(ខេត្តព្រៃវែង)៖ គិតត្រឹមព្រឹកទី២០.០៤.២០២៣ តំណាងអយ្យការ អមសាលាដំបូង ខេត្តព្រៃវែង.បានសម្រេចធ្វើការចោទប្រកាន់លោក ស៊ាន ប៊ុនណាល់ អធិការរងស្រុកបាភ្នំ ជាផ្លូវការហើយ។
ពីបទ”ហិង្សាមានស្ថានទម្ងន់ទោស និងប្រើប្រាស់អាវុធដោយខុសច្បាប់”។
នេះបើយោងតាមការបញ្ជាក់ពីលោក ចាន់ វណ្ណះ ព្រះរាជអាជ្ញារង និងជាអ្នកនាំពាក្យអយ្យការ អមសាលាដំបូងខេត្តព្រៃវែង ថ្លែងប្រាប់«សារព័ត៌មាន»ក្នុងស្រុក។
បើតាមលោក ចាន់ វណ្ណះ ក្នុងសំណុំរឿងមួយនេះ លោកបានចោទប្រកាន់ និងបញ្ជូនទៅចៅក្រមស៊ើបសួររួចហើយ។
បច្ចុប្បន្នៈ ជនត្រូវចោទកំពុងស្ថិតក្នុងនីតិវិធីរបស់ចៅក្រមស៊ើបសួរ អាចថារសៀលថ្ងៃដដែល ចៅក្រមនិងចេញដីកាឃុំខ្លួនជាបណ្ដោះអាសន្ន។
សូមបញ្ជាក់ថាៈ កាលពីរសៀលថ្ងៃទី១៩.០៤.២០២៣ ម្សិលមិញ.សមត្ថកិច្ចបានបញ្ជូនខ្លួនជនត្រូវចោទ ស៊ាន ប៊ុនណាល់ មកកាន់អយ្យការអមសាលាដំបូងខេត្តព្រៃវែង ម្ដងរួចហើយ។
ប៉ុន្តែដោយសួរនាំធ្វើនីតិវិធី មិនទាន់ តំណាងអយ្យការ ក៏សម្រេចឱ្យសមត្ថកិច្ច នាំខ្លួនជនត្រូវចោទ ទៅស្នងការវិញ។
លុះព្រឹកទី២០.០៤.២០២៣ ទើបបញ្ជូនខ្លួនជនត្រូវចោទ ស៊ាន ប៊ុនណាល់ មកតុលាការម្ដងទៀត ហើយលោក ចាន់ វណ្ណះ ព្រះរាជអាជ្ញារងបានចោទប្រកាន់ បញ្ជូនទៅចៅក្រមស៊ើបសួរ។
សូមជម្រាបថាៈ ជនត្រូវចោទឈ្មោះ ស៊ាន ប៊ុនណាល់ ភេទប្រុស អាយុ២៦ឆ្នាំ មានតួនាទីជាអធិការរងស្រុកបាភ្នំ នៅភូមិស្វាយពក ឃុំស្ពឺក ស្រុកបាភ្នំ ខេត្តព្រៃវែង។
រីឯជនរងគ្រោះឈ្មោះ សាន វិច្ឆកា ភេទប្រុស អាយុ៣៦ឆ្នាំ នៅភូមិព្រៃក្ដួច ឃុំឈើកាច់ ស្រុកបាភ្នំ ខេត្តព្រៃវែង របួសធ្ងន់កំពុងសង្គ្រោះបន្ទាន់នៅប្រទេសវៀតណាម។
គួរម្លឹកថាៈ នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានណែនាំឱ្យស្នងការនគរបាលខេត្តព្រៃវែង អនុវត្តគោលការ ៣ចំណុចដូចខាងក្រោមៈ
១.ឃាត់ឲ្យជនសង្ស័យនៅស្នងការដ្ឋាននគរបាលខេត្ត ផ្អាកការងារ ។
ទី២.បញ្ជូនឯកសារទាំងស្រុង ទៅតុលាការវិនិច្ឆ័យតាមច្បាប់។
ទី៣.ឲ្យស្នងការ សួរសុខទុក្ខ និងសុំទោសដល់ គ្រួសារ ព្រមទាំងដោះស្រាយជាគោលនយោបាយ សម្រាប់ព្យាបាល។
