ខេត្ដបន្ទាយមានជ័យ៖ អ្នកដាំស្វាយកែវរមៀតនិងអ្នកលក់ស្វាយកែវរមៀតដាំបានផលហើយយកទៅលក់នៅទីផ្សារ១គីឡូ៥០០រៀលរហូតដល់ យំលែងចេញព្រោះគ្មានអ្នកទិញបើតាមការអះអាងរបស់អ្នកដាំហើយយកមកលក់នៅទីផ្សារ ក្នុងក្រុងសិរីសោភ័យ ខេត្តបន្ទាយមានជ័យ កាលពីថ្មីពីនេះ។
ម្ចាស់ចំការ-អាជីវករលក់ក្នុងផ្សារហ៊ុយឡេង បានលើកឡើងថា៖ គាត់សែនហួសចិត្តគាត់ទិញស្វាយកែវរមៀតប្រហែក២០គីឡូយកមកដាក់លក់តាំងពីព្រឹករហូតដល់យប់គ្មានឃើញអ្នកមកទិញនិងសួរនាំសោះ និយាយរួមស្វាយនោះ១គីឡូ៣០០រៀល ក៏គ្មានអ្នកទិញយកទៅហូបដែរសល់ទាំងអស់ បានត្រឹមតែយកទៅចាក់ចោលតែប៉ុណ្ណោះ។
ចំណែកម្ចាស់ចំការបានអោយដឹងដែរថា៖គាត់យំលែងចេញហើយ មានចំការស្វាយរាប់រយដើម ដល់ពេលស្វាយបានផលយកឡានដឹកយកមកលក់ក្នុង១ឡានលក់អស់ពាក់កណ្តាលនៅសល់ពាក់កណ្តាលចាក់ចោលដាក់ឲ្យមាន់សុីវាមិនសុីទៀត ចំណែកនៅចំការស្វាយធ្លាក់ចោលពេញចំការ។
គាក់បានបញ្ជាក់ថា៖ ឆ្នាំនេះប្រហែលគ្មានលុយសង់ធនាគារទេបើស្វាយគ្មានហាងឆេងអញ្ចឹង៕
