(ភ្នំពេញ) ៖ បុរសម្នាក់បើករថយន្តខ្វះការប្រុងប្រយ័ត្នជ្រុលទៅបុកនឹងរយន្តមួយគ្រឿងទៀតពេញទំហឹងបណ្តាលឲ្យរងការខូចខាតយ៉ាងដំណំ
តែសំណាងល្អមិនបណ្តាលឲ្យមានអ្មករងរបួសនោះទេ។
ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង១០និង២៥នាទីយប់ថ្ងៃទី៩ ខែកក្កដា ឆ្នាំ២០២១ នៅតាមបណ្ដោយផ្លូវ៣០៧ កែងនិងផ្លូវ៦០៦ ក្នុងសង្កាត់បឹងកក់ ២ ខខណ្ឌទួលគោក រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុ គេឃេីញរថយន្តម៉ាក highlanderពណ៌ទឹកប្រាក់ ពាក់ស្លាកលេខភ្នំពេញ 2AS-0950 បេីកបរដោយបុរសជាជនជាតិ និងរួមដំណេីរដោយស្ត្រីម្នាក់ជាជនជាតិខ្មែរ បានធ្វេីដំណេីរតាមបណ្ដោយផ្លូវ៦០៦ ទិសដៅពីកើតទៅលិចក្នុងល្បឿន លុះមកដល់ត្រង់ផ្លូវបែកជាបួន ស្រាប់តែមានរថយន្តមួយគ្រឿងម៉ាក កាម៉ារីបាឡែនពណ៌ទឹកប្រាក់ពាក់ស្លាកលេខ ភ្នំពេញ 2Q-0495 បេីកបរដោយបុរសម្នាក់ ធ្វេីដំណេីរតាមបណ្ដោយផ្លូវ៣០៧ ក្នុងទិសដៅពីជើងទៅត្បូង បានបុករថយន្តហាយលេនដឺពីចំហៀងពេញខាងស្តាំពេញទំហឹង បណ្ដាលឲ្យរងការខូចខាតរថយន្តទាំងសងខាងយ៉ាងដំណំ តែសំណាងល្អមិនបណ្ដាលឲ្យមានអ្នករងរបួសនោះទេ ។
ក្រោយកេីតហេតុ ភាគីទាំងសងខាងបាននិយាយយកតែត្រូវរៀងៗខ្លួន ទេីបសមត្ថកិច្ចមូលដ្ឋានសហការជាមួយសមត្ថកិច្ចជំនាញចរាចរណ៍ខណ្ឌទួលគោក ធ្វេីការវាស់វែងយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រងរង់ចាំដោះស្រាយតាមច្បាប់៕
