(ភ្នំពេញ)៖សមត្ថកិច្ចចុះចាប់ខ្លួនមន្រ្តីពាក់ស័ក្តិបួនកន្លះម្នាក់នៃបញ្ជាការដ្ឋានកងអង្គរក្សករណី ដកកាំភ្លើងខ្លីបាញ់ផ្អើលអ្នកភូមិព្រោះខឹងស្រីស្នេហ៍មានប្រុសថ្មី។
ហេតុការណ៍នេះបង្កឱ្យមានការភ្ញាក់ផ្អើលឡើងក្នុងភូមិសាមគ្គីទី១ សង្កាត់ត្រពាំងក្រសាំង ខណ្ឌពោធិ៍សែនជ័យកាលពីយប់ថ្ងៃទី២៥ ខែកក្កដា ឆ្នាំ២០២១ ។ជនបង្ក ឈ្មោះ សុខ ចាន់អិន អាយុ៤០ឆ្នាំ មានឋានន្តរស័ក្តិជាវរសេនីយ៍ទោ នៅបញ្ជាការដ្ឋានកងអង្គរក្ស។
មុនពេលកើតហេតុគេឃើញបុរសជាជនបង្កហេតុជិះម៉ូតូ មកអង្គុយផឹកស៊ីនៅក្បែរផ្ទះរបស់នារីជាសង្សារ។
ក្រោយមកពេលដែលបុរសជាគូស្នេហ៍ក្រោយ របស់នារីរូបនោះ បានអង្គុយនៅកន្លែងនោះដែរជនបង្ក បានផ្ទុះកំហឹងយ៉ាងខ្លាំង។ ជននេះបានដកកាំភ្លើងខ្លីម៉ាក អេសស៊ីអាយ (SCI) បាញ់ចំនួនពីរគ្រាប់ បណ្ដាលឱ្យត្រូវរថយន្តរបស់គូស្នេហ៍ថ្មី និងបែកកង់រថយន្តផ្នែកខាងឆ្វេង។បន្ទាប់មកសមត្ថកិច្ចមូលដ្ឋាន បានចុះមកចាប់ ជនបង្ក ដើម្បីកសាងសំណុំរឿងចាត់ការបន្ត ៕
