ជុងមិនអាចភ្លេចកុក មុខសញ្ញាប្លន់ម្នាក់ ត្រូវតុលាការចេញដីកា បង្គាប់អោយចាប់ខ្លួន

December 22, 2021 adm Comment(0)

(ខេត្តបាត់ដំបង)៖ ជនសង្ស័យម្នាក់ ដែលជាមុខសញ្ញាប្លន់ប្រដាប់អាវុធ ហើយបានព្យាយាមគេចខ្លួន អស់រយ:ពេល ១៤ ឆ្នាំ ត្រូវបានតុលាការចេញដីកា បង្គាប់អោយចាប់ខ្លួនយកមកផ្តន្ទាទោស ខណ:ដែលមុខសញ្ញារូបនេះ បានបង្ហាញខ្លួននៅលើទឹកដីនៃស្រុកកំណើត។

ការអនុវត្តដីកា ចាប់ខ្លួននេះ បានធ្វើឡើងកាលពីថ្ងៃទី២១ ខែធ្នូ ឆ្នាំ២០២១ វេវេលាម៉ោង៣ និង៤០នាទី រសៀល នៅចំណុចក្រុមទី៣ ភូមិរុន ឃុំគារ ស្រុកមោងឫស្សី ខេត្តបាត់ដំបង តាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ផងដែរ។

ក្នុងខណៈពេលដែលមុខសញ្ញាបានបង្ហាញខ្លួន គឺលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានដឹកនាំកម្លាំងផ្នែកនគរបាលយុត្តិធម៌ សហការជាមួយកម្លាំងប៉ុស្តិ៍នគរបាលរដ្ឋបាលគារ អនុវត្តដីកាឱ្យចាប់ខ្លួនលេខ៤១៤ច ប.ខ ចុះថ្ងៃទី០៤ ឧសភាឆ្នាំ ២០០៧របស់លោក គី ឫទ្ធី ចៅក្រមស៊ើបសួរនៃសាលាដំបូងខេត្តបាត់ដំបង ដោយបង្គាប់អោយចាប់ខ្លួនឈ្មោះ ពៅ កុសល់ ភេទប្រុស បច្ចប្បន្នអាយុ៤៣ឆ្នាំ ទីលំនៅមុនចាប់ខ្លួន ភូមិជ្រៃ២ ឃុំជ្រៃ ស្រុកមោងឫស្សី ខេត្តបាត់ដំបង ជាប់ចោទពីបទប្លន់ ប្រព្រឹត្តនៅភូមិគរ ឃុំព្រៃស្វាយ ស្រុកមោងឫស្សី ខេត្តបាត់ដំបង កាលពីថ្ងៃទី៣ ឧសភា ២០០៧ កន្លងទៅ។

បច្ចុប្បន្នជនសង្ស័យត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកមោងឫស្សី ដើម្បីរៀបចំកសាងសំណុំរឿងបញ្ជូនមកការិយាល័យជំនាញអនុវត្ត តាមនីតិវិធី៕

adm

ព័ត៌មានសន្តិសុខសង្គម

មិនដឹងថាមានវិបត្តិអ្វីនោះទេ ធ្វើអោយបុរសវ័យក្មេងម្នាក់ បានបើកកង់បីមកឈប់នៅលើស្ពានជ្រោយចង្វារួចលោតទឹកសម្លាប់ខ្លួនតែម្តង.!

