នគរបាលចាប់ និងបញ្ជូនខ្លួនបុរសម្នាក់ទៅតុលាការ រឿងរំលោភទំនុកចិត្ត

August 27, 2021 adm Comment(0)

(ភ្នំពេញ)៖ កម្លាំងនគរបាលព្រហ្មកម្រិតស្រាល នៃស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី២៧ ខែសីហា ឆ្នាំ២០២១នេះ បានបញ្ជូនខ្លួនជនត្រូវចោទម្នាក់ទៅកាន់សាលាដំបូងរាជធានីភ្នំពេញ ពាក់ព័ន្ធករណីរំលោភលើទំនុកចិត្ត។

ប្រភពពីសមត្ថកិច្ច បានឱ្យដឹងថា ជនត្រូវចោទមានឈ្មោះ គង់ ប៊ុនណាត ភេទប្រុស អាយុ ៣៩ឆ្នាំ ជាប្រធានក្រុមហ៊ុនសាងសង់ រស់នៅផ្ទះលេខ បេ៣២០ ភូមិអង្គ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ច បន្ថែមថា ការឃាត់ និងបញ្ជូនខ្លួន ជនត្រូវចោទទៅកាន់តុលាការ ធ្វើឡើងតាមដីកាបញ្ជាឱ្យនាំខ្លួនរបស់លោកស្រី អ៊ុក រ៉េតគន្ធា ចៅក្រមស៊ើបសួរ នៃសាលាដំបូងរាជធានីភ្នំពេញ ក្រោមបទចោទប្រកាន់ពីបទ រំលោភលើទំនុកចិត្តដោយបានប្រព្រឹត្តនៅរាជធានីភ្នំពេញ កាលពីខែឩសភា និងខែមិថុនា ឆ្នាំ២០២០។
ខណៈនេះ ជនត្រូវចោទកំពុងស្ថិតក្រោមចំណាត់ការរបស់តុលារ ក្នុងការសួរចម្លើយ មុនពេលសម្រេចថាតើត្រូវឃុំខ្លួន ឬត្រូវដោះលែងឱ្យមានសេរីភាពវិញ?

adm

ព័ត៌មានសន្តិសុខសង្គម

កូនកញ្ច្រែងលក់ឆ្នោតវៀតណាមត្រូវបានកម្លាំងនគរបាលហៅធ្វើកិច្ចសន្យា នៅស្រុកពារាំង

September 6, 2021 adm

(ខេត្ដព្រៃវែង)៖ ក្រោយពីមានការចុះផ្សាយរបស់អង្គភាពសារព័ត៌មាន”ម្ចាស់ទន្លេមេគង្គ” ស្នងការដ្ឋាននគរបាលខេត្តព្រៃវែង សូមបំភ្លឺជូនសាធារណជន អ្នកសារព័ត៌មាន និងពិសេសបណ្តាញទំនាក់ទំនងសង្គមមេត្តាជ្រាបថា ថ្មីៗនេះ ក្រុមការងារប្រតិកម្មរហ័ស និងព័ត៌មានពិនិត្យឃើញថា សារព័ត៌មាន ” ម្ចាស់ទន្លេមេគង្គ” បានចុះផ្សាយថាមានមេឆ្នោត និងអ្នកកត់កន្ទុយលេខវៀតណាម ឈ្មោះ ប្រុស និងឈ្មោះ ថេង នៅឃុំកំពង់ចម្លង កំពុងរីកដូចផ្សិត ក្រោយពីមានកិច្ចសន្យានៅដំណើរការបានយ៉ាងរលូន តែសមត្ថកិច្ចមិនបង្ក្រាបសង្ស័យតែ…… ?។ បន្ទាប់ពីទទួលព័ត៌មាននេះ លោកឧត្តមសេនីយ៍ទោ ព្រុំ សន្ធរ ស្នងការ នៃស្នងការដ្ឋាននគរបាលខេត្តព្រៃវែង បញ្ជាឲ្យកម្លាំងជំនាញខេត្ត សហការជាមួយកម្លាំងអធិការដ្ឋាននគរបាលស្រុកពារាំង ដឹកនាំដោយលោកវរសេនីយ៍ឯក ឡុង ប៊ុនធឿន អធិការនៃអធិការដ្ឋាននគរបាលស្រុកពារាំង ចុះស្រាវជ្រាវ និងអនុវត្តវិធានការជំនាញ ទទួលបានលទ្ធផលដូចខាងក្រោម ៖ នៅថ្ងៃទី០៥ ខែកញ្ញា ឆ្នាំ២០២១ កម្លាំងជំនាញបានកោះហៅកូនកញ្ច្រែងលក់ឆ្នោតវៀតណាម ឈ្មោះ ទឹម សុខរ៉េន ភេទប្រុស អាយុ៤៦ឆ្នាំ មានទីលំនៅភូមិបទសន្ទ្រាស ឃុំកំពង់ពពិល ស្រុកពារាំង បន្ទាប់ពីការសាកសួរឈ្មោះ ទឹម សុខរ៉េន បានសារភាពថា […]

