(កណ្តាល)៖បុរសម្នាក់ជិះម៉ូតូឌុបប្រពន្ធពីអ្នកលឿងមកភ្នំពេញខណៈមានស្រ្តីម្នាក់បានដើរឆ្លងផ្លូវត្រូវម៉ូតូបុកបណ្តាលឱ្យស្លាប់ពេលបញ្ជូនដល់មន្ទីរពេទ្យនិងខាងម៉ូតូរបួសធ្ងន់ពីរនាក់។
គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ១ក្នុង ភូមិភូមិធំ ឃុំភូមិធំ ស្រុកកៀនស្វាយ ខេត្តកណ្តាល កាលពីល្ងាចថ្ងៃទី៣០ ខែកក្កដា ឆ្នាំ២០២១ ។
អ្នកបើកម៉ូតូឈ្មោះ លី ប៊ុនហេង ភេទប្រុស អាយុ ២២ ឆ្នាំ នៅភូមិលេខ១ ឃុំ ប្រសាទ ស្រុកស្អាង ខេត្តកណ្តាល មានអ្នករួមដំណើរជាប្រពន្ធមានទិសដៅពីអ្នកលឿងមកភ្នំពេញ។មកដល់កន្លែងកើតហេតុ បានបុកស្ត្រីឈ្មោះ រុំ ណារិន អាយុ ៣៨ ឆ្នាំ ពេល ដើរឆ្លងផ្លូវ បណ្តាលឱ្យស្លាប់ពេល បញ្ជូនទៅដល់មន្ទីរពេទ្យបង្អែកស្រុកកៀនស្វាយរីឯខាងម៉ូតូរងរបួសធ្ងន់បាន បញ្ជូនទៅព្យាបាល នៅមន្ទីរពេទ្យភ្នំពេញ ៕
