ព័ត៌មានជាតិ

ឆក់ការបូបពីនារីម្នាក់បានសម្រេចហេីយរត់មិនរួច

March 23, 2021 adm Comment(0)

ភ្នំពេញ៖ ជនសង្ស័យចំនួន២ នាក់ជិះម៉ូតូមួយគ្រឿងបានធ្វើសកម្មភាពឆក់ការបូបពីនារីវ័យក្មេងស្រស់ស្អាតម្នាក់បានសម្រេច
កាលពីវេលាម៉ោង០៨យប់ថ្ងៃទី២២ ខែមីនាឆ្នាំ ២០២១នៅចំណុចមុខមន្ទីពេទ្យកុមារជាតិ តាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។រួចព្យាយាមបើករត់ត្រូវបានជនរងគ្រោះនិងប្រជាពលរដ្ឋដេញចាប់រហូតមកដល់ផ្លូវ ១១៨ ខាងក្រោយប្រសួងថ្នាក់ភិវឌ្ឍន៍ ក្នុងសង្កាត់មិត្តភាពខណ្ឌ៧ មករាទេីបឃាត់ខ្លួនបាន។

សមត្ថកិច្ចបានប្រាប់ឲ្យដឹងថាជនសង្ស័យទី១មានឈ្មោះ ដួងចន្ទ័បញ្ញា ភេទប្រុសអាយុ ១៧ ឆ្នាំមុខរបរកម្មកររោងចក្រ ស្នាក់នៅបន្ទប់ជួល ផ្លូវមាត់ទន្លេងសង្កាត់ជ្រោយចង្វារ ខណ្ឌជ្រោយចង្វារ។ទី២មានឈ្មោះលៀវ សៀវឡុង ភេទប្រុសអាយុ ១៧ ឆ្នាំមុខរបរសិស្សថ្នាក់ទី១២ នៅសាលាឫស្សីកែវ ស្នាក់នៅមិនពិតប្រាកដ ផ្លូវជាតិលេខ៥ សង្កាត់គីឡូម៉ែត្រលេខ៦ ខណ្ឌឬស្សីកែវ។ចំណែកជនរងគ្រោះមានឈ្មោះ យៀក គឹមហ្វី ភេទស្រីអាយុ ១៧ឆ្នាំ ស្នាក់នៅបុរីប៉េងហួត ម្តុំច្រមុះជ្រូកស្ទឹងមានជ័យ ខណ្ឌមានជ័យ៕M1

adm

ព័ត៌មានជាតិ

សម្ដេចតេជោ ហ៊ុន សែន អញ្ជើញថ្លែងសុន្ទរកថាសង្ខេបក្នុងពិធីបិទកិច្ចប្រជុំពេញអង្គលើកទី១នៃកិច្ចប្រជុំអាស៊ី-អឺរ៉ុបលើកទី១៣(ASEAM-13)

