ព័ត៌មានជាតិ

អបអរសាទរ៖លោក ហេង វុទ្ធី ស្នងការខេត្តកំពង់ចាម ត្រូវព្រះមហាក្សត្រ ត្រាស់បង្គាប់ដំឡើងឋានន្ដរស័ក្ដិ ជាឧត្តមសេនីយ៍ទោ!

(ភ្នំពេញ)៖ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា នៅថ្ងៃទី១១.០១.២០២៤។ បានចេញព្រះរាជក្រឹត្យ ត្រាស់បង្គាប់ដំឡើងឋានន្ដរស័ក្ដិ ថ្នាក់ឧត្តមសេនីយ៍ទោ ដល់លោកឧត្តមសេនីយ៍ត្រី ហេង វុទ្ធី ស្នងការ នៃស្នងការដ្ឋាននគរបាលខេត្តកំពង់ចាម៕

ព័ត៌មានជាតិ

សម្តេចធិបតី ហ៊ុន ម៉ាណែត និងលោកជំទាវបណ្ឌិត ដឹកនាំគណៈប្រតិភូអញ្ជើញដល់ប្រទេសបារាំង

(ប៉ារីស, ស្វីស)៖ នៅវេលាម៉ោងប្រមាណជា៨យប់ថ្ងៃទី១៧ ខែមករា ឆ្នាំ២០២៤ ម៉ោងនៅប្រទេសបារាំង ត្រូវនឹងម៉ោង២ទៀបភ្លឺថ្ងៃទី១៨ ខែមករា ម៉ោងនៅកម្ពុជា សម្តេចមហាបវរធិបតី ហ៊ុន ម៉ាណែត នាយក​រដ្ឋ​មន្ត្រី​កម្ពុជា និងលោកជំទាវបណ្ឌិត ពេជ ចន្ទមុនី ហ៊ុនម៉ាណែត បានដឹកនាំគណៈប្រតិភូ​អញ្ជើញដល់ទី​ក្រុង​ប៉ារីស ប្រទេសបារាំង ប្រកបដោយសុខសុវត្ថិភាព។ ដំណើរអញ្ជើញដល់ព្រលានយន្តហោះក្នុងទីក្រុងប៉ារីស ប្រទេសបារាំង សម្តេចធិបតី និងលោកជំទាវ​បណ្ឌិត ទទួលបានការស្វាគមន៍ និងបដិសណ្ឋារកិច្ចយ៉ាងកក់ក្តៅពីសំណាក់​ លោក Paul FURIA អនុប្រធានពិធីការរដ្ឋ ទទួលបន្ទុកការងារពិធីការរបស់បារាំង​ ព្រមទាំងឯកអគ្គរាជទូតកម្ពុជាប្រចាំប្រទេស​បារាំង។ សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការរយៈពេលពីរថ្ងៃនៅប្រទេសបារាំង តបតាម​ការ​អញ្ជើញរបស់លោក អេម៉ានូអែល ម៉ាក្រុង ប្រធានាធិបតីបារាំង។ ក្នុងដំណើរបំពេញទស្សនកិច្ចជាផ្លូវការនេះ សម្ដេចធិបតី នឹងត្រូវទទួលស្វាគមន៍ និងមានកិច្ច​សន្ទនា​ផ្លូវការ​ជាមួយលោកប្រធានាធិបតី ម៉ាក្រុង នៅវិមានអេលីហ្សេ។ ជំនួបកំពូលនេះ ផ្ដល់ឱកាស​ដ៏ប្រសើរ​សម្រាប់​រដ្ឋាភិបាល នៃប្រទេសទាំងពីរ​បញ្ជាក់​ជា​ថ្មីនូវ​ការប្ដេជ្ញាចិត្តរួមក្នុងការលើកកម្ពស់​ទំនាក់​ទំនងជាប្រពៃណី​នៃមិត្តភាព​ដ៏ស្និទ្ធស្នាល និងល្អប្រសើរ​ឱ្យឈានដល់កម្រិតថ្មី ដាក់ចេញផែនការ​សកម្ម​ភាព​ដើម្បីពង្រឹង និងពង្រីកកិច្ចសហប្រតិបត្តិការដែល​ផ្តល់​ប្រយោជន៍ទៅវិញទៅមក ក្នុងក្របខ័ណ្ឌទ្វេភាគី និងពហុភាគី ព្រមទាំងរួមគ្នាដោះស្រាយ​បញ្ហាប្រឈម​សកល […]

