ម៉ូតូ ៣គ្រឿងបុកគ្នា បណ្ដាលឲ្យមនុស្សស្លាប់ម្នាក់ និង៤នាក់រងរបួសធ្ងន់

June 7, 2022 adm Comment(0)

(ខេត្ដស្វាយរៀង)៖ បុរសម្នាក់បានស្លាប់ភ្លាមៗនៅនឹងកន្លែង និង៤នាក់ផ្សេងទៀតរងរបួសធ្ងន់ ក្នុងករណីគ្រោះថ្នាក់ចរាចរណ៍រវាងម៉ូតូចំនួន ៣គ្រឿងបុកគ្នាពេញទំហឹង។

ហេតុការណ៍ករណីគ្រោះថ្នាក់ចរាចរណ៍នេះកើតឡើង កាលពីវេលាម៉ោង ០៨ និង ២៥នាទីយប់ថ្ងៃទី៦ ខែមិថុនា ឆ្នាំ២០២២ នៅលើផ្លូវជាតិលេខជាតិ០១ ស្ថិតក្នុងភូមិធ្មល់ សង្កាត់ចេក ក្រុងស្វាយរៀង។

បើតាមប្រភពពីសមត្ថកិច្ចបានឲ្យដឹងថា មុនពេលកើតហេតុមានម៉ូតូស្កុបពី ០២គ្រឿង ពាក់ស្លាកលេខ ភ្នំពេញ 1FZ.1898និងមួយគ្រឿងទៀត ពាក់ស្លាកលេខ ភ្នំពេញ 1I.8848បានបើកក្នុងល្បឿនលឿន ហើយបានបត់ឆ្វេងមិនប្រយ័ត្ន ត្រូវម៉ូតូ១គ្រឿងទៀតម៉ាកហុងដា C125 ពាក់ស្លាកលេខ ស្វាយរៀង 1P.6873 ដែលធ្វើដំណើរបញ្ច្រាស់ទិសគ្នាបុករះពេញទំហឹង បណ្តាលអោយស្លាប់ភ្លាមៗនៅកន្លែងកើតហេតុ រីឯភាគីម៉ូតូស្កុបពីរងរបួសធ្ងន់ទាំង ៤នាក់។

សមត្ថកិច្ចបានអោយដឹងទៀតថា ជនរងគ្រោះដែលស្លាប់មានឈ្មោះ ឌឿន សុកវិសាល ភេទប្រុស អាយុ ១៩ឆ្នាំ មុខរបរ ជាងឡាន រស់នៅភូមិធ្លក ឃុំធ្លក ស្រុកស្វាយជ្រំ ខេត្តស្វាយរៀង ដែលជាអ្នកបើកម៉ូតូម៉ាកហុងដា C125 ពាក់ស្លាកលេខ ស្វាយរៀង 1P.6873 បានរបួសបែកក្បាលស្លាប់នៅកន្លែងកើតហេតុ។

ក្រោយកើតហេតុសមត្ថកិច្ចបានចុះធ្វើការពិនិត្យ និងហៅរថយន្តសាមុយដឹកអ្នករងរបួសទៅមន្ទីរពេទ្យខេត្តស្វាយរៀងដើម្បីសង្គ្រោះ។ ចំពោះសាកសពត្រូវបានសាច់ញាតិយកទៅធ្វើបុណ្យតាមប្រពៃណី។

ចំណែកឯម៉ូតូត្រូវបានសមត្ថកិច្ចយកទៅរក្សាទុកនៅអធិការនគបាលក្រុងស្វាយរៀង ដើម្បីរង់ចាំដោះស្រាយគ្នានៅពេលក្រោយ៕

adm

ព័ត៌មានសន្តិសុខសង្គម

អុញនោះ!រដ្ឋបាលស្រុកខ្សាច់កណ្តាលចុះពិនិត្យKTV«វិមានសួគ៌»ថា បាននៅបន្តបើកទទួលភ្ញៀវច្រើន និងបើកបន្ទប់ខារ៉ាអូខេ ល្មើសបទបញ្ជាររបស់រាជរដ្ឋាភិបាល និងការណែនាំរបស់ក្រសួងសុខាភិបាលតែតាមការឆ្លើយតបបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល ថាគ្មានទៅវិញ

