មនុស្ស៨នាក់បានរងរបួស ក្នុងករណីគ្រោះថ្នាក់ចរាចរណ៍ នៅសង្កាត់សង្ឃ័រ ក្រុងស្វាយរៀង

August 30, 2022 adm Comment(0)

(ខេត្តស្វាយរៀង)៖ យ៉ាងហោចណាស់មានកម្មករកម្មការិនីចំនួន៨នាក់ដែរបានរងរបួសដោយសារករណីគ្រោះថ្នាក់ចរាចរណ៍រវាងរថយន្តដឹកកម្មករនិងរថយន្តTacoma បានបុកគ្នាពេញទំហឹងបង្កការភ្ញាក់ផ្អើលដល់អ្នកភូមិនិងអ្នកធ្វើដំណើរទាំងយប់។

ហេតុការណ៍នេះបានកើតឡើងនៅវេលាម៉ោង៩យប់ នៅថ្ងៃទី២៩ ខែសីហា ឆ្នាំ២០២២ លើផ្លូវជាតិលេខ១ ត្រង់ចន្លោះគីឡូម៉ែត្រលេខ១២៩-១៣០ ស្ថិតក្នុងភូមិ ថ្មី សង្កាត់សង្ឃ័រ ក្រុងស្វាយរៀង ខេត្ដស្វាយរៀង។

ប្រភពពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញមានរថយន្តដឹកកម្មករម៉ាកហុីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3D- 1104ដោយមានផ្ទុកកម្មករកម្មការិនីជាច្រើននាក់បានធ្វើដំណើរពីកើតទៅលិច ហើយក៏បានបត់ឆ្វេងខ្វះការប្រុងប្រយ័ត្នក៏ទៅបុកជាមួយរថយន្ដមួយគ្រឿងទៀតម៉ាកTacoma ពណ៌ទឹកប្រាក់ ពាក់ស្លាកលេខ ភ្នំពេញ 2AW-8591 ក្នុងទិសដៅបញ្ច្រាសគ្នាយ៉ាងពេញទំហឹងបណ្ដាលឲ្យមានមនុស្សរងបួស។

យោងតាមសមត្ថកិច្ច បានឱ្យដឹងថា កម្មករដែលរងរបួសរួមមាន៖ទី១-ឈ្មោះឥន សម្បត្តិ ភេទស្រី អាយុ៤១ ឆ្នាំ មុខរបរកម្មកររោងចក្រ រស់នៅភូមិ តារាងបាល់ សង្កាត់គយត្របែក ក្រុងស្វាយរៀង ខេត្តស្វាយរៀង

ទី២-ឈ្មោះ អន សុផល្លី ភេទស្រី អាយុ៥០ឆ្នាំ មុខរបរកម្មកររោងចក្រ រស់នៅភូមិតារាងបាល់ សង្កាត់គយត្របែក ក្រុងស្វាយរៀង ខេត្តស្វាយរៀង

ទី៣-ឈ្មោះ ខាត់ រ៉ា ភេទស្រី អាយុ៣៨ ឆ្នាំ រស់នៅភូមិបាសាក់ ឃុំ បាសាក់ ស្រុក ស្វាយជ្រំ ខេត្តស្វាយរៀង

ទី៤-ឈ្មោះកិ សុផាន់ណា ភេទប្រុស អាយុ២៨ឆ្នាំ មុខរបរកម្មកររោងចក្រ រស់នៅភូមិបាសាក់ ឃុំ បាសាក់ ស្រុក ស្វាយជ្រំ ខេត្តស្វាយរៀង

ទី៥-ឈ្មោះ លាវ ស្រី ពៅ ភេទស្រី អាយុ១៩ឆ្នាំ មុខរបរកម្មកររោងចក្រ រស់នៅភូមិ បាយាប ឃុំបាសាក់ ស្រុកស្វាយជ្រំ ខេត្ត ស្វាយរៀង

ទី៦-ឈ្មោះ ទុំ ភត្រ្តា ភេទស្រី អាយុ៤០ឆ្នាំ មុខរបរ កម្មកររោងចក្រ រស់នៅភូមិពោធិ៍រស់ ឃុំ បាសាក់ ស្រុកស្វាយជ្រំ ខេត្តស្វាយរៀង រងរបួសស្រាល

ទី៧-ឈ្មោះ សូ ឡេងសុីនិត ភេទស្រី អាយុ៣៧ឆ្នាំ មុខរបរ កម្មកររោងចក្រ រស់នៅភូមិសាលារៀន ឃុំ បាសាក់ ស្រុកស្វាយជ្រំ ខេត្តស្វាយរៀង

និងទី៨-ឈ្មោះ ម៉ុក សំណាង ភេទស្រី អាយុ២០ឆ្នាំ មុខរបរ កម្មកររោងចក្រ រស់នៅភូមិសាលារៀន ឃុំ បាសាក់ ស្រុកស្វាយជ្រំ ខេត្តស្វាយរៀង ។