ព័ត៌មានជាតិ

សម្តេចធិបតី ហ៊ុន ម៉ាណែត បញ្ចប់ការងារនៅប្រទេសស្វីស បន្តដំណើរទៅប្រទេសបារាំង

(ដាវ៉ូស, ស្វីស)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុនី ហ៊ុនម៉ាណែត ព្រមទាំងគណៈប្រតិភូ បានបញ្ចប់ការងារនៅក្នុងប្រទេសស្វីសហើយនៅល្ងាចថ្ងៃពុធ ទី១៧ ខែមករា ឆ្នាំ២០២៤ ម៉ោងនៅប្រទេសស្វីស ត្រូវនឹងម៉ោងប្រមាណជា១២យប់ម៉ោងថ្ងៃទី១៧ ខែមករា ម៉ោងនៅកម្ពុជា។ បន្ទាប់ពីបញ្ចប់ការងារនៅប្រទេសស្វីស សម្តេចធិបតី ហ៊ុន ម៉ាណែត និងលោកជំទាវបណ្ឌិត បានដឹកនាំ​គណៈប្រតិភូធ្វើដំណើរបន្តទៅកាន់ទីក្រុងប៉ារីស ប្រទេសបារាំង ដើម្បីបំពេញទស្សនកិច្ចជាផ្លូវការ តបតាម​ការ​អញ្ជើញរបស់លោក អេម៉ានុយអែល ម៉ាក្រុង ប្រធានាធិបតីបារាំង។ សូមបញ្ជាក់ថា សម្តេចធិបតី ហ៊ុន ម៉ាណែត និងលោកជំទាវបណ្ឌិត បានអញ្ជើញបំពេញការងារនៅប្រទេស​ស្វីសរយៈពេលពីរថ្ងៃ គឺថ្ងៃទី១៦ និង១៧ ខែមករា។ ការងារស្នូលនៅក្នុងប្រទេសស្វីស គឺការអញ្ជើញ​ចូល​រួម​កិច្ចប្រជុំប្រចាំឆ្នាំនៃវេទិកាសេដ្ឋកិច្ចពិភពលោក។ ក្រៅពីការអញ្ជើញចូលរួមកិច្ចប្រជុំនៃវេទិកាសេដ្ឋកិច្ចពិភពលោកហើយនោះ សម្តេចធិបតី បានឆ្លៀត​ជួប​ជា​មួយនាយករដ្ឋមន្ត្រីថៃ វៀតណាម មេដឹកនាំអង្គការអន្តរជាតិនានា មេដឹកនាំអង្គការដៃគូអភិវឌ្ឍន៍ ព្រមទាំង​មេដឹកនាំ​ក្រុមហ៊ុននានា សរុបដល់ទៅជាង២០កម្មវិធី៕

ព័ត៌មានរាយការណ៍ ព័ត៌មានសន្តិសុខសង្គម

រថយន្តសាំយ៉ុង មួយគ្រឿងដឹកឈើឆ្ពិនភ្នែកដាក់ទ្វារពីលើបង្កប់ឈើសន្លឹកនៅខាងក្រោមចេញពីទឹកដីខេត្តក្រចេះឆ្លង កាត់ខេត្តត្បូងឃ្មុំត្រូវបានកម្លាំងសមត្ថកិច្ចចម្រុះខេត្តត្បូងឃ្មុំបង្ក្រាបបាន!

