សៀមរាប:គ្រោះថ្នាក់ចរាចរណ៍រវាងរថយន្តម៉ាកហីយ៉ាន់ដាយបុកជាមួយម៉ូតូម៉ាកហុងដាឌ្រីមបណ្តាលឱ្យក្មេងប្រុសម្នាក់បានរងរបួសធ្ងន់ ចំណែកអ្នករួមដំណើរជាមួយបានរងរបួសស្រាល។ករណីនេះបានកើតឡើងនៅលើផ្លូវជាតិលេខ៦ចំណុចភូមិខ្នាត ឃុំខ្នាត ស្រុកពួក ខេត្តសៀមរាបកាលពីរសៀល ថ្ងៃទី២០ ខែសីហា ឆ្នាំ២០២០។ មន្ត្រីនគរបាលស្រុកពួក បានឱ្យដឹងថាៈករណីគ្រោះថ្នាក់ចរាចរណ៍នេះបង្កឡើងដោយរថយន្តម៉ាកហីយ៉ាន់ដាយពណ៌ ស ពាក់ស្លាកលេខសៀមរាប៣A១០៥១ បើកបរដោយឈ្មោះ ចាន់ ប៊ុនរិទ្ធ ភេទប្រុស អាយុ៤៨ឆ្នាំ។បើកបរដោយមិនប្រយ័ត្នបានបុកជាមួយម៉ូតូម៉ាកហុងដាC125ពណ៌ខ្មៅ សេរី២០១២ ស្លាកលេខបន្ទាយមានជ័យ1G 00៨៦បណ្តាលឱ្យអ្នកបើកបររងរបួសធ្ងន់និងអ្នកជិះជាមួយរងរបួសគួរសម។
(ខេត្ដព្រៃវែង)៖នាព្រឹកថ្ងៃអាទិត្យ ១រោច ខែចេត្រ ឆ្នាំខាល ចត្វាស័កព.ស.២៥៦៥ ត្រូវនឹងថ្ងៃទី១៧ ខែមេសា ឆ្នាំ២០២២ ឯកឧត្តម ជា សុមេធី អភិបាលខេត្ត និងលោកជំទាវ បានអញ្ជើញជាអធិបតី ក្នុងពិធីជួបសំណេះសំណាល និងឧបត្ថម្ភនូវថវិកាលើកទឹកចិត្ត ដើម្បីថ្លែងអំណរគុណជូនដល់កងកម្លាំងទាំងបី និងអង្គភាពពាក់ព័ន្ធរួមមាន: ក្រុមគ្រូពេទ្យ ក៏ដូចជាកម្លាំងកម្មករបរិស្ថានអនាម័យ ក្នុងការបំពេញភារកិច្ចនៅថ្ងៃបុណ្យចូលឆ្នាំថ្មី ព្រៃវែង ២០២២ ព្រមទាំងបានពិសារបាយសាមគ្គី នៅយប់ម្សិលមិញ ក្នុងសាលប្រជុំធំ (A) នៃសាលាខេត្តព្រៃវែងផងដែរ។ សូមជម្រាបថា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានដឹកនាំនាវាកម្ពុជាឆ្ពោះទៅរកសុខសន្តិភាពពេញផ្ទៃប្រទេស និងភាពសប្បាយរីករាយមាននៅគ្រប់ទីកន្លែង ជាពិសេសក្នុងឱកាសបុណ្យចូលឆ្នាំថ្មីប្រពៃណីជាតិខ្មែរឆ្នាំថ្មី ឆ្នាំ២០២២នេះ ខេត្តព្រៃវែងបានរៀបចំឡើងនៅព្រឹត្តិការណ៍ឆ្នាំថ្មីព្រៃវែង ដើម្បីបង្កភាពសប្បាយរីករាយជូនដល់បងប្អូនប្រជាពលរដ្ឋមកពីគ្រប់ទិសទីមកលេងកម្សាន្ត។ ឆ្លៀតក្នុងឱកាសនោះ ឯកឧត្តមអភិបាលខេត្ត បានថ្លែងនូវការកោតសសើរ និងថ្លែងអំណរគុណដល់កងកម្លាំងទាំងអស់ ក៏ដូចជាមន្ត្រីគ្រប់មន្ទីរអង្គភាពពាក់ព័ន្ធទាំងអស់ ដែលខិតខំបំពេញតួនាទីភារកិច្ចបានយ៉ាងល្អ ក្នុងការរក្សានូវសន្តិសុខសុវត្ថិភាព និងបរិស្ថានអនាម័យ ជូនដល់បងប្អូនប្រជាពលរដ្ឋមកលេងកម្សាន្តក្នុងថ្ងៃបុណ្យចូលឆ្នាំថ្មី ព្រៃវែង និងនៅតាមមូលដ្ឋានក្នុងខេត្តទាំងមូល ។ ជាចុងក្រោយ ឯកឧត្តមអភិបាលខេត្ត និងលោកជំទាវ សូមឲ្យកងកម្លាំងប្រដាប់អាវុធទាំងអស់ […]