(បាត់ដំបង) ៖ សមត្ថកិច្ចស្រុកមោងឫស្សីបានចាប់បុរសម្នាក់ជាប្តីដែលបានយកដំបងឬស្សីវាយប្រពន្ធឱ្យរបួសធ្ងន់ខឹងរឿងមិនដាំបាយឱ្យហូប។ករណីនេះកើតនៅភូមិទួលព្រុំ២ឃុំកកោះស្រុកមោងឫស្សីខេត្តបាត់ដំបងកាលពីរសៀលថ្ងៃទី២៣ ខែមិថុនា ឆ្នាំ២០២១ ។
លោក ស គឹមឡុង អធិការនគរបាលស្រុកមោងឬស្សីបានឱ្យដឹងថា៖កម្លាំងនគរបាលបានចាប់ បុរសចំណាស់ម្នាក់ឈ្មោះ ពៅ វិចិត្រ ហៅវាំង អាយុ៦៨ឆ្នាំ។
បុរសនេះបានប្រើអំពើហិង្សាដោយចេតនាយកដំបងឫស្សីវាយប្រពន្ធឈ្មោះក្រិះនាង អាយុ៤៨ បណ្ដាលឱ្យរងរបួសធ្ងន់គឺបាក់ដៃធ្វេងនិងរបួសឆ្អឹងជំនឺផ្នែកខាងក្រោយហើមជាំ ។
ក្រោយកើតហេតុស្ត្រីដែលរងរបួសបាន នាំទៅសង្រ្កោះនៅមន្ទីរពេទ្យ។
ចំពោះមូលហេតុបុរសជាប្តីផឹកស្រាស្រវឹងនិងខឹងប្រពន្ធមិនបានដាំបាយឱ្យហូប ជនសង្ស័យត្រូវនគរបាល កសាងសំណុំរឿងបញ្ជូនបន្តតាមនីតិវិធី៕