ខេត្តត្បូងឃ្មុំ,÷ឈ្មួញឈើឈ្មោះ ចែ អូន ដែលគេស្គាល់ថាជាមេឈ្មួញជើងខ្លាំងដ៏ល្បីរកស៊ីដឹកឈើដ៏ធំ ហើយសកម្មបំផុតខាងប្រមូលទិញឈើខុសច្បាប់ដឹកចេញពីតំបន់ភ្នំខៀវ ព្រំប្រទល់ខេត្តក្រចេះ និងខេត្តស្ទឹងត្រែង ដឹកជញ្ជូនយកមកចែកចាយនៅខេត្តត្បូងឃ្មុំ និង ខេត្តព្រៃវែងនៅពេលនេះត្រូវជាប់អន្ទាក់ សមត្ថកិច្ចចម្រុះខេត្តត្បូងឃ្មុំបានសម្រេចហើយ កាលពីរសៀលថ្ងៃទី ១៣ ខែ មករា ឆ្នាំ ២០២៤កន្លងទៅនេះ ។ លោក វរសេនីយ៍ត្រី ឡុង នាង មេបញ្ជាការកងរាជអាវុធហត្ថស្រុកត្បូងឃ្មុំ បានដឹកនាំកម្លាំងចុះបង្ក្រាបបានរថយន្តសាំយ៉ុងពណ៌ទឹកប្រាក់ ពាក់ស្លាកលេខ ភ្នំពេញ 2 AB ១៩៣២ មួយគ្រឿងស្ថិតក្នុងភូមិស្ទឹងអង្កាញ់ ឃុំ ព្រះធាតុ ស្រុកអូររាំងឪ ខេត្តត្បូងឃ្មុំ ។ ហើយក្នុងការបង្ក្រាបរថយន្តដឹកបទល្មើសឈើអារប្រភេទទ្វារដាក់ពីលើហើយបង្កប់ឈើសន្លឹកនៅខាងក្រោមដោយគ្មានលិខិតអនុញ្ញាតខាងលើនេះ ត្រូវបានលោក ឡុង នាង ដឹកនាំកម្លាំងចុះបង្កាប ក៏បានបញ្ជាដោយផ្ទាល់ពី លោក ឧត្តមសេនីយ៍ត្រី រត័្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ ផងដែរ ។ លោកបន្តថា ម្ចាស់រថយន្ត ឈ្មោះ ចែ អូននឹងអ្នកបើកបរម្នាក់ ព្រមទាំងព្រូរ រថយន្តចំនួនបីនាក់ទៀតបានលើកឈើទម្លាក់នៅក្នុងផ្ទះប្រជាពលរដ្ឋពាសពេញដីតែម្ដង […]

ព័ត៌មានជាតិ

កិច្ចប្រជុំផ្សព្វផ្សាយ​ សារាចរណ៍ណែនាំលេខ​ ០១៣​ សហវ.ស.រអថ​ ស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤

(ខេត្តព្រៃវែង)៖ នៅថ្ងៃទី១៥ ខែមករា ឆ្នាំ២០២៤ នៅមន្ទីរសេដ្ឋកិច្ច និងហិរញ្ញវត្ថុខេត្តព្រៃវែងបានរៀបចំកិច្ចប្រជុំផ្សព្វផ្សាយ​ សារាចរណ៍ណែនាំលេខ​ ០១៣​ សហវ.ស.រអថ​ ស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤ ដែលពិធីនេះមានការអញ្ជើញចូលរួម លោក កែវ ធា តំណាងក្រសួងសេដ្ឋកិច្ច និងហិរញ្ញវត្ថុ លោក ទួន សុគន្ធ ប្រធានមន្ទីរសេដ្ឋកិច្ច និងហិរញ្ញវត្ថុខេត្ត និងលោក ស៊ុន ចំណាន ប្រធានរតនាគារខេត្តព្រៃវែង ព្រមទាំងមានការអញ្ជើញចូលរួមប្រធានមន្ទីរ ប្រធានរជ្ជទេយ្យករបុរេប្រទាន រជ្ជទេយ្យករចំណូល នានាជុំវិញខេត្ត។ លោក ទួន សុគន្ធ ប្រធានមន្ទីរសេដ្ឋកិច្ច និងហិរញ្ញវត្ថុខេត្ត បានបង្ហាញនូវគោលការណ៍សំខាន់ៗដើម្បីឲ្យការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤ មានដំណើរការប្រកបដោយប្រសិទ្ធភាព និងសម្រេចបានតាមគោលដៅក្រសួងសេដ្ឋកិច្ច និងហិរញ្ញវត្ថុ ថវិកាឆ្នាំ ២០២៤។ លោក ទួន សុគន្ធ បន្តថា សារាចរណ៍ណែនាំលេខ​ ០១៣​ សហវ.ស.រអថ​ ស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤ នេះគឺមានគោលបំណងដើម្បីផ្សព្វផ្សាយដល់មន្ទីរនានាជុំវិញខេត្ត ទាំងអស់ដើម្បីអនុវត្តនូវសារាចរណ៍អំពីគោលការណ៍ណែនាំ របស់ក្រសួង ក៍ដូចជារបស់រាជរដ្ឋាភិបាលដែលបានដាក់ចេញមកនេះធ្វើយ៉ាងណាដើម្បីឲ្យការអនុវត្តនៅចរាចរណ៍ទាំងអស់នេះទទួលបានប្រសិទ្ធភាព និងទទូលបានជោគជ័យស្របតាមយុទ្ធសាស្ត្ររបស់រាជរដ្ឋាភិបាលដែលបានដាក់ចេញមកនេះ។ លោក ប្រធានមន្ទីរ […]