August 31, 2021 adm

(ភ្នំពេញ)៖ បុរសម្នាក់មិនដឹងថាមានវិបត្តិផ្លូវចិត្តអ្វីនោះទេទើបដាច់ចិត្តបើកកង់បីឥណ្ឌាមកឈប់នៅលើស្ពានមិត្តភាពកម្ពុជាជប៉ុនជ្រោយចង្វាហើយលោតចុះទៅក្នុងទឹកទន្លេដើម្បីបញ្ចប់ជីវិតខ្លួនឯង បង្កឲ្យមានការភ្ញាក់ផ្អើលទាំងកណ្ដាលអធ្រាត្រ។ ហេតុការណ៍នេះបានកើតឡើងកាលពីវេលាម៉ោង០១រំលងអាធ្រាតឈានចូល ថ្ងៃទី៣១ ខែសីហា ឆ្នាំ២០២១នេះ ត្រង់ចំណុចលើស្ពានជ្រោយចង្វា ស្ថិតក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ។ ជនរងគ្រោះដែលបានលោតទឹកសម្លា ប់ខ្លួននោះមាន ឈ្មោះ តូច វណ្ណា ភេទប្រុស អាយុ៣០ឆ្នាំ មុខរបរគុកជេម៉ូតូ នៅម្ដុំអូឬស្សី រកប្រាក់មិនសូវបាន ទើបរកមុខរបរមួយផ្សេង គឺរូបគាត់ទិញកង់បីឥណ្ឌាមួយគ្រឿងទៀតដើម្បីឆ្លៀតយកមករត់រកលុយនៅខាងក្រៅ ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលហេតុការណ៍នេះបានកើតឡើងគេបានឃើញបុរសម្នាក់អ្នកបើកកង់បីឥណ្ឌាពណ៌លឿងមួយគ្រឿងពាក់ស្លាកលេខស្វាយរៀល1N-2012 បើកកន្លែងមុខលើស្ពានមិត្តភាពកម្ពុជាជប៉ុនហើយក៏បានឈប់ទុកទូរសព្ទដៃមួយគ្រឿងនិងស្បែកជើងចង្រែកមួយគូរ និងលុយប្រហែលជា ជាង២០០០០រៀល (២មុឺនរៀល)ជាងនៅលើស្ពានរួមជាមួយនឹងកង់បីឥណ្ឌាមួយគ្រឿងទៀត ហើយក៏បានលោតចុះទៅក្នុងទឹកទន្លេលិចចូលទៅក្នុងទឹកបាត់ស្រមោលតែម្ដង ។ ក្រោយកើតហេតុសមត្ថកិច្ចមូលដ្ឋានក៏បានចុះមកដល់ដើម្បីត្រួតពិនិត្យមើលរួចរាល់ហើយ ក៍បានយកសម្ភារៈមួយចំនួនដែលជនរងគ្រោះបានបន្សល់ទុកនៅលើស្ពានយកទៅរក្សាទុកនៅឯប៉ុស្ត៍ជ្រោយចង្វា រងចាំសាច់ញាតិនឹងក្រុមគ្រួសារមកទទួលយកសមត្ថកិច្ចយើងនឹងប្រគល់ទៅឲ្យវិញ៚៕ ដោយ៖ សុវណ្ណារាជ រតនា

ព័ត៌មានសន្តិសុខសង្គម

ប៉ូលិសបង្ក្រាបក្រុមឧក្រិដ្ឋជនកែច្នៃ និងចែកចាយគ្រឿងញៀន ៥នាក់ រឹបអូសបានគ្រឿងញៀន ១៥៦គីឡូក្រាម

