ខេត្តបាត់ដំបង ៖នៅរសៀលថ្ងៃទី ៣០ខែ មីនា ឆ្នាំ ២០២១ មានករណីគ្រោះថ្នាក់ចរាចរណ៍មួយបានកើតឡើង មានរថយន្ត ដឹកអង្ករ ១ គ្រឿង បានបើកចុះពីលើភ្នំព្រឹក មកក្រោម មកដល់ពាក់ កណ្ដាលភ្នំ រថយន្តកូរ៉េចង្កូត ក្រឡាប់ បណ្ដាលឱ្យមនុស្សស្លាប់ចំនួន៤នាក់ គ្រោះថ្នាក់ចរាចរណ៍កើតឡើង នៅចំណុច ភូមិខ្នល់បត់ឃុំអូររំដួល ស្រុកភ្នំព្រឹក ខេត្តបាត់ដំបង។
គ្រោះថ្នាក់ចរាចរណ៍នេះ កើតឡើងនៅវេលាម៉ោង ១៤និង ០៥នាទី រសៀលនៅលើផ្លូវជាតិ លេខ ៥៩ ស្ថិតក្នុងភូមិ ថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង។
គ្រោះថ្នាក់ចរាចរណ៍នេះ បង្កដោយខ្លួនឯង រថយន្តរងគ្រោះនេះម៉ាកហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខ ត្បូងឃ្មុំ 3A. 0409 ដឹកអង្ករចុះពីលើភ្នំព្រឹក បណ្តាលអោយក្រឡាប់ និងកិនមនុស្សស្លាប់ចំនួន៤នាក់ ក្នុងនោះអ្នកបើកបរ១ម្នាក់ និងកម្មករជិៈជាមួយ៣នាក់ សរុបចំនួន០៤នាក់។
អ្នកដែលស្លាប់នៅក្នុងកើតហេតុគ្រោះថ្នាក់ចរាចរណ៍នាពេលនេះ
១.មានឈ្មោះ សួន សុជា ភេទប្រុស អាយុ១៧ ឆ្នាំ រស់នៅភូមិ ឃ្លាំងសាំង សង្កាត់ ឬស្សីកែវ ខណ្ឌឬស្សីកែវ រាជធានីភ្នំពេញ ស្លាប់
២.ឈ្មោះ ឧត្តម អាយុប្រហែល ២៥ឆ្នាំ រស់នៅខេត្តព្រៃវែង ស្លាប់
៣.ឈ្មោះ ម៉ៅ ភេទប្រុស អាយុ៣៣ឆ្នាំ រស់នៅ ខេត្តកំពង់ស្ពឺស្លាប់
៤.ឈ្មោះ សីហា ភេទប្រុស អាយុប្រហែល២៥ឆ្នាំ ស្លាប់
សពអ្នកទាំង៤ ត្រូវបានរក្សាទុករង់ចាំ សាច់ញាតិមកទទួលផងដែរ ៕