ព័ត៌មានជាតិ

សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តព្រៃវែង បានអញ្ជើញជាអធិបតីក្នុងពិធីបង្ហាញមុខបេក្ខជនសមាជិកព្រឹទ្ធសភា នីតិកាលទី៥ ភូមិភាគទី៦ និងសំណេះសំណាលជាមួយអង្គបោះឆ្នោតជាសមាជិកក្រុមប្រឹក្សាឃុំ សង្កាត់ មកពីគណបក្សប្រជាជនកម្ពុជា ទូទាំងខេត្តព្រៃវែង

(ខេត្តព្រៃវែង)៖នាព្រឹកថ្ងៃអាទិត្យ ៤កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែមករា ឆ្នាំ២០២៤ សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តព្រៃវែង បានអញ្ជើញជាអធិបតីក្នុងពិធីបង្ហាញមុខបេក្ខជនសមាជិកព្រឹទ្ធសភា នីតិកាលទី៥ ភូមិភាគទី៦ និងសំណេះសំណាលជាមួយអង្គបោះឆ្នោតជាសមាជិកក្រុមប្រឹក្សាឃុំ សង្កាត់ មកពីគណបក្សប្រជាជនកម្ពុជា ទូទាំងខេត្តព្រៃវែង។ ក្នុងពិធីនេះដែរក៏មានការអញ្ជើញចូលរួមពី ឯកឧត្តម លោកជំទាវ បេក្ខជនសមាជិកព្រឹទ្ធសភា នីតិកាលទី៥ ក្នុងភូមិភាគទី៦ របស់គណបក្សប្រជាជនកម្ពុជា ឯកឧត្តម លោកជំទាវ ថ្នាក់ដឹកនាំក្រុមការងារគណបក្សចុះមូលដ្ឋានខេត្តព្រៃវែង ឯកឧត្តមប្រធាន អនុប្រធាន សមាជិក គណៈអចិន្ត្រៃយ៍គណបក្សខេត្ត ថ្នាក់ដឹកនាំគណបក្សក្រុង ស្រុក ឃុំ សង្កាត់ សមាជិក សមាជិកា។ ឯកឧត្តម ស្បោង សារ៉ាត ប្រធានគណៈកម្មាធិការគណបក្សខេត្ត បានអាននូវសេចក្តីសម្រេចស្តីពីការចាត់តាំងក្រុមបេក្ខជនឈរឈ្មោះបោះឆ្នោតជ្រើសតាំងសមាជិក ព្រឹទ្ធសភា នីតិកាលទី៥ ឆ្នាំ២០២៤ របស់គណបក្សប្រជាជនកម្ពុជា បញ្ជីផ្លូវការបេក្ខជនឈរឈ្មោះបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ របស់គណបក្សប្រជាជនកម្ពុជា ភូមិភាគទី៦ […]

ព័ត៌មានសន្តិសុខសង្គម

ឯកឧត្តម កើត រិទ្ធ ៖ តុលាការត្រូវប្រកាន់ភ្ជាប់នូវការដោះស្រាយរឿងក្តីឲ្យលឿន កុំធ្វើសកម្មភាពត្រីងៀតឆ្លៀតពង!