ព័ត៌មានសន្តិសុខសង្គម

រថយន្តដឹកទំនិញធំៗជាច្រើនគ្រឿងដឹកប្រភេទគ្រឿងអេឡិចត្រូនិចពីប្រទេសថៃឆ្លងកាត់តាមប្រទេសកម្ពុជាចូលទៅប្រទេសវៀតណាមតាមច្រករបៀង គោកតែក ស្រុកចន្ទ្រាសមត្ថកិច្ចពាក់ព័ន្ធមិនមានចំណាត់ការ

February 22, 2023 adm

ខេត្ដស្វាយរៀង៖ រថយន្តដឹកទំនិញធុនធំៗជាច្រើនគ្រឿងបានសម្រុកដឹកទំនិញគេចពន្ធចូលតាមច្រករបៀង គោកតែក ស្រុកចន្ទ្រា ខេត្តស្វាយរៀងយ៉ាងអាណាធិបតេយ្យ ជាពិសេសជាងគេគឺនៅពេលយប់តែម្ដងដោយរំខានដល់បងប្អូនប្រជាពលរដ្ឋធ្វើឲ្យខូចផ្លូវក្នុងភូមិ ផ្លូវមានជង្ហុក ហើយពេលខ្លះបណ្ដាលឲ្យទាក់ដាច់ខ្សែភ្លើងរបត់រប៉ាយពេញផ្លូវផងដែរ ដែលជាក្តីបារម្ភសម្រាប់បងប្អូនប្រជាពលរដ្ឋរស់នៅទីនោះ ក្រែងមានគ្រោះថ្នាក់ណាមួយកើតឡើងដោយយថាហេតុ។ ពលរដ្ឋបានលួចខ្សឹបប្រាប់អ្នកសារព័ត៌មានយើងអោយដឹងថា រថយន្តធុនធំជាច្រើនគ្រឿងដឹកទំនិញសំពីងសំពោងទៅប្រទេសវៀតណាម ក្នុងរថយន្តនោះមានបង្កប់ទៅដោយគ្រឿងអេឡិចត្រូនិកជាច្រើន ដូចជា ម៉ាស៊ីនត្រជាក់ ម៉ាស៊ីនព្រីន និងទូទឹកកក..៘ ទំនិញទាំងនោះដឹកជញ្ជូនពីប្រទេសថៃឆ្លងកាត់ប្រទេសកម្ពុជាទៅប្រទេសវៀតណាមដោយគេចពន្ធមិនបានបង់ថវិកាចូលរដ្ឋនោះឡើយ ដោយគេសង្ស័យថាអាចនឹងចូលហោប៉ៅរបស់មន្ត្រីមួយចំនួនទៅវិញហើយមើលទៅ ជាពិសេសនៅតំបន់នោះស្ថិតក្រោមការគ្រប់គ្រងរបស់លោក វរសេនីយ៍ទោ យ៉ន សុផល មេបញ្ជាការវរសេនាតូចលេខ ៦០៩ តែម្តង។ ពលរដ្ឋបានដាក់ការសង្ស័យថាទំនងជាលោក យ៉ន សុផល មិនដឹងទេឬ ឬមួយដឹងហើយមិនមានចំណាត់ការ? មានរថយន្តធុនធំដឹកទំនិញគេចពន្ធជាច្រើនគ្រឿងនៅពេលយប់ ឆ្លងកាត់តាមច្រករបៀង (គោកតែក) ស្រុកចន្ទ្រា ទៅប្រទេសវៀតណាម ឬមួយអាជ្ញាធរនិងសមត្ថកិច្ចពាក់ព័ន្ធត្រូវរ៉ូវគ្នាអស់ហើយទេដឹងទើបរថយន្តទាំងនេះចេញចូលបានយ៉ាងរលូន បែបនេះ។ ពលរដ្ឋសង្ឃឹមជឿជាក់ លើឯកឧត្តម ម៉ែន វិបុល សូមជួយពិនិត្យមើលលោកអភិបាលស្រុកចន្ទ្រាផង ជាពិសេសគឺលោកវរសេនីយ៍ទោ យ៉ន សុផល មិនគួរបណ្ដែតបណ្ដោយឲ្យក្រុមរថយន្តធំៗទាំងនោះដឹកទំនិញគេចពន្ធបានយ៉ាងងាយស្រួលបែបនេះ។ ទោះជាយ៉ាងណាក្ដីពលរដ្ឋរង់ចាំមើលថាតើមន្ត្រីពាក់ព័ន្ធទាំងអស់នៅក្នុងស្រុកចន្ទ្រា ក៏ដូចជាលោកយ៉ន សុផល ហ៊ានពិនិត្យនិងមានចំណាត់ការការលើក្រុមរថយន្តដឹកទំនិញគេចពន្ធឆ្លងដែនទៅប្រទេសវៀតណាមដែរឬទេ? អង្គភាពសារព័ត៌មានយើងនិងរង់ចាំធ្វើការផ្សាយជាបន្តបន្ទាប់។ប្រសិនបើមានការពន្យល់ឬបកស្រាយ ពីរអាជ្ញាធរពាក់ព័ន្ធនិងសមុីភាគីរៀងរាល់ម៉ោងធ្វើការ ៕

