ខេត្តកំពង់ធំ៖ បទល្មើសព្រៃឈើត្រូវបានកក្រើកសាជាថ្មី
បន្ទាប់ពីស្ងាត់មួយដង្ហើមចង្រិត ឈ្មួញបានធ្វើសកម្មភាពដឹកជញ្ជូនឈើ ដោយខុសច្បាប់ ចេញពីស្រុករវៀង ខេត្តព្រះវិហារ ដឹកចូលមកដេប៉ូឈើ ក្នុងទឹកដីខេត្តកំពង់ធំ.ជារៀងរាល់យប់ តែមិនបានរំខានលោក នាយផ្នែករដ្ឋបាលព្រៃឈើរវៀង និងលោកនាយសង្លាត់រដ្ឋបាលព្រៃឈើភ្នំដែកនោះឡើយ។
ឈ្មួញដ៏សកម្ម ត្រូវបានគេស្គាល់ឈ្មោះលោកពិសិដ្ឋ លោកឆាត លោកធីតាកូម៉ា លោកសាន លោកប៉ែនសង លោកហុងឈ្មួញរកស៊ីឈើនិងដឹកជញ្ជូនឈើប្រណីត.ដែលបានធ្វើសកម្មភាព ដឹកជញ្ជូនតាមបណ្តោយផ្លូវជាតិលេខ៦២ ដែលលាតសន្ធឹងពីខេត្តព្រះវិហារ មកខេត្តកំពង់ធំ ធ្វើឲ្យសមត្ថកិច្ចមេព្រៃ បរិស្ថាន និងប៉ូលិសសេដ្ឋកិច្ច រួមទាំងស្ថាប័ន ក្រៅក្របខណ្ឌរដ្ឋ មួយចំនួន.ពុំហ៊ានបង្រ្កាបនោះឡើយ មិនហ៊ានបង្រ្កាប.ដោយសារតែខ្លាចបែកឆ្នាំងបាយ។
យោងតាមប្រភពព័ត៌មានច្បាស់ការណ៍ កាលពីយប់ថ្ងៃទី៤ ខែមករាឆ្នាំ២០២១ បានឲ្យដឹងថា រថយន្តដឹកឈើដោយ ខុសច្បាប់បានដឹកតាមមធ្យោបាយ រថយន្តកូរ៉េ រថយន្តសាំយ៉ុង រ៉ឺម៉កនិងកាឡេថង ក្នុងមួយយប់ចាប់ពីម៉ោង១២រហូតដល់ម៉ោង៥.៣០នាទីព្រឹក មានរថយន្ត ប្រមាណ២៥ទៅ៣០គ្រឿង បានដឹកជញ្ជូន ដោយសេរី ដោយមិនចាំបាច់ខ្លាចញញើតសូម្បីតែបន្តិច ដោយសារបានសែនអ្នកតា ម្ចាស់ទឹកម្ចាស់ដីតាមលក្ខណៈ នៃការទទួលសំំណែន។
មហាជន ក៏ដូចជាគ្រប់មជ្ឈដ្ឋាន បានសម្តែងនូវការព្រួយបារម្ភចំពោះការបាត់បង់ព្រៃឈើ ខណៈពេលព្រៃឈើមានហើយនាំគ្នាកាប់បំផ្លាញ.ឃុបឃិតគ្នាជាប្រព័ន្ឋ មិនខុសពីមន្ត្រីគ្រាប់ល្ពៅស្ងោរនោះឡើយ ក្នុងនោះប្រជាពលរដ្ឋបានសំណូមពរ ឲ្យលោក វែងសាខុន រដ្ឋមន្រ្តីក្រសួងកសិកម្មរុក្ខាប្រម៉ាញ់និងនេសាទ មេត្តាជួយដាស់តឿនមន្រ្តីផ្នែក សង្កាត់រដ្ឋបាលព្រៃឈើរវៀង.និងសង្កាត់រដ្ឋបាលព្រៃឈើសាលាវិស័យ ស្រុកប្រាសាទបល្ល័ង្កផងបើសិនលោករដ្ឋមន្ត្រីទុកមន្រ្តីទាំងនេះ ទៀតព្រៃឈើនិងរលាយមិនខានឡើយ៕ដោយ៖ម្ចាស់ទន្លេមេគង្គ