ភ្នំពេញ ៖ រដ្ឋមន្ត្រីក្រសួងយុត្តិធម៌ បានថ្លែងនារសៀលថ្ងៃទី ០៩ ខែមករា ឆ្នាំ ២០២៤ នេះថា ចាប់ពេលនេះតទៅ ចៅក្រមនៅសាលាជម្រះក្តីគ្រប់ជាន់ថ្នាក់ ត្រូវតែប្រកាន់ភ្ជាប់នូវការដោះស្រាយឲ្យបានឆាប់រហ័ស យុត្តិធម៌ ត្រឹមត្រូវ ដោយផ្អែកតាមច្បាប់ ជៀសវាងការធ្វើសកម្មភាពរបៀបត្រីងៀតឆ្លៀតពង។ ថ្លែងក្នុងសន្នីសីទសារព័ត៌មាននារសៀលថ្ងៃទី៩ ខែមករាឆ្នាំ២០២៤ នៅទីស្តីការក្រសួង ឯកឧត្តមកើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានគូសបញ្ជាក់ថា «ការដាក់ចេញនូវយុទ្ធនាការនិងពន្លឿនការដោះស្រាយរឿងក្តីតាមតុលាការ និងយុទ្ធនាការត្រួតពិនិត្យនិងដោះស្រាយភាពមិនប្រក្រតីនៅតាមតុលាការនេះ ដើម្បីកម្ពស់ការផ្តល់សេវាយុត្តិធម៌ឲ្យបានឆាប់រហ័ស និងក៏ជាការក្រើនរំលឹកមួយដល់មន្ត្រីតុលាការថា ការជំរុញនិងការពន្លឿងដោះស្រាយឲ្យបានឆាប់រហ័សគឺជារឿងត្រូវអនុវត្តជាប្រចាំ»។ ឯកឧត្តមឧបនាយករដ្ឋមន្ត្រីបន្តថា បើមានយុត្តិធម៌មួយដែលគេទន្ទឹងរងចាំយូរពេក វាជារឿងអយុត្តិធម៌ទៅហើយ នេះមិនទាន់គិតដល់គុណភាពនៃការសម្រេចសេចក្តីផង។ ដូច្នេះ ទោះបីជាយើងមិនទាន់ឃើញមានការកកស្ទះសំណុំរឿងនៅតាមតុលាការដូចពេលមុនក្តី ប៉ុន្តែក៏កត់សម្គាល់ថា សំណុំរឿងនៅតាមតុលាការពីមួយថ្ងៃទៅមួយថ្ងៃមានការកើនឡើងជាលំបាប់។ ជាមួយគ្នានោះដែរឯកឧត្តមរដ្ឋមន្ត្រីបានគូសបញ្ជាក់ថា «ការខិតខំដោះស្រាយសំណុំរឿងឲ្យបានឆាប់រហ័ស វាជាកិច្ចការដែលមន្ត្រីតុលាការគ្រប់រូបត្រូវអនុវត្តជាប្រចាំនិងគ្រប់ពេលវលាទាំងអស់គ្នា។ យើងសង្ឃឹមថាការដាក់ចេញយុទ្ធនាការនេះនឹងដោះស្រាយនូវរាល់រឿងក្តីផ្សេងៗ ពិសេសនោះសំណុំរឿងរដ្ឋប្បវេណី»។ ឯកឧត្តម កើត រិទ្ធ បានគូសបញ្ជាក់ថា «ការដាក់ចេញយុទ្ធនាគារនេះ គឺត្រូវផ្អែកលើមូលដ្ឋាននូវយុត្តិធម៌ សុចរិតភាព ភាពត្រឹមត្រូវ ដោយត្រូវធានាឲ្យបានជាដាច់ខាតនូវភាពលឿន ត្រឹមត្រូវយុត្តិ ធម៌ដោយផ្អែកលើច្បាប់ដោយមិនត្រូវឲ្យមានដាច់ខាតនូវសកម្មភាពត្រីងៀតឆ្លៀតពងតាមរយៈការប្រើយុទ្ធនាការនេះ»។ ឯកឧត្តមបានលើកឡើងទៀតថាយុទ្ធនាការដែលចាក់ចេញថ្ងៃនេះទី១. ដើម្បីជួយរក […]

ព័ត៌មានជាតិ

សិស្សគេចសាលាចំនួន ២៣នាក់ ត្រូវបានកម្លាំងនគរបាលស្រុកស្វាយអន្ទរ ហៅមកអប់រំ និងធ្វើកិច្ចសន្យា!