July 24, 2021 adm

(ភ្នំពេញ) ៖ នៅថ្ងៃទី២៤ ខែកក្កដា ឆ្នាំ២០២១នេះ កម្លាំងជំនាញ នៃមន្តីរប្រឆាំងបទល្មើសគ្រឿងញៀន របស់អគ្គស្នងការដ្ឋាននគរបាលជាតិ បានបើកប្រតិបត្តិការបង្ក្រាបក្រុមឧក្រិដ្ឋជនកែច្នៃ រក្សាទុកដឹកជញ្ជូន និងជួញដូរគ្រឿងញៀនមួយករណី ចាប់ខ្លួនជនសង្ស័យ៥នាក់ ក្នុងនោះវៀតណាម៤នាក់ និងខ្មែរម្នាក់ ព្រមទាំងរឹបអូសបានគ្រឿងញៀនសរុប ១៥៦គីឡូក្រោម។ ប្រតិបត្តិការនេះធ្វើឡើងដោយអនុវត្តតាមបញ្ជា នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់លោកឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន។ ជាលទ្ធផលក្រោយទទួលបានបទបញ្ជា នៅយប់ថ្ងៃទី២០ ខែកក្កដា ឆ្នាំ២០២១ សមត្ថកិច្ច នៃមន្ទីរប្រឆាំងបទល្មើសគ្រឿងញៀន (ក៨) ដឹកនាំដោយ លោកឧត្តមសេនីយ៍ទោ វ៉ាន់ កុសល និងលោកឧត្តមសេនីយ៍ទោ សារី បុត្រសត្យា នាយករងមន្ទីរ មានការចូលរួមពីកម្លាំងជំនាញ ស្នងការដ្ឋាននគរបាលរាជធានីភ្នំពេញ ព្រមទាំងមានការសម្របសម្រួលដោយ លោក វង្ស សាវ៉ាត ព្រះរាជអាជ្ញារង បានចុះសើុបអង្កេត ស្រាវជ្រាវ ឈានទៅបង្ក្រាបក្រុមឧក្រិដ្ឋជន […]

ព័ត៌មានសន្តិសុខសង្គម

ក្រសួងធនធានទឹក ៖ ចាប់ពីថ្ងៃទី ២០ – ២៦ ខែកក្កដា នឹងអាចមានភ្លៀងក្នុងកម្រិតពីតិចទៅបង្គួរ ជាមួយគ្នានោះបណ្តាផ្នែកខ្លះនៃបណ្តាខេត្តនិងរាជធានីអាចមានភ្លៀងធ្លាក់ច្រើន ដោយអន្លើ លាយឡំទៅដោយផ្គរ រន្ទះ និងខ្យល់កន្ត្រាក់

July 19, 2022 adm

(ភ្នំពេញ)៖ យោងតាមសេចក្តីជូនដំណឹង ស្តីពី ស្ថានភាពធាតុអាកាស ( ចាប់ពីថ្ងៃទី ២០ – ២៦ ខែកក្កដា ឆ្នាំ២០២២ ) ។ ព្រះរាជាណាចក្រកម្ពុជានឹងទទួលឥទ្ធិពលពីជ្រលងនៃប្រព័ន្ធសម្ពាធទាបអូសបន្លាយពីភាគខាងជើងប្រទេសថៃកាត់លើភាគខាងត្បូងប្រទេសឡាវ និងភាគកណ្ដាលប្រទេសវៀតណាម ជាមួយខ្យល់មូសុងនិរតីបក់ក្នុងល្បឿនពីមធ្យមទៅបង្គួរ ។ ស្ថានភាពបែបនេះនឹងធ្វើឲ្យ ៖ ១-បណ្តាខេត្តនៅតំបន់វាលទំនាបកណ្តាល ៖ – សីតុណ្ហភាពអប្បបរមា មានពី ២៤-២៦ °C – សីតុណ្ណភាពអតិបរមា មានពី ៣៤-៣៦ °C – នឹងអាចមានភ្លៀងក្នុងកម្រិតពីតិចទៅបង្គួរ ជាមួយគ្នានោះបណ្តាផ្នែកខ្លះនៃបណ្តាខេត្តនិងរាជធានីអាចមានភ្លៀងធ្លាក់ច្រើន ដោយអន្លើ លាយឡំទៅដោយផ្គរ រន្ទះ និងខ្យល់កន្ត្រាក់ ។ ២-បណ្តាខេត្តជាប់ជួរភ្នំដងរែក និងខ្ពង់រាបឦសាន ៖ – សីតុណ្ហភាពអប្បបរមា មានពី ២៣-២៥ °C – សីតុណ្ហភាពអតិបរមា មានពី ៣៤-៣៦ °C – នឹងអាចមានភ្លៀងក្នុងកម្រិតពីតិចទៅបង្គួរ លាយឡំទៅដោយផ្គរ […]