រថយន្តទំនើបរអិលធ្លាក់ផ្លូវ រេចង្កូតធ្លាក់ប្រឡាយទឹកអ្នកបើកបរព្រលឹងចុងសក់..!

June 22, 2021 adm Comment(0)

(ភ្នំពេញ)៖ រថយន្តស៊េរីទំនើប NX200Tមួយគ្រឿងពេលកំពុងធ្វើដំណើរស្រាប់តែរេចង្កូតធ្លាក់ប្