ខេត្តព្រៃវែង៖ នៅព្រឹកថ្ងៃទី ០៦ ខែ មករា ឆ្នាំ  ២០២៤ កម្លាំងអន្តរាគមន៍ នៃអធិការដា្ឋននគរបាលស្រុកស្វាយអន្ទរ បានចុះល្បាតចល័ត ត្រួតពិនិត្យទីតាំងដែលមានសិស្សគេចសាលា ចំនួន ៣ទីតាំង នៅក្នុងភូមិសាស្ត្រឃុំស្វាយអន្ទរ ស្រុកស្វាយអន្ទរ ខេត្តព្រៃវែង ជាលទ្ធផល កម្លាំងនគរបាលបានឃាត់ខ្លួនក្មេងទំនើងដែលស្លៀកពាក់ឯកសណ្ឋានជាសិស្សហើយបានគេចសាលាមិនព្រមចូលរៀនបានចំនួន ២៣នាក់ ដើម្បីយកមកអប់រំណែនាំ និងធ្វើកិច្ចសន្យា ដោយមាន ការធានាពីអាណាព្យាបាល ។ ជាមួយគ្នានោះដែរ  ក៏មានការអញ្ជើញចូលរួមសហការពីលោកគ្រូនាយកសាលា និងអាណាព្យាបាលសិស្សជាច្រើនរូបផងដែរ ៕ PREY VENG POLICE | Facebook

ព័ត៌មានជាតិ

មន្ត្រីនគរបាល១២រូបន្ថែមទៀតត្រូវបានបណ្តេញចេញពីក្របខណ្ឌបន្ទាប់ពីរកឃើញមានផ្ទុកសារធាតុញៀន!

ភ្នំពេញ៖ មន្រ្តីនគរបាលជាតិចំនួន ១២រូប បន្ថែមទៀត ត្រូវបានបណ្តេញចេញ និងលុបក្របខណ្ឌ បន្ទាប់ធ្វើតេស្តមានសារធាតុញៀន។ នេះបើយោងតាមការឱ្យដឹងពី លោក ទូច សុខៈ អ្នកនាំពាក្យរងក្រសួងមហាផ្ទៃ នៅព្រឹកថ្ងៃទី៥ ខែមករា ឆ្នាំ២០២៤។ លោក ទូច សុខៈ បានបញ្ជាក់ថា មន្ត្រីនគរបាលជាតិទាំង១២រូបនេះ ត្រូវបាន លោក ស ថេត អគ្គស្នងការនគរបាលជាតិ ស្នើសុំឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីអនុវត្តវិន័យកងកម្លាំងនគរបាលជាតិលេខ០០៦ ដើម្បីធ្វើការបណ្តេញចេញ។ ជាការឆ្លើយតប បន្ទាន់របស់ លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញប្រកាសបណ្តេញចេញជាបន្ទាន់នៅដើមសប្តាហ៍ទី១ ដើមខែមករាឆ្នាំ២០២៤ ដោយអនុវត្តតាមអនុសាសន៍របស់សម្តេចធិបតី ហ៊ុន ម៉ាណែត នាយករដ្ឋមន្ត្រី ក្នុងករណីណាដែលកងកម្លាំងនគរបាលជាតិរកឃើញ ឬពាក់ព័ន្ធនឹងសារធាតុញៀន ត្រូវបណ្តេញចេញពីក្របខណ្ឌជាដាច់ខាត។ លោក ទូច សុខៈ បានឱ្យដឹងទៀតថា សម្រាប់កងកម្លាំងនគរបាលជាតិចំណុះឱ្យបណ្តាអង្គភាពផ្សេងៗ នៃក្រសួងមហាផ្ទៃ នៅតែបន្តធ្វើយុទ្ធនាការនេះជាតំណាក់កាល។ លទ្ធផលសបញ្ជាក់ថា ចំនួនដែលរកឃើញថា មានសារធាតុញៀនក្នុងចំណោមកងកម្លាំងនគរបាលជាតិធៀបនឹងចំនួនកងកម្លាំងសរុបទាំងអស់ […]

ព័ត៌មានជាតិ ព័ត៌មានរាយការណ៍

សេចក្តីបកស្រាយបំភ្លឺ និងបដិសេធព័ត៌មាន របស់អ្នកនាំពាក្យ នៃស្នងការដ្ឋាននគរបាលខេត្តកណ្តាល !