ព័ត៌មានសន្តិសុខសង្គម

រថយន្តពាក់ស្លាកលេខនគរបាលបើកបរក្នុងល្បឿនលឿនបុកមនុស្សស្លាប់ អ្នកបើកបររត់គេចខ្លួនបាត់

May 1, 2023 adm

ខេត្ដសៀមរាប៖ រថយន្តម៉ាស្តា មួយគ្រឿង ពាក់ស្លាកលេខនគរបាល ដែលបើកក្នុងល្បឿនលឿន បានបុកជាមួយម៉ូតូមួយគ្រឿង បណ្តាលឲ្យអ្នកបើកបរម៉ូតូស្លាប់ភ្លាមៗនៅកន្លែងកើតហេតុ។ យោងតាមរបាយការណ៍នគរបាលចរាចរណ៍ ខេត្តសៀមរាប បានឲ្យដឹងថា គ្រោះថ្នាក់ចរាចរណ៍នេះ បានកើតឡើងនវេលារំលងអាធ្រាត ចូលថ្ងៃទី ០១ ខែ ឧសភា ឆ្នាំ ២០២៣ នៅត្រង់ចំណុច មុខរ៉ូហ្សាណា ស្ថិតនៅលើផ្លូវជាតិលេខ៦ ក្នុងភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។ ដោយរថយន្តម៉ាក ម៉ាសដា ពណ៌ ខ្មៅ ពាក់ស្លាកលេខ នគរបាល 2-1260 អ្នកបើកបរមិនស្គាល់អត្តសញ្ញាណបើកបរមានទិសដៅ ពីកើតទៅលិច លុះមកដល់ចំណុចកើតហេតុ បានបុកម៉ូតូម៉ាក វ៉េវ ពណ៌ ខ្មៅ ផ្លាកលេខ សៀមរាប 1AH-3243អ្នកបើកបរ ឈ្មោះ លឹម ពុទ្ធាវី ភេទ ប្រុស អាយុ ៣៥ឆ្នាំ រស់នៅផ្ទះជួលភូមិ ធ្លកអណ្តូង សង្កាត់ ស្លក្រាម ក្រុងខេត្ត សៀមរាប […]