ខេត្ដស្វាយរៀង៖ តើអាជ្ញាធរពាក់ពន្ធ័ក្នុងក្រុងស្វាយរៀង ជ្រាបឬនៅ មានជនជាតិវៀតណាមមកលក់ឆ្នោតវៀតណាមផ្សងសំណាងដល់ពលរដ្ឋខ្មែរយ៉ាងអាណាធិបតេយ្យពេញក្រុងស្វាយរៀង ។
ប្រភពច្បាស់ការពីប្រជាពលរដ្ឋក្នុងមូលដ្ឋានបានប្រាប់អង្គភាពសារព័ត៌មានយេីងឲ្យដឹងថា ជនជាតិវៀតណាមបានលក់ឆ្នោតវៀតណាមនៅក្រុងស្វាយរៀងនៅតាមហាងលក់កាហ្វេ,កន្លែងលក់បាយ ស្វាគមន៍ក្រុមអ្នកញៀនល្បែងមកពីពគ្រប់ទិសទី ហ៊ានផ្គេីននិងប្រសាសន៍របស់សម្ដេចតេជោ និង គោលនយោបាយភូមិ ឃុំ មានសុវត្ថិភាពទាំង៧ចំណុចរបស់រាជរដ្ឋាភិបាល ។
ពលរដ្ឋ បានលេីកឡេីងទៀតថា ពួកគាត់ហាក់មានការព្រួយបារម្ភយ៉ាងខ្លាំង ខណៈដែលមានល្បែងស៊ីសងខុសច្បាប់បែបនេះ មមកលក់យ៉ាងអាណាធិបតេយ្យ ម្យ៉ាងវិញទៀត ពួកគាត់ឃេីញមានមនុស្សទិញឆ្នោតវៀតណាមយ៉ាងជាហូរហែរផងដែរ។ ពលរដ្ឋបន្ដថា ល្បែងស៊ីសងនេះ ជាដើមចមអាចកើតមានឡេីងនូវអំពើ ហឹង្សាក្នុងគ្រួសារ អំពើលួច ឆក់ ប្លន់ ជាដើម។
ពលរដ្ឋនៅក្នុងមូលដ្ឋានសង្ឃឹមថា៖លោក លោកកែន រិទ្ធី អធិការក្រុងស្វាយរៀង មេត្តាចុះស្រាវជ្រាវ និងចុះបង្ក្រាបល្បែងលក់ឆ្នោតវៀតណាមនេះផង ដេីម្បីចូលរួមទប់ស្កាត់អំពើចោរកម្មផ្សេងៗនៅក្នុងមូលដ្ឋានរបស់ខ្លួន(ដូចជា )ចោរលួច-ចោរឆក់-ចោរប្លន់-គាស់ផ្ទះជាពិសេសហឹង្សាក្នុងគ្រួសារ។
សូមបញ្ជាក់ថា កាលពីថ្ងៃទី១៧ ខែកញ្ញា ឆ្នាំ២០២២កន្លងទៅ សម្តេចតេជោ បានដាក់បញ្ជាឱ្យសមត្ថកិច្ចពាក់ព័ន្ធ ក៏ដូចអាជ្ញាធរមូលដ្ឋាន ត្រូវបង្ក្រាបឱ្យអស់នូវល្បែងសងខុសច្បាប់គ្រប់ប្រភេទក្នុងមូលដ្ឋានរបស់ខ្លួនជាមួយនិងព្រមានដកដំណែងថែមទៀតផង។ ដូចនេះប្រជាពលរដ្ឋរង់ចាំមើលថា ជនជាតិវៀតណាមមកលក់ឆ្នោតនៅក្នុងក្រុងស្វាយរៀងយ៉ាងអនាធិបតេយ្យ នឹងទៅជាយ៉ាងណា? តើសមត្ថកិច្ចពាក់ព័ន្ធក៌ដូចអាជ្ញាធរមូលដ្ឋានហ៊ានប្រឆាំងនិងបទបញ្ជាសម្តេចតេជោ ហ៊ុន សែននិងបទបញ្ជារបស់ស្មារតីអង្គប្រជុំដែរឫទេ?
សូមបញ្ជាក់ថា ប្រជាពលរដ្ឋ នឹងរង់ចាំមើលថា តើលោកកែន រិទ្ធី អធិការក្រុងស្វាយរៀង ចុះស្រាវជ្រាវនិងបង្ក្រាបល្បែងស៊ីសងខាងលើដែរឬទេ?៕