សេចក្តីបកស្រាយបំភ្លឺ និងបដិសេធព័ត៌មាន របស់អ្នកនាំពាក្យ នៃស្នងការដ្ឋាននគរបាលខេត្តកណ្តាល បន្ទាប់ពីបានឃើញផេកហ្វេសប៊ុកមួយមានឈ្មោះ ហង្ស សំណាង Hang Samnang  កាលពីថ្ងៃទី០១ ខែមករា ឆ្នាំ២០២៤ បានចុះផ្សាយព័ត៌មានមិនពិត លើបណ្តាញសង្គមហ្វេសប៊ុកមានរយៈពេល ៧:៤៣វិនាទី ៖ -ត្រង់ចំណុចនាទី ២:២៤នាទី បាននិយាយថា កាស៊ីណូមិនអនុញ្ញាតឲ្យពលរដ្ឋខ្មែរចូលលេងទេ តែមានម៉ូតូជាផ្លាកលេខកម្ពុជាចូលក្នុងបរិវេណកាស៊ីណូទៅវិញ (សូមជម្រាបថា ចំពោះម៉ូតូដែលមានផ្លាកលេខកម្ពុជានោះ គឺជាប្រជាពលរដ្ឋខ្មែរ ជាបុគ្គលិកបម្រើការងារនៅទីនោះតែប៉ុណ្ណោះ)។ -ត្រង់ចំណុចនាទី ៣:៣៥នាទី បាននិយាយថា មានសមត្ថកិច្ចទៅរត់ម៉ូតូឌុបនៅចំណុចបរិវេណកាស៊ីណូ ខាងលើនោះ (គឺជាការលើកឡើងមិនពិតនោះទេ)។ -ត្រង់ចំណុចនាទី ៤:២៥វិនាទី បាននិយាយថា ចំពោះអាជ្ញាធរវៀតណាម មកដាក់កៅអីហូតកាតជាមួយសមត្ថកិច្ចកម្ពុជាជាមួយគ្នា (គឺមិនពិតនោះទេ គឹជាកាបរិហារកេរ្តិ៍ និងប្រមាថដល់សមត្ថកិច្ចដែលកំពុងធ្វើការរាល់ថ្ងៃពាក់ព័ន្ធនឹងជនអន្តោរប្រវេសន៍ឆែកប៉ាស្ព័រប្រជាពលរដ្ឋវៀតណាម ដែលចូលធ្វើការនៅស្រុកខ្មែរ និងទំនាក់ទំនងរវាងប្រជាជននិងប្រជាជនក្នុងតំបន់ខាងលើ ចំពោះការបរិយាយដោយគ្មានការអំណះអំណាងដោយយកតែផ្នែកភាគីម្ខាងផ្ញើតាម voice សម្លេង ដែលតួនាទីជាអ្នកសារព័ត៌មានយកតែប្រភពតែម្ខាង គឺជាលក្ខណៈមួយមិនពេញលក្ខណៈអ្នកសារព័ត៌មាន មិនបានតេសម្ភាសន៍មកអ្នកនាំពាក្យ នៃស្នងការដ្ឋាននគរបាលខេត្ត។ ស្នងការដ្ឋាននគរបាលកណ្តាល សូមធ្វើការបកស្រាយបំភ្លឺ និងបដិសេធចំពោះការចុះផ្សាយព័ត៌មានមិនពិតរបស់ផេកខាងលើ ដែលមានគោលបំណងអាក្រក់ បំពុលបរិយាកាសសង្គម ដែលធ្វើឲ្យប្រជាពលរដ្ឋមានការយល់ច្រឡំ ចំពោះព័ត៌មានខាងលើ […]