ចំណែកអ្នកបើករថយន្តដឹកកម្មករបង្កហេតុមិនត្រូវបានស្គាល់ឈ្មោះនោះទេក្រោយឃើញសភាពការណ៍មិនស្រួលបានរត់គេចខ្លួនបាត់ បន្សល់តែរថយន្ដម៉ាកហុីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3D-1104ខូចខាតទាំងស្រុង។

ចំពោះភាគីរថយន្តម្ខាងទៀតមានឈ្មោះ SHU GUOQIANG ភេទ ប្រុស អាយុ៤៩ឆ្នាំ មុខរបរបើកបរ ជនជាតិចិន បើកបររថយន្ដពាក់ស្លាកលេខ ភ្នំពេញ 2AW-8591រស់នៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង មិនមានរងរបួសនោះទេ។

ក្រោយពីរកើតហេតុសមត្ថកិច្ចបានធ្វើការវាស់វែងមធ្យោបាយធ្វើដំណើរទាំង២គ្រឿងទៅរក្សាទុកនៅការិយាល័យចរាចរណ៍ខេត្តស្វាយរៀង ដើម្បីដោះស្រាយបន្តតាមច្បាប់ ។

ចំណែកឯមកអ្នករងរបួសត្រូវបានសមត្ថដឹកយកទៅព្យាបាលនៅមន្ទីរពេទ្យបង្អែកខេត្តស្វាយរៀង ៕

adm

ព័ត៌មានសន្តិសុខសង្គម

ស្លាប់៥នាក់ របួសធ្ងន់៦នាក់ ក្នុងហេតុការណ៍គ្រោះថ្នាក់ចរាចរ រថយន្តបុកគ្នានៅសង្កាត់បឹងទូក ក្រុងបូកគោ ខេត្តកំពត

December 4, 2021 adm

(ខេត្តកំពត)៖ យ៉ាងហោចណាស់ក៏មានមនុស្ស៥នាក់បានស្លាប់បាត់បង់ជីវិត និង៦នាក់ទៀតរងរបួសធ្ងន់ ដោយសារហេតុការណ៍គ្រោះថ្នាក់ចរាចរដ៏រន្ធត់មួយ ខណៈរថយន្តដឹកដែកបែកកង់មុខ ហើយរេចង្កូតទៅបុករថយន្តសាមយ៉ុងដឹកអ្នកដំណើរ ក្នុងទិសដៅផ្ទុយគ្នា។ ហេតុការណ៍នេះបានកើតឡើងនៅវេលាម៉ោង១០និង៣០នាទីព្រឹក ថ្ងៃទី០៤ ខែធ្នូ ឆ្នាំ២០២១ ត្រង់ចំណុចភូមិបឹងទូក សង្កាត់បឹងទូក ក្រុងបូកគោ ខេត្តកំពត លើកំណាត់ផ្លូវជាតិលេខ៣ កំពត-ព្រះសីហនុ។ យោងតាមប្រភពព័ត៌មានដែលទទួលបានពីសមត្ថកិច្ចបានឱ្យដឹងថា កាលពីវេលាម៉ោង១០និង៣០នាទីព្រឹក ថ្ងៃទី០៤ ខែធ្នូ ឆ្នាំ២០២១ មានករណីគ្រោះថ្នាក់ចរាចរដ៏រន្ធត់មួយកើតឡើង ដែលបង្កឡើងដោយរថយន្តដឹកដែក ពាក់ស្លាកលេខ ព្រះសីហនុ 3A-8518 បើកបរមកពីលិចទៅកើត លុះមកដល់ចំណុចកើតហេតុរថយន្តនោះក៏បែកកង់មុខផ្នែកខាងឆ្វេងហើយរេចង្កូតទៅផ្នែកខាងស្តាំ ទើបជ្រុលទៅបុកជាមួយរថយន្តសាមយ៉ុងដឹកអ្នកដំណើរដែលធ្វើដំណើរមកពីកើតទៅលិចក្នុងទិសដៅផ្ទុយគ្នា បណ្តាលឱ្យមានអ្នកស្លាប់នៅកន្លែងកើតហេតុ៤នាក់ និងរបួសធ្ងន់ចំនួន៧នាក់។ ប្រភពបានបញ្ជាក់ផងដែរថា ក្រោយពីកើតហេតុភ្លាមៗសមត្ថកិច្ចបានចុះមកអន្តរាគមន៍ ដោយឃាត់ខ្លួនអ្នកបើកបររថយន្តបង្កទៅកាន់អធិការដ្ឋាននគរបាលក្រុងបូកគោដើម្បីសួរនាំ និងបានដឹកបញ្ជូនអ្នករងរបួសទាំង៧នាក់ទៅសង្គ្រោះនៅមន្ទីរពេទ្យ ប៉ុន្តែក្នុងចំណោមនោះដោយសារស្ថានភាពរបួសធ្ងន់ធ្ងរ ក៏មានជនរងគ្រោះម្នាក់ទៀតបានស្លាប់ពេលដឹកមកដល់មន្ទីរពេទ្យ ដែលតួលេខអ្នកស្លាប់មានចំនួន៥នាក់ហើយ និងអ្នករបួសធ្ងន់មានត្រឹមតែ៦នាក់ ហើយក្នុងករណីនេះ សមត្ថកិច្ចកំពង់ស្រាវជ្រាវរកអត្តសញ្ញាណជនរងគ្រោះផងដែរ។ ក្រោយពីវាស់វែង សមត្ថកិច្ចបាននាំយកមធ្យោបាយពាក់ព័ន្ធទៅរក្សាទុកនៅអធិការដ្ឋានក្រុងបូកគោ។ រីឯសាកសពជនរងគ្រោះត្រូវបានសមត្ថកិច្ចដឹកយកទៅតម្កល់ទុកនៅវត្តរលួស ក្នុងសង្កាត់បឹងទូក ដើម្បីរង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី៕ដោយ៖លោក សេង ណារិទ្ធ

