លោក ប៊ុន ផាក ត្រូវបានសមត្ថកិច្ចចាប់ខ្លួនបញ្ជូនទៅតុលាការ

December 4, 2021 adm Comment(0)

(ភ្នំពេញ )៖ បុរសម្នាក់ដែលគេស្គាល់ថាឈ្មោះ ប៊ុន ផាក (Bun Park) ត្រូវបានកម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បញ្ជូនទៅកាន់សាលាដំបូងរាជធានីភ្នំពេញ នៅព្រឹកថ្ងៃទី០៤ ខែធ្នូ ឆ្នាំ២០២១នេះ បន្ទាប់ពីបានតាំងខ្លួនជាមេធាវីដោយខុសច្បាប់ ទាំងខ្លួនមិនមានឈ្មោះក្នុងគណៈមេធាវីនោះឡើយ ។

លោក ប៊ុន រស្មី ហៅ ប៊ុន ផាក ត្រូវបានអ្នកប្រើប្រាស់បណ្ដាញសង្គម ស្គាល់តាមរយៈការបង្ហោះនូវសារទ្រឹះស្ដី ពិសេសក្នុងជំនួញជាដើម។ លោកក៏ជាស្ថានិកគេហទំព័រ We Read ដែលបកប្រែសម្រួលសៀវភៅ ពីភាសាបរទេស មកជាភាសាខ្មែរ និងអានជាសំឡេងផងដែរ។ មួយផ្នែកទៀត លោក ប៊ុន ផាក ត្រូវបានអ្នកលេង Facebook ហៅថា ជាគ្រូជោគជ័យ។

យ៉ាងណាមិញ ពាក់ព័ន្ធការចាប់ខ្លួនរបស់លោក ប៊ុន ផាកនេះ គេមិនទាន់ដឹងថា ដំណើរការនៅតុលាការយ៉ាងណានោះទេ ដោយតំណាងអយ្យការកំពុងធ្វើការសួរនាំនៅឡើយ។

សូមជម្រាបថា ប៉ុន្មានថ្ងៃចុងក្រោយនេះ រឿងរ៉ាវមួយចំនួនរបស់លោក ប៊ុន ផាក ត្រូវបានគេចែកចាយនៅលើបណ្ដាញសង្គម ដោយសារតែពាក់ព័ន្ធជាមួយនារីម្នាក់ ដែលជាមិត្តស្រីរបស់គេ ហើយបុរសនោះបានចោទប្រកាន់ថា លោក ប៊ុន ផាក ដណ្ដើមនារីនោះមក ៕

adm

ព័ត៌មានសន្តិសុខសង្គម

ខាងក្រោយមូលដ្ឋាន សង្កាត់រដ្ឋបាលព្រៃឈើ ស្រុកអន្លង់វែង ជាជម្រកដ៏សុខសាន្ដ ក្រុមឈ្មួញរកស៊ីដឹកជញ្ជូនឈើក្នុងការបើកធ្វើរោងម៉ាស៊ីនរ៉ៃជ្រៀកឈើ !

