ខេត្ដកំពង់ឆ្នាំង៖ រសៀលថ្ងៃទី១៨ ខែមេសា ឆ្នាំ២០២១ វេលាម៉ោង១៥ៈ២៥នាទី នៅត្រង់ចំណុចវាលព្រៃត្បែង ក្នុងភូមិចាស់ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង មានករណីរន្ទះបាញ់ស្លាប់ម្នាក់ និងរងរបួសម្នាក់ ខណៈពេលដែលជនរងគ្រោះទាំង ២ នាក់បើកគោយន្តដឹកជីទៅដាក់ស្រែ។
ជនរងគ្រោះទាំង២នាក់ ម្នាក់ឈ្មោះ ស៊ុ សំណាង ភេទប្រុស អាយុ២៣ឆ្នាំ(ស្លាប់) និងម្នាក់ទៀតឈ្មោះ ស៊ុ វល័ក ភេទប្រុស អាយុ២៦ឆ្នាំ រងបួសត្រូវបានបញ្ជូនទៅសង្គ្រោះនៅមណ្ឌលសុខភាព។ ពួកគាត់ ត្រូវជាបងប្អូននឹងគ្នា មានទីលំនៅក្នុងភូមិ ឃុំ កើតហេតុខាងលើ ៕