ព័ត៌មានសន្តិសុខសង្គម

ពលរដ្ឋថា ក្រុមហ៑ុន សុខ គន្ធា សាងសង់ផ្លូវបេតុងអាមេ មិនត្រឹមត្រូវតាមស្តង់ដានិងខុសលក្ខណៈបច្ចេកទេស នៅសង្កាត់ច្រកម្ទេស ក្រុងបាវិត

August 15, 2023 adm

ខេត្ដស្វាយរៀង៖ ប្រជាពលរដ្ឋរស់នៅភូមិកំពោតប្រស់ សង្កាត់ច្រកម្ទេស ក្រុងបាវិត ខេត្ដស្វាយរៀង បានប្រាប់មកអង្គភាពសារព័ត៌មានយើងថា ក្រុមហ៑ុន សុខ គន្ធាដែលបានទទួលម៉ៅការ សាងសង់ផ្លូវបេតុងអាមេស្ថិតក្នុងកំពោតប្រស់ សង្កាត់ច្រកម្ទេស ក្រុងបាវិត ខេត្ដស្វាយរៀង មិនត្រឹមត្រូវតាមលក្ខណៈស្តង់ដា និងខុសបច្ចេកទេស ដោយ ដែកមិនគ្រប់លី កម្រាស់ មិនគ្រប់ទំហំ ម៉ែត្រ ចំណែកឯទំហំទទឹងផ្លូវវិញកន្លែងខ្លះគ្រប់ទំហំម៉ែត្រនិងកន្លែងខ្លះទៀតមិនគ្រប់ទំហំម៉ែត្រ ។ ពលរដ្ឋលើកជាចំឆ្ងល់ថា តើលក្ខណៈនៃការសាងសង់ផ្លូវបេតុងអាមេ ខាងបច្ចេកទេសគេតម្រូវឲ្យសាងសង់របៀបនេះ ឬយ៉ាងណា សូមអាជ្ញាធរពាក់ព័ន្ធទាំងអស់ មេត្តាជួយត្រួតពិនិត្យផង។ សូមបញ្ជាក់ផងដែរថាកិច្ចសន្យានៃការដេញថ្លៃ កែរលម្អផ្លូវដីក្រាលបេតុងអាមេ ដែលមានទទឹង ៤.៥ម៉ែត្រ និងកម្រាស់ ០.១៥ម៉ែត្រ ។ តែធាតុពិតជាក់ស្ដែងពលរដ្ឋថា ការធ្វើផ្លូវបេតុងអាមេនេះគឺមិនបានគ្រប់ទំហំទៅតាមកិច្ចសន្យាដែលដាក់ដេញថ្លៃតាមគម្រោងនោះទេ។ គម្រោងដាក់ដេញថ្លៃកែរលម្អផ្លូវដីក្រាលមេតុងអាមេប្រវែងសរុប៨០០ម៉ែត្រ ដែលមានទទឹង៤.៥ម៉ែត្រ កម្រាស់០.១៥ម៉ែត្រ ក្នុងការដាក់ដេញថ្លៃ មានក្រុមហ៊ុនចំនួន៦ក្រុមហ៊ុន បានចូលដាក់ដេញថ្លៃ ហើយការចូលដាក់ដេញថ្លៃនោះ គឺបានដេញបញ្ចុះតម្លៃទាប ដោយគម្រោងប៉ាន់ស្មាន មានតម្លៃ ៤២៩,៤១២, ៦៧០ រៀល ( បួនរយម្ភៃប្រាំបួនលាន បួនរយដប់ពីរពាន់ ប្រាំមួយរយចិតសិបរៀលគត់) ហើយតម្លៃដែលដេញថ្លៃបាន […]