October 19, 2022 adm

ខេត្តឧត្តរមានជ័យ៖ មានសេចក្ដីរាយការណ៍មកថា មានទីតាំងរោងម៉ាស៊ីនរ៉ៃជ្រៀកឈើអត់ច្បាប់យ៉ាងអនាធិបតេយ្យ ខាងក្រោយមូលដ្ឋាន សង្កាត់រដ្ឋបាលព្រៃឈើស្រុកអន្លង់វែង។ ជាក់ស្តែងជារៀងរាល់ថ្ងៃគេឃើញមានរថយន្ដនិងគោយន្ដកន្ត្រៃជាច្រើនគឿង បានដឹកឈើប្រណិតជាច្រើន ម៉ែត្រគូបក្នុងមួយថ្ងៃៗមកពីគ្រប់ទិសទី ចួលទៅក្នុងកន្លែងរោងម៉ាសុីនរ៉ៃជ្រៀកឈើ ដែលមានទីតាំងស្ថិតនៅចំណុច ខាងក្រោយមូលដ្ឋាន សង្កាត់រដ្ឋបាលព្រៃឈើ ស្រុកអន្លង់វែង ខេត្តឧត្តរមានជ័យ ដើម្បីជ្រៀកឈើយកទៅលក់ តាមបណ្ដាខេត្ដនានា។ មហាជនជាច្រើនមានការហួសចិត្តចំពោះចំណាត់ការរបស់សមត្ថកិច្ច និងមន្ដ្រីជំនាញពាក់ព័ន្ធក្នុងស្រុក ដែលធ្វើការបង្ក្រាបកន្លងមកហាក់ដូចជាគ្មានប្រសិទ្ធភាពអ្វីសោះ និយាយរួមគឺធ្វើការបង្ក្រាបឲ្យតែល្អមើលតែប៉ុណ្ណោះ។ មហាជនក៏បានទទូចអំពាវទៅដល់ ឯកឧត្តមសាយ សំអាល រដ្ឋមន្រ្តីក្រសួងបរិស្ថាន និងឯកឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ជាពិសេសឯកឧត្តមអភិបាលខេត្ត សូមមានចំណាត់ការចំពោះមន្ដ្រីក្រោមឪវាទ ឲ្យចុះធ្វើការបង្ក្រាបទីតាំងរោងម៉ាស៊ីនរ៉ៃជ្រៀកឈើអត់ច្បាប់ មួយកន្លែងនៅខាងសង្កាត់រដ្ឋព្រៃឈើផង បើសង្ឃឹមទៅលើអាជ្ញាធរមានសមត្ថកិច្ច និងមន្ដ្រីជំនាញពាក់ព័ន្ធនៅក្នុងមូលដ្ឋានស្រុកអន្លង់វែងនោះ គឺបានត្រឹមតែបង្ក្រាបដូចសម្ដែងល្ខោនតែប៉ុណ្ណោះ។ ជុំវិញករណីខាងលើនេះអង្គភាពសារព័ត៌មានយើងមិនអាចសុំការបំភ្លឺពីអាជ្ញាធរនិងសមត្ថកិច្ចពាក់ព័ន្ធបាននៅឡើយទេ អង្គភាពយើងនឹងធ្វើការផ្សាយជាបន្តបន្ទាប់ប្រសិនបើមានការពន្យល់ឬបកស្រាយពីអាជ្ញាធរនិងសមត្ថកិច្ចពាក់ព័ន្ធនិងសមុីភាគីទាំងអស់រៀងរាល់ម៉ោងធ្វើការ ៕

ព័ត៌មានសន្តិសុខសង្គម

ពលរដ្ឋថាអាជ្ញាធរមិនអើពើ រថយន្តធុនយក្សបើកកម្ទេចផ្លូវទៅព្រំដែនបុសមន នៅស្រុករំដួល ខេត្តស្វាយរៀង