ជុំវិញករណីនេះ ដើមចមដំបូង កាលពីថ្ងៃទី១៥.០៤.២០២៣ ត្រូវនិងថ្ងៃចូលឆ្នាំទី២ មានសមត្ថកិច្ចប៉ូលិសស្រុកបាភ្នំចំនួន៤នាក់ ដឹកនាំដោយឈ្នោះ ស៊ាន ប៊ុនណាល់(ជនត្រូវចោទ)។
បានចុះបង្ក្រាបល្បែងបញ្ជល់មាន់ត្រង់ចំណុចភូមិគ្រួស ឃុំឈើកាច់ ស្រុកបាភ្នំ ខេត្តព្រៃវែង ហើយក៏មានករណីផ្ទុះអាវុធ បណ្ដាលឱ្យជនរងគ្រោះរបួសធ្ងន់តែម្ដងទៅ។
អ្នកឃើញហេតុការណ៍ផ្ទាល់បានអះអាងថាៈ នៅមុនកើតហេតុមានពលរដ្ឋ លួចលេងល្បែងជល់មាន់ ខណៈនោះស្រាប់តែ លេចមុខសមត្ថកិច្ចប៉ូលិសចំនួន៤នាក់ ស្លៀកពាក់ស៊ីវិល ។
ចុះមកដល់ បណ្ដាលឱ្យអ្នកលេងជល់មាន់ រត់ចែកជើងគ្នា
ទន្ទឹមនិងនោះស្រាប់តែឈ្នោះ ស៊ាន ប៊ុនណាល់ ដកកាំភ្លើងខ្លីពីចង្កេះ បាញ់ ១គ្រាប់ បណ្ដាលឱ្យត្រូវពីក្រោយនៃចង្កេះជនរងគ្រោះ។
ដែលកំពុងអង្គុយលើម៉ូតូ មើលគេលេងមាន់ជល់ ជាហេតុនាំឱ្យជនរងគ្រោះ ដួលដេកស្ដូកទៅនឹងដីរបួសធ្ងន់ ហើយពលរដ្ឋបាននាំគ្នាចាប់ជនដៃដល់ រួមនិងប៉ូលិស៣នាក់។
ក្នុងនោះជនរងគ្រោះ ត្រូវបានបញ្ជូនមកកាន់មន្ទីរពេទ្យបង្កែកស្រុកបាភ្នំ.តែដោយស្ថានភាពធ្ងន់ធ្ងរពេក ក៏បញ្ជូនបន្តទៅ«មន្ទីរពេទ្យជោរៃភ្នំពេញ» ហើយគ្រូពេទ្យនៅទីនោះ បានព្យាយាមវះកាត់ ដើម្បីយកក្បាលគ្រាប់ចេញ។
ប៉ុន្តែការវះកាត់នោះ មិនអាចយកក្បាលគ្រាប់ចេញពីថ្លើមបានឡើយ!។
លុះដល់ថ្ងៃទី១៨.០៤.២០២៣ ក្រុមគ្រួសារបានសម្រេច បញ្ជូនជនរងគ្រោះ ទៅប្រទេសវៀតណាម បន្តទៀត។
សេចក្ដីរាយការណ៍បន្ថែមថាៈ គ្រូពេទ្យនៅប្រទេសវៀតណាម មិនអាចវះកាត់យកក្បាលគ្រាប់ ចេញពីថ្លើមរបស់ជនរងគ្រោះបានទេ.ខណៈគ្រូពេទ្យ កំពុងធ្វើការវះកាត់ ទៅលើឆ្អឹងរបស់ជនរងគ្រោះ។
ក្នុងនោះ ជនរងគ្រោះ ប្រឈមនិងពិការភាពមួយជីវិត ហើយក្បាលគ្រាប់ត្រូវនៅក្នុងថ្លើមរហូត។
ពោលគឺៈ ជនរងគ្រោះត្រូវគ្រាប់ត្រង់ចង្កេះបែកឆ្អឹងធ្លាយខួរឆ្អឹង.ហើយផ្លាតក្បាលគ្រាប់មកបៀម ជាប់ថ្លើមជ្រៅតែម្ដង! ។
យ៉ាងណាក្ដីៈ ក្រោយកើតហេតុលោក មុំ សារុំ អធិការស្រុកបាភ្នំ បានថ្លែងប្រាប់«ម្ចាស់ទន្លេមេគង្គ»ថាៈ ករណីនេះលោកអធិការរង មិនមានចេតនាបាញ់នោះទេ។
ពោលគឺនៅពេលនោះ ដៃម្ខាងកាន់កាំភ្លើង ដៃម្ខាងទៀត កាន់កែបម៉ូតូ លុះម៉ូតូរងគ្រោះទៅមុខ បណ្ដាលឱ្យផ្ទុះអាវុធ ត្រូវជនរងគ្រោះតែម្ដង ព្រោះគ្រាប់មានក្នុងកាំភ្លើងស្រាប់៕