November 26, 2021 adm

(ភ្នំពេញ)៖នៅក្នុងពិធីបិទកិច្ចប្រជុំពេញអង្គទី១ នារសៀលថ្ងៃទី២៥ ខែវិច្ឆិកា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងនាមជាម្ចាស់ផ្ទះនៃកិច្ចប្រជុំអាស៊ីអឺរ៉ុបលើកទី១៣(ASEM-13) សម្ដេចតេជោ បានបង្ហាញនូវសុទិដ្ឋិនិយមថា លទ្ធផលដែលកើតចេញពីកិច្ចប្រជុំនេះ គឺជាធាតុចូលដ៏មានតម្លៃប្រកបដោយបញ្ញាញាណសម្រាប់ចូលរួមចំណែកដល់ការលើកកម្ពស់ពហុភាគីនិយម និងដំណើរការ ASEM របស់យើង។ សម្ដេចតេជោបានរំលេចនូវសារសំខាន់ៗដូចខាងក្រោម: ១- យើងសម្ដែងនូវការពេញចិត្តចំពោះវឌ្ឍនភាពនិងសមិទ្ធផលជាច្រើនរបស់ ASEM ដែលទទួលបានកន្លងមក។ យើងក៏បានប្ដេជ្ញាចិត្តលើកកម្ពស់បន្ថែមទៀតនូវតួនាទីរបស់ ASEM ក្នុងការជំរុញពហុភាគីនិយម និងអភិបាលកិច្ចសកលដែលយើងកាន់តែត្រូវការដើម្បីដោះស្រាយបញ្ហាប្រឈមរួម។ ២- អង្គប្រជុំក៏បានបង្ហាញពីការគាំទ្រយ៉ាងពេញទំហឹងចំពោះពហុភាគីនិយមដែលជាគ្រឹះនៃសន្តិភាព ស្ថិរភាព និងវិបុលសុខសកល។ ៣- យើងបានលើកឡើងអំពីបញ្ហាប្រឈមដែលមិនធ្លាប់កើតមានឡើងពីមុនមកដោយបណ្ដាលមកពីជម្ងឺកូវីដ១៩ ដែលប៉ះពាល់ធ្ងន់ធ្ងរដល់សុខភាពសាធារណៈ និងវិបត្តិសេដ្ឋកិច្ចសង្គម។ ដើម្បីដោះស្រាយបញ្ហាប្រឈមទាំងអស់នេះ យើងបានឯកភាពគ្នាថា សាមគ្គីភាព កិច្ចសហប្រតិបត្តិការអន្តរជាតិ និងការជំរុញវ៉ាក់សាំងពហុភាគីនិយមគឺជាកូនសោរគន្លឹះ។ ដូច្នេះការការពារសុខភាព និងសន្តិសុខរបស់ប្រជាជនក៏ដូចជាការលើកកម្ពស់សាមគ្គីភាពរវាងរដ្ឋ និងរដ្ឋគួរតែជាអាទិភាពរបស់យើង។ ៤- ការស្ដារសេដ្ឋកិច្ចក្រោយកូវីដ១៩ គឺជាអាទិភាពរួមរបស់យើងទាំងអស់គ្នា ក្នុងន័យនេះយើងបានសំដែងនូវការគាំទ្រចំពោះការពង្រឹងប្រព័ន្ធពាណិជ្ជកម្ម ផ្អែកលើវិធានច្បាប់ និងប្ដេជ្ញាការពារខ្សែច្រវ៉ាក់ផ្គត់ផ្គង់ដោយរលូន និងគ្មានការរាំងស្ទះ ដូចជាការជំរុញនូវឌីជីថលូបយនីកម្ម និងពិនិត្យមើលលទ្ធភាពនៃការបើកឡើងវិញនូវវិស័យទេសចរណ៍ប្រកបដោយសុវត្ថិភាព និងទំនួលខុសត្រូវ។ ៥- យើងភាគច្រើនបានប្ដេជ្ញាចិត្តចំពោះការអភិវឌ្ឍន៍បៃតង និងកម្រិតកាបូនទាបដើម្បីរក្សាកម្រិតការកើនឡើងកម្ដៅផែនដីមិនឲ្យលើសពី១.៥ […]

