(មណ្ឌលគិរី)៖ កម្លាំងសមត្ថកិច្ចកាលពីថ្ងៃទី២២ខែមិថុនាឆ្នាំ២០២១បានចុះចាប់ជនសង្ស័យ៩នាក់ពាក់ព័ន្ធគ្រឿងញៀននិងប្រើអាវុធខុសច្បាប់នៅក្រុមពូជូរភូមិអណ្ដូងក្រឡឹងឃុំសែនមនោរម្យ ស្រុកអូររាំង ខេត្តមណ្ឌលគិរី ។
មន្ត្រីនគរបាលបានឱ្យដឹងថា៖សមត្ថកិច្ចបានចាប់ជនសង្ស័យម្នាក់ឈ្មោះឡាំលន់ភេទប្រុស អាយុ ៦២ឆ្នាំជាមួយ វត្ថុតាងមួយចំនួន៖គ្រឿងញៀនមានសណ្ឋានជាក្រាមពណ៌សថ្លា៦កញ្ចប់ទម្ងន់២៣,៥២ក្រាម។អាវុធកែច្នៃ៣ដើម,ជញ្ជីងថ្លឹងគ្រឿងញៀន១,ដាវ១,កន្ត្រៃ៤,កាំបិតចុងស្រួច៣,ដែកជំពុះទុង១,លុយចំនួន៤.២០០.០០០រៀលនិង៦០ដុល្លារ,លោហធាតុផ្លាកទីន១ខ្សែ,ចិញ្ចៀន២វង់,ទូរស័ព្ទ៥គ្រឿង,ម៉ូតូ៥គ្រឿង,និងម៉ូតូអ្នកប្រើប្រាស់គ្រឿងញៀន៤គ្រឿងសរុប៩គ្រឿង,និងឧបករណ៍មួយចំនួនទៀត ។
បន្ទាប់មកកម្លាំងជំនាញបន្តតាមចាប់ជនសង្ស័យពាក់ព័ន្ធនិងធ្វើតេស្តរកសាធាតុញៀនលើជនសង្ស័យ៨នាក់ស្រីម្នាក់។ក្រុមនេះមានឈ្មោះភឿងសុភារ៉ាអាយុ៣០ឆ្នាំ,ឈ្មោះ អ៊ាន ឡើងអាយុ២៩ឆ្នាំ,ឈ្មោះសាលីផេងអាយុ៣៣ឆ្នាំ,ឈ្មោះធីពិសីអាយុ១៨ឆ្នាំ,ឈ្មោះ ហ៊ីង ទិត្យអាយុ១៨ឆ្នាំ,ឈ្មោះ រស់ រិទ្ធ អាយុ ២៥ឆ្នាំ,ឈ្មោះថូរដ្ឋាក់អាយុ១៩ឆ្នាំ,ឈ្មោះ ព្លើម ធី ភេទស្រីអាយុ៤៨ឆ្នាំ។
ចំនួន៨នាក់នេះនៅភូមិពូហ្យាម ឃុំសែនមនោរម្យ ស្រុកអូររាំង ខេត្តមណ្ឌលគិរី ក្រោយធ្វើតេស្តរកសាធាតុញៀនលទ្ធផលវិជ្ជមាននិងវត្ថុតាងម៉ូតូ៤គ្រឿង។ករណីនេះកម្លាំងជំនាញបានកសាងសំណុំរឿងនិងចាត់ការតាមនីតិវិធី៕