November 13, 2021 adm

(ខេត្ដស្វាយរៀង)៖ស្ថានភាពផ្លូវទៅព្រំដែនទ្វេភាគីបុសមនស្ថិតនៅភូមិស្រម៉រ ឃុំបុសមន ស្រុករំដួល ខេត្តស្វាយរៀងកំពុងរងការខូចខាតយ៉ាងដំណំដោយសាររថយន្តធុនយក្សដឹកបំផ្លាញផ្លូវមិនត្រូវបានអាជ្ញាធរក៏ដូចជាមន្ទីរជំនាញ អើរពើរនោះឡើយពលរដ្ឋស្នើដល់អភិបាលខេត្តស្វាយរៀងសូមជួយអន្តរាគមន៍ជួសជុលផ្លូវមួយខ្សែនេះផងព្រោះពិបាកធ្វើដំណើរខ្លាំងណាស់។ ប្រជាពលរដ្ឋនៅឃុំបុសមនបានថ្លែងឲ្យដឹងថាអាជ្ញាធរឃុំ ស្រុក ហាក់បីដូចពុំបានអើពើរករណីក្រុមឈ្មួញដែលមានរថយន្តយីឌុបធុនយក្សដឹកទំនិញបំផ្លាញផ្លូវធ្វើឲ្យខូចស្រុតផ្លូវក្លាយជារណ្តៅ ជង្ហុក ប្រមាណ ជាង៨,០០០ម៉ែត្រ ។ បើតាមប្រជាពលរដ្ឋ បានឲ្យដឹងថា ចាប់ពីផ្លូវជាតិលេខ១៣ ឆ្លងកាត់ភូមិចំនួន៣ ឆ្ពោះទៅច្រកទ្វាព្រំដែនទ្វេភាគីបុស្សមន ឃុំបុសមន ជារាងរាល់ឆ្នាំតែងតែពិបាកក្នុងការធ្វើដំណើដល់ប្រជាពលរដ្ឋ ជាពិសេសសិស្សានុសិស្ស ទៅសាលារៀន សម្រាប់នៅចុងឆ្នាំនេះរយន្តដឹកទំនិញចេញចូលតាមច្រកទ្វេភាគីបុសមនមានចំនួនច្រើនធ្វើឲ្យសមត្ថកិច្ចនៅច្រកនេះសើមមាត់ សើមករ មិនខ្វល់ពីលំបាកដល់ពលរដ្ឋឡើយ។ តាមប្រភពពីអាជីវករបានបង្ហើបឲ្យដឹងថារាល់ការដឹកទំនិញបាននៅតាមច្រកទ្វេភាគីបុសមននេះ ពួកគេសុទ្ធតែបានបង់លុយទៅឱ្យមេប៉ុស្តិ៍ច្រកទ្វេភាគីបុសមន នឹងគយ ព្រមទាំងសមត្ថកិច្ចមួយចំនួនទៀតទើបអាចដំណើរការរកស៊ីនៅច្រកនេះបាន។ ទាក់ទិនករណីនេះដែរលោកប្រធានក្រុមប្រឹក្សាឃុំបុស្សមន បានឲ្យដឹងថា លោកបានរាយការណ៍ជូនលោកអភិបាលស្រុករំដួលដើម្បីស្នើទៅលោកអភិបាលខេត្តរួចហើយ។ ចំណែកលោកសំ នីតូ ប្រធានមន្ទីរ អភិវឌ្ឍន៍ជនបទខេត្តស្វាយរៀងបានឲ្យដឹងថា ផ្លូវមួយខ្សែ ខាងលើនេះមានប្រវែងជាង១០គីឡូម៉ែត្រពីផ្លូវជាតិលេខ១៣ឆ្ពោះទៅច្រកទ្វាព្រំដែនបុស្សមន លោកបានទទួលសំណើរពីអាជ្ញាធរឃុំ ស្រុករួចហើយ មន្ទីរបានឆ្លងលោកអភិបាលខេត្តហើយបានដាក់សំណើរសុំទៅដល់ក្រសួងអភិវឌ្ឍន៍ជនបទ រួចរាល់ហើយដែរ ដោយក្រសួងតម្រូវឲ្យក្នុង១ឆ្នាំផ្លូវក្រាលកៅស៊ូប្រវែង៤,៣០០ម៉ែត្រ ដូច្នេះឆ្នាំ២០២១នេះ គឺធ្វើបានតែ៤,៣០០ម៉ែត្រ ហើយនិងបន្តនៅឆ្នាំ២០២២មានចំនួន៤,៣០០ម៉ែត្រទៀតដោយនៅចុងខែតុលានេះមានភ្លៀងធ្លាក់ខ្លាំង មិនអាចធ្វើបន្តនិងរង់ចាំរាំងភ្លៀងនិងចុះធ្វើបន្តទៀតហើយ។ ចំពោះចំណុចផ្លូវខូចស្រុតជារណ្តៅ នៅត្រង់ចំណុចភូមិស្រម៉ គឺលោកអភិបាលស្រុកនិងមន្ទីរបានយកថ្ម ទៅដាក់ហើយដើម្បីឲ្យរថយន្ត ក៏ដូចប្រជាពលរដ្ឋអាចធ្វើដំណើរបានសូមប្រជាពលរដ្ឋយោគយល់នេះជារដូវភ្លៀង ពេលចាក់ដីហើយមានភ្លៀង ម្យ៉ាងមានរថយន្តដឹកទំនិញធុនធំចរាចរណ៍ទៀតទើបធ្វើឲ្យខូចផ្លូវខ្លាំងបែបនេះ។ ទោះបីយ៉ាងណារថយន្តធុនយក្សនៅតែបន្តបើកបរលើផ្លូវនេះមិនអាចធានាបាននោះទេដូច្នេះផ្លូវនៅតែខូចបើពុំមានការអន្តរាគមន៍ពីអាជ្ញាធរនោះទេច្បាស់ជាពលរដ្ឋនៅតែពិបាកធ្វើដំណើរដដែល៕