ព័ត៌មានជាតិ ព័ត៌មានសន្តិសុខសង្គម

បុរសម្នាក់ធ្វើជាលង់ទឹកឱ្យកូនមើល ស្រាប់តែលង់ស្លាប់មែនទែន

August 22, 2020 admin

សៀមរាប: បុរសម្នាក់បាននាំកូនទៅដកព្រលិត នៅស្រះទឹកក្រោយផ្ទះ ហើយធ្វើជាលង់ទឹកឱ្យកូនមើល តែអត់ឃើញងើបមកវិញស្រាប់តែលង់ ស្លាប់មែនទែនបង្កឱ្យមានការភ្ញាក់ផ្អើល។ករណីនេះ បានកើតឡើងនៅ ក្នុងភូមិប្រិយ៍ ឃុំខ្នារសណ្តាយ ស្រុកបន្ទាយស្រី ខេត្តសៀមរាបកាលពីថ្ងៃទី២១ ខែសីហាឆ្នាំ២០២០។ សមត្ថកិច្ចនគរបាលស្រុកបន្ទាយស្រី បានឱ្យដឹងថា នៅមុនពេលកើតហេតុជនរងគ្រោះ បាននាំកូនស្រីចំនួន២នាក់ទៅដកព្រលិតខាងក្រោយផ្ទះចម្ងាយប្រហែលជា៣០០ម៉ែត្រ។នៅពេលដកបាន១ដើម ជនរងគ្រោះបានធ្វើជាលង់ទឹកឱ្យកូនស្រីទាំងពីរមើល ស្រាប់តែមិនឃើញងើបមកវិញ លង់មែនទែនកូនក៏រត់មកប្រាប់ម្តាយនិងអ្នកជិតខាងឱ្យទៅជួយ ប៉ុន្តែជនរងគ្រោះបានស្លាប់បាត់ទៅហើយ។ សមត្ថកិច្ចបានបន្តថា ជនរងគ្រោះមានឈ្មោះ ព្រះ វៀច អាយុ៤៨ឆ្នាំ និងមានប្រពន្ធឈ្មោះ សាន សុវ៉ាត អាយុ៤៩ឆ្នាំនិងមានកូនចំនួន៦នាក់។ក្នុងនោះប្រុស៣នាក់ហើយរស់នៅភូមិឃុំកើតហេតុ។ក្រោយបានពិនិត្យសាកសពរួច សមត្ថកិច្ចបានបានប្រគល់សពឱ្យក្រុមគ្រួសារយកធ្វើបុណ្យ៕

ព័ត៌មានជាតិ ព័ត៌មានរាយការណ៍

ឯកឧត្តម «យឺន សូផល» តំណាងឯកឧត្តម «ឈឹម សៅគី» រដ្ឋលេខាធិការក្រសួងអភិវឌ្ឍន៍ជនបទ នាំទេយ្យទាន និងបច្ច័យ ទៅប្រគេនព្រះសង្ឃចំនួន៤វត្តក្នុងឃុំ«ត្បែងខ្ពស់».!

October 1, 2021 adm

(កំពង់ឆ្នាំង)៖ នៅព្រឹកថ្ងៃព្រហស្បតិ៍ ទី៣០ ខែកញ្ញា ឆ្នាំ២០២១នេះ ឯកឧត្តម យឺន សូផល អនុប្រធានទី១ តំណាងឯកឧត្តម ឈឹម សៅគី រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងារគណបក្សចុះមូលដ្ឋានឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំ។ ដោយមានការចូលរួមពីលោក លោកស្រីក្រុមការងារ បាននាំយកទេយ្យវត្ថុ និងបច្ច័យរបស់ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ អនុប្រធានទី១ ក្រុមការងារគណបក្សចុះមូលដ្ឋានខេត្តកំពង់ឆ្នាំង និងជាប្រធានក្រុមការងារគណបក្សចុះមូលដ្ឋានស្រុកសាមគ្គីមានជ័យ និងស្រុករលាប្អៀរដោយបាននាំយកមក រួមមាន៖ អង្ករចំនួន ២០០គីឡូក្រាម, មីម៉ាម៉ា ១២កេស, ទឹកត្រី ៨យួរ, ទឹកស៊ីអីវ ៨យួរ, ភេសជ្ជៈ ៨កេស, កាហ្វេ២០០កញ្ចប់ និងបច្ច័យមួយចំនួន ទៅប្រគេនព្រះសង្ឃចំនួន៤វត្តក្នុងឃុំត្បែងខ្ពស់ នារដូវកាន់បិណ្ឌ និងភ្ជុំបិណ្ឌ ព្រមទាំងជូនថវិកាមួយចំនួន ដល់លោកតាអាចារ្យ គណៈកម្មការ ប៉ូលីស និងប្រជាការពារ។ បន្ទាប់មក ឯកឧត្តមអនុប្រធាន និងក្រុមការងារ បានជួបប្រជុំជាមួយលោក លោកស្រី ក្រុមការងារគណៈកម្មាធិការគណបក្សឃុំ និងសាខាបក្សភូមិទាំង៩ […]