(ខេត្តតាកែវ)៖ ជនសង្ស័យម្នាក់ ដែលជាមុខសញ្ញាជួញដូរថ្នាំញៀន យ៉ាងសកម្ម ប្រចាំនៅស្រុកគីរីវង់ ត្រូវបានកម្លាំងកងរាជអាវុធហត្ថខេត្តតាកែវ ចាប់ឃាត់ខ្លួន រួមនឹងថ្នាំញៀន ០១កញ្ចប់ធំ។
ការចុះបង្រ្កាបមុខសញ្ញាជួញដូរថ្នាំញៀននេះបានធ្វើឡើង នៅវេលាម៉ោង ១៧:៥៥នាទី ថ្ងៃទី ២២ ខែមិថុនាឆ្នាំ ២០២១ ស្ថិតនៅភូមិដោម ឃុំតាអូ ស្រុកគីរីវង់ ខេត្តតាកែវ។ ក្រោយពីបានទទួលបទបញ្ជាពីលោកឧត្តមសេនីយ៏ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ ការិយាល័យជំនាញប្រឆាំងគ្រឿងញៀនបាន សហការណ៏ជាមួយកងរាជអាវុធហត្ថស្រុកគីរីវង់
ដឹកនាំដោយលោកអនុសេនីយ៍ទោ ហួត វឿន នាយការិយាល័យប្រឆាំងគ្រឿងញៀនដោយមានការសម្របសម្រួលនិតិវិធីពី ឯកឧត្តម ជីវចាន់តារាព្រះរាជអាជ្ញាអមសាលាដំបូងខេត្តតាកែវ បានចុះបង្រ្កាបមុខសញ្ញា ជួញដូរនិងប្រើប្រាស់នូវសារធាតុញៀនដោយខុសច្បាប់(រោងចិញ្ចឹមមាន់) នៅចំណុចភូមិដោម ឃុំតាអូរ ស្រុកគិរីវង់ ខេត្តតាកែវ ។ដោយ ឃាត់ខ្លួនជនសង្ស័យបាន០១នាក់ ឈ្មោះ ស៊ន ធូ ភេទប្រុសអាយុ ២៥ ឆ្នាំ មុខរបរមិនពិតប្រាកដ ជនជាតិខ្មែរ ( ជួញដូរនិងប្រើប្រាស់ )
រស់នៅភូមិដោម ឃុំតាអូរ ស្រុកគិរីវង់ខេត្តតាកែវ ។ដកហូតបានវត្ថុតាង ក្រាមពណ៌សថ្លាចំនួន០១កញ្ចប់ធំ ទម្ងន់ ១៧,៤០ក្រាម (ថ្លឹងទាំងសំបក់ថង់)
– ទូរស័ព្ទចំនួន០១គ្រឿងម៉ាកអូប៉ូពណ៏ស ។
បច្ចុប្បន្នជនសង្ស័យនិងវត្ថុតាងការិយាល័យជំនាញកំពុងកសាងសំណុំរឿងបញ្ជូនទៅតុលាការចាត់ការតាមនីតិវិធី៕