October 25, 2021October 25, 2021 adm

(ខេត្ដកណ្ដាល)៖ ក្រោយពីអង្គភាពសារព័ត៌មាន ម្ចាស់ទន្លេមេគង្គ បានធ្វើការចុះផ្សាយមួយលេខដែលមានចំណងជើងថា៖(ពិតជាខ្លាំងមែនKTV«វិមានសួគ៌» នៅស្រុកខ្សាច់កណ្តាលហ៊ានបើកដំណើរការឱ្យភ្ញៀវចូលច្រៀងទោះបីធ្លាប់មានកិច្ចសន្យា!)កាលពីថ្ងៃទី២៤ខែតុលាឆ្នាំ២០២១ ឥឡូវនេះក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល ឆ្លើយបំភ្លឺហើយ ដោយមានខ្លឹមសាថា៖ពុំប្រទះឃើញមានបើកបន្ទប់ខារ៉ាអូខេឱ្យភ្ញៀវចូលជួបជុំផឹកស៊ីច្រៀងរាំនោះទេ។ ដោយឡែករដ្ឋបាលស្រុកខ្សាច់កណ្ដាលចុះពិនិត្យថា៖អាហារដ្ឋានយីហោ «វិមានសួគ៌» ដែលក្នុងអាហារដ្ឋានមានបន្ទប់ខារ៉ាអូខេ ស្ថិតនៅភូមិព្រៃចាស់ ឃុំវិហារសួគ៌ ស្រុកខ្សាច់កណ្ដាល បាននៅបន្តបើកទទួលភ្ញៀវច្រើន និងបើកបន្ទប់ខារ៉ាអូខេ ល្មើសបទបញ្ជាររបស់រាជរដ្ឋាភិបាល និងការណែនាំរបស់ក្រសួងសុខាភិបាលផងដែរ ។ ក្នុងនោះរដ្ឋបាលស្រុកខ្សាច់កណ្ដាលក៍បានសម្រេចផ្អាកអាជីវកម្មKTV«វិមានសួគ៌»ជាបណ្ដោះអាសន្ន រហូតដល់មានការជូនដំណឹងសារជាថ្មី។ ទាក់ទងទៅនឹងការឆ្លើយបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល សង្ស័យលោកអធិការស្រុកខ្សាច់កណ្ដាលរាយការណ៍ខុសទេដឹង ឬមួយរាយការណ៍ភូតកុហក់ថា្នក់លើដើម្បីយករួចខ្លួនទេដឹង ដើម្បីលាក់បាំងនៃការពិត ជាហេតុនាំឲ្យក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាលឆ្លើយបំភ្លឺបែបនេះ។ ជុំវិញករណីខាងលើនេះដែរអង្គភាពសារព័ត៌មាន ម្ចាស់ទន្លេមេគង្គយើងព្យាយាមទូរសព្ទ័ទៅលោកម៉ែន សុខឃឿន អធិការនគរបាលស្រុកខ្សាច់កណ្ដាលចូលហើយតែគ្មានអ្នកទទួល។ ម្យ៉ាងវិញទៀតសូមសំណូមពរលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ដែលពលរដ្ឋតែងតែគ្រាំទ្រនឹងសរសើមិនដាច់ពីមាត់នឹងសង្ឃឹមជឿជាក់នោះ សូមមេត្ដាត្រួតពិនិត្យមើលមន្ដ្រីក្រោមឱវាទកុំអោយរាយការណ៍ខុសដូចអធិការស្រុកខ្សាច់កណ្ដាលទៀតកុំអោយមហាជនយល់ច្រឡំកាន់តែខ្លាំង។ ពាក់ព័ន្ធនឹងករណីខាងលើនេះដែរ អង្គភាពសារព័ត៌មាន ម្ចាស់ទន្លេមេគង្គយើងរង់ចាំបកស្រាយបំភ្លឺពីអាជ្ញាធរពាក់ព័ន្ធឬ សមុីភាគីពាក់ព័ន្ធទាំងអស់រៀងរាល់ម៉ោងធ្វើការ ៕

ព័ត៌មានសន្តិសុខសង្គម

រថយន្តហ៊ីយ៉ាន់ដាយ បើកល្បឿនលឿន វ៉ាជែង ក៏ជ្រុលទៅបុករថយន្តមួយគ្រឿងទៀត បណ្តាលអោយរងរបួសស្រ្តីម្នាក់ធ្ងន់.!

August 2, 2021 adm

(ខេត្តព្រៃវែង). កាលពីវេលាម៉ោង១៦និង៤០នាទីថ្ងៃទី៣១ ខែកក្កដា ឆ្នាំ២០២១ នៅចំណុចភូមិព្រៃសុធន់ ឃុំព្រៃខ្លា ស្រុកស្វាយអន្ទរ ខេត្តព្រៃវែង លើផ្លូវជាតិលេខ១១ មានករណីគ្រោះថ្នាក់ចរាចរណ៍មួយលើកកើតឡើង រវាងរថយន្ត និងរថយន្ត ខណ:បើកបរវ៉ាជែង បញ្ច្រាសទិសដៅគ្នា បណ្តាលឲ្យរងរបួសក្បាលស្រ្តីម្នាក់ ។ ករណីគ្រោះថ្នាក់ចរាចរណ៍ខាងលើនេះ មានរថយន្តមួយគ្រឿងម៉ាក ហៃយ៉ាស់ ពណ៌ ទឹកប្រាក់ ពាក់ស្លាកលេខ ស្ទឹងត្រែង 2A.9099 បើកបរដោយឈ្មោះ អ៊ិត សើណារិន ភេទប្រុស អាយុ៣៤ឆ្នាំ រស់នៅភូមិត្រពាំងព្រីង សង្កាត់ក្រចេះ ក្រុងក្រចេះ (គ្មានរងរបួស) មានអ្នករួមដំណើរជាមួយឈ្មោះ ផាត់ រចនា ភេទស្រី អាយុ២៦ឆ្នាំ ត្រូវជាប្រពន្ធ បានរងរបួសក្បាល បើកបរទិសដៅពីជើងទៅត្បូង ។ លុះធ្វើដំណើរមកដល់ត្រង់ចំណុចកើតហេតុ ស្រាប់តែមានរថយន្តមួយគ្រឿងទៀត ម៉ាកហ៊ីយ៉ាន់ដាយ ពណ៌ស គ្មានពាក់ស្លាកលេខ ទិសដៅបញ្ច្រាសគ្នា បើកវ៉ាជែងបំពានគន្លងផ្លូវ ដោយខ្វះការប្រុងប្រយ័ត្ន បានបុកចំពីចំហៀងខាងស្តាំ និងរថយន្តរងការខូចខាត យ៉ាងដំណំផងដែរ ចំណែកអ្នកបើកបររថយន្តបង្ក មិនស្គាល់អត្តសញ្ញាណនោះទេ […]

ព័ត៌មានរាយការណ៍ ព័ត៌មានសន្តិសុខសង្គម

គ្រឿងចក្រដឹកអាចម៌ដីជាច្រើនវង់នៅស្រុកកំពង់សៀមកំពុងបង្ករឲ្យមានគ្រោះថ្នាក់ ប៉ះពាល់សុខភាព ដល់ពលរដ្ឋដែលធ្វើដំណើតាមដងផ្លូវ និងខូចផ្លូវសាធារណៈ!

September 18, 2021 adm

(ខេត្តកំពង់ចាម)៖ ប្រជាពលរដ្ឋរស់នៅតាមដងផ្លូវជាតិលេខ៧A ក្នុងឃុំអំពិល ស្រុកកំពង់សៀម ខេត្តកំពង់ចាម សូមសុំណូមពរដល់អាជ្ញាធរមានសមត្ថកិច្ចពាក់ព័ន្វក្នុងស្រុកកំពង់សៀមមេត្តាជួយមើលគ្រឿងចក្រដឹកដីផងព្រោះថា៖ គ្រឿងចក្រដឹកអាចម៌ដីទាំងនេះដឹកជញ្ជូនគ្មានគ្រប ដណ្តប់អោយបានត្រឹមត្រូវ ធ្វើឲ្យជ្រុះអាចម៍ដីប្រលាក់ពេញផ្លូវ បង្ករឲ្យមានគ្រោះថ្នាក់ដល់ពលរដ្ឋធ្វើដំណើតាមដងផ្លូវ ទៀតផង។ ហើយបើភ្លៀងគឺរអិល បើរាំងវិញគឺហ៊ុយមើលផ្លូវមិនឃើញនិងបង្ករឲ្យខូចសុខភាពបងប្អូនប្រជាពលរដ្ឋតាមដងផ្លូវនេះទៀតផង។ ប្រភពបន្តរបង្ហើបប្រាប់ថា៖ ជាពិសេសគ្រឿងចក្រដឹកអាចម៌ដីរបស់លោកម៉ៅ យ៉ុង តែងតែដឹកជញ្ជូនមិនគ្រប ដណ្តប់ ស្បៃ ម៉ុងតង់ អោយបានត្រឹមត្រូវនោះទេ។ ជាក់ស្តែងនៅព្រឹកថ្ងៃទី១៨ ខែកញ្ញា ឆ្នាំ២០២១នេះ ក្រុមសារព័ត៌មានយើងបានចុះទៅដល់កន្លែងទីតាំងដឹកអាចម៌ដីរបស់លោក«ម៉ៅ យ៉ុង» ឃើញថា ពិតដូចជាពលរដ្ឋរាយការណ៍មែន។ ពាក់ព័ន្ធរឿងដឹកអាចម៌ដីខាងលើម្ចាស់គ្រឿងចក្របានប្រាប់សារព័ត៌មានថា៖ អាចម៍ដីទាំងនេះដឹកអោយលោកអភិបាលស្រុកទេ។ ចំពោះលោករ័ត្ន គឹមហៃ មេឃុំអំពិលបានឲសារព័ត៌មានយើងដឹងនៅព្រឹកថ្ងៃទី១៨ ខែកញ្ញា ឆ្នាំ២០២១នេះថា៖លោកមិនមែនមិនវិធានការនោះទេ លោកតែងតែមានការនែណាំដល់ម្ចាស់រថយន្តដឹកអាចដីទាំងនោះរហូត តែម្ចាស់គ្រឿងចក្រមិនស្តាប់ទេ។ ចំណែកលោក «ប៊ិន ឡាដា» អភិបាលស្រុកកំពង់សៀមបានអោយសារព័ត៌មានយើងដឹងនៅព្រឹកថ្ងៃទី១៨ ខែកញ្ញា ឆ្នាំ២០២១នេះថា៖ ចាំលោកសួរទៅលោកមេឃុំសិនបានដឹង។ហើយលោកមិនដែលបានដឹងថា៖មានពលរដ្ឋរាយការណ៍នោះទេ ហើយសូមអោយពលរដ្ឋជួយរាយកាណ៍ទៅគាត់ផង។ ជាចុងក្រោយប្រជាពលរដ្ឋសូមសំណូមពរដល់អាជ្ញាធរមានសមត្ថកិច្ចនិងមន្ត្រីជំនាញពាក់ព័ន្ធទាំងអស់ ជាពិសេសលោកអ៊ុន ចាន់ដា អភិបាលខេត្តកំពង់ចាម មេត្តាចាត់វិធានការលើគ្រឿងចក្រដឹកអាចម៌ដីទាំងនេះផងទាន៕