(ភ្នំពេញ)៖ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់តែងតាំង លោក ស៊ុន សុវណ្ណារិទ្ធិ ជាអភិបាលខេត្តកំពង់ឆ្នាំង។ នេះបើតាមព្រះរាជក្រឹត្យ ដែលបណ្ដាញព័ត៌មាន ទទួលបាននៅរសៀលថ្ងៃទី២៥ ខែមិថុនា ឆ្នាំ២០២១។
សូមជម្រាបថា មុនពេលព្រះមហាក្សត្រចេញព្រះរាជក្រឹត្យនេះ លោក ស៊ុន សុវណ្ណារិទ្ធិ មានមុខតំណែងជា អភិបាលរងខេត្តកំពង់ឆ្នាំង, ខណៈអភិបាលខេត្តកំពង់ឆ្នាំង កំពុងកាន់តំណែងបច្ចុប្បន្ន គឺ លោក ឈួរ ច័ន្ទឌឿន៕
