្តជាច្រើនគ្រឿងទៅទីតាំងកើតហេតុ ដើម្បីជួយអន្តរាគមន៍បាញ់ពន្លត់។ សមត្ថកិច្ចខាងបង្ការពន្លត់អគ្គិភ័យ បានឲ្យដឹងថា ក្នុងប្រតិបត្តិការនេះកម្លាំងជំនាញពិបាកក្នុងការជួយអន្តរាគមន៍ឲ្យទាន់ពេលវេលា ដោយសារផ្លូវតូចចង្អៀត ហើយអណ្ដាតភ្លើងឆាបឆេះលឿន បណ្ដាលឲ្យដំបូលឃ្លាំងបាក់ស្រុត ដែលបង្កឱ្យជំនាញលំបាកក្នុងការចូលទៅបាញ់ពន្លត់។ ទោះជាយ៉ាងនេះក៏ដោយអគ្គិភ័យនេះមិនបណ្ដាលឲ្យរាលដាលរាលដល់ផ្ទះប្រជាពលរដ្ឋជិតខាងឡើយ។ ក្នុងប្រតិបត្តិការនេះ មានរថយន្តពន្លត់អគ្គិភ័យជាច្រើនអង្គភាពទៅដល់ទីតាំងកើតហេតុ រួមមានរថយន្តទីក្រុងអូឡាំព្យា រថយន្តក្រសួងមហាផ្ទៃ រថយន្តកងរាជអាវុធហត្ថរាជធានីភ្នំពេញ រថយន្តការិយាល័យបង្ការពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ និងប្រើប្រាស់អស់រថយន្តជាច្រើនគ្រឿងទើបបាញ់ពន្លត់ជាស្ថាពរ។ លោកនាយការិយាល័យនគរបាលបង្ការពន្លត់អគ្គិភ័យ បានបញ្ជាក់ថា ក្នុងករណីគ្រោះអគ្គិភ័យនេះ កម្លាំងជំនាញមិនទាន់អាចសន្និដ្ឋានបានថា មានមនុស្សរងរបួសស្លាប់ឬអត់នោះទេហើយទំហំនៃការខូចខាតក៏មិនទាន់អាចទាន់សន្និដ្ឋានបានដែរ។ ចំពោះមូលហេតុនៃការឆាបឆេះនេះ សន្និដ្ឋានជាជំហានដំបូងអាចបណ្ដាលមកពីឆ្លងចរន្តអគ្គិសនី៕

ព័ត៌មានសន្តិសុខសង្គម

ឃាត់ខ្លួនជនជាតិចិន៤នាក់ និងអ្នកនាំផ្លូវម្នាក់ បម្រុងលួចឆ្លងដែនខុសច្បាប់នៅក្នុងភូមិសាស្ត្រស្រុកម៉ាឡៃ

September 29, 2021 adm

(ខេត្តបន្ទាយមានជ័យ)៖កម្លាំងយោធាការពារក្នុងតំបន់ព្រំដែន ខ្មែរ ថៃ បានឃាត់ខ្លួនជនជាតិចិន៤នាក់ និងអ្នកនាំផ្លូវម្នាក់ បម្រុងលួចឆ្លងដែនខុសច្បាប់មកពីក្រុងប៉ោយប៉ែតទៅស្រុកម៉ាឡៃ។ ការឃាត់ខ្លួនជនជាតិចិននេះបាននៅ វេលាម៉ោង៩ យប់ ថ្ងៃទី ២៨ ខែកញ្ញា ឆ្នាំ២០២១ ត្រង់ភូមិសាស្ត្រ អូរព្រំដែន ភូមិកោះស្នួល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ លោក ឧត្តមសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិការសឹករងបន្ទាយមានជ័យបានប្រាប់អ្នកយកព័ត៍មានឲ្យដឹងថាមេបញ្ជាការ បានដាក់បទបញ្ជាយ៉ាងតឹងរឹង ដល់កម្លាំងទាំងអស់ដែលល្បាតនៅតាមបន្ទាត់ព្រំដែនឲ្យជាប់ជាប្រចាំ ២៤ម៉ោងលើ២៤ម៉ោង ដោយប្តូរវេនគ្នា សហការឲ្យបានល្អ ជាមួយកងកម្លាំងចម្រុះ ដើម្បីទប់ស្កាត់ពលករ លួចឆ្លងដែនខុសច្បាប់ និងទប់ស្កាត់ការឆ្លងរាលដាល នៃជំងឺកូវីដ-១៩ មិនឲ្យចូលទៅក្នុងសហគមន៍។ លោកបានបញ្ជាក់ឲ្យដឹងបន្តទៀតថាលុះនៅយប់ថ្ងៃទី២៨ ខែកញ្ញា ឆ្នាំ២០២១ លោក អនុសេនីយ៍ទោ ហួត ប៊ុនធឿន មេក្រុមគោលដៅ ដឹកនាំកម្លាំងដើរល្បាតក៏ជួបប្រទះឃើញ ជនជាតិចិន ចំនួន ៤នាក់ និងអ្នកនាំផ្លូវម្នាក់ និងម៉ូតូ ចំនួន ១គ្រឿង បំរុងឆ្លងដែនចេញទៅប្រទេសថៃចូលមកស្រុកខ្មែរ ត្រូវបានកម្លាំង តំបន់ប្រតិបត្តិការសឹករងបន្ទាយមានជ័យ […]