(កំពត)៖រថយន្តមិនស្គាល់ម៉ាកបានបើកបុកនារីជាជនបរទេសម្នាក់បណ្តាលឱ្យស្លាប់នៅលើផ្លូវជាតិលេខ៣ក្នុងភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពតនៅពថ្ងៃទី៩ ខែសីហា ឆ្នាំ២០២១។
មន្ត្រីនគរបាលបានឱ្យដឹងថា នារីរងគ្រោះមាន ឈ្មោះ ហ្រ្វេយ៉ា មេលីសា (Freya Melissa) អាយុ ២៤ឆ្នាំ ជនជាតិហ្វាំងឡង់ ស្នាក់នៅភូមិព្រៃត្នោត ឃុំកំពង់គ្រែង ស្រុកទឹកឈូ ខេត្តកំពត។ មុនកើតហេតុគេឃើញនារីជនបរទេសបានបើកម៉ូតូតែម្នាក់ឯង។ស្របពេលនោះមានរថយន្តបើកមកពីក្រោយបានបុកម៉ូតូពេញទំហឹង រួចបង្កើនល្បឿនបើកគេចបាត់។
ក្រោយទទួលព័ត៌មាននេះ សមត្ថកិច្ចបានចុះដល់កន្លែងកើតហេតុ តែមិនអាចកំណត់ភិនភាគរថយន្តបង្កបានឡើយ៕