ព័ត៌មានសន្តិសុខសង្គម

ស្នងការរាជធានីភ្នំពេញដកប៉ូលិសទឹកថ្លាម្នាក់បញ្ឍរជើង ក្រោយបង្ហោះតាមបណ្តាញសង្គម TikTok ថា «បងប្អូនត្រូវការផ្លាកចេញ-ចូលអគ្គស្នងការដ្ឋាននគរបាលជាតិ ឬក្រសួងមហាផ្ទៃ អាចមកទាក់ទងខ្ញុំបាន»

December 26, 2022 adm

(ភ្នំពេញ)៖ នៅថ្ងៃទី២៦ ខែធ្នូ ឆ្នាំ២០២២នេះ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានចេញសេចក្តីបកស្រាយបំភ្លឺ ពាក់ព័ន្ធនឹងករណីមន្ដ្រីនគរបាលរដ្ឋបាលទឹកថ្លាម្នាក់ បានបង្ហោះប័ណ្ណសម្គាល់ផ្លាកចេញ-ចូល អគ្គស្នងការដ្ឋាននគរបាលជាតិ ឬក្រសួងមហាផ្ទៃ តាមបណ្តាញសង្គម TikTok។ ស្នងការដ្ឋានរាជធានីភ្នំពេញ បានរៀបរាបយ៉ាងដូច្នេះថា បន្ទាប់ពីបានឃើញវីដេអូបង្ហោះតាមបណ្តាញសង្គម TikTok ទាក់ទងទៅនឹងម្ចាស់គណនីឈ្មោះថា Tik Tok Fan Dy 9828 ជាមន្ត្រីប៉ុស្តិ៍នគរបាលរដ្ឋបាលទឹកថ្លា ដែលបានបង្ហោះខ្លឹមសារ «បងប្អូនត្រូវការផ្លាកចេញ-ចូលអគ្គស្នងការដ្ឋាននគរបាលជាតិ ឬក្រសួងមហាផ្ទៃ អាចមកទាក់ទងខ្ញុំបាន» កាលពីថ្ងៃទី២៤ ខែធ្នូ ឆ្នាំ២០២២។ ភ្លាមក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ និងលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានធ្វើការស្រាវជ្រាវ និងកោះហៅលោកអនុសេនីយ៍ឯក ម៉ិច មាស អត្តលេខ ៨៦៩០៤ មកបកស្រាយបំភ្លឺករណីនេះ។ ក្រោយពីធ្វើការសាកសួររួចរាល់ លោកអនុសេនីយ៍ឯក ម៉ិច មាស បានសារភាពថា រូបលោក ពិតជាបានបង្ហោះខ្លឹមសារខាងលើពិតប្រាកដមែន តែពុំមានចេតនាក្នុងការលក់ដូរអ្វីឡើយ គោលបំណងគឺផុសអួត ដល់មិត្តភ័ក្ត្រដែលជាកងកម្លាំងដូចគ្នាតែប៉ុណ្ណោះ។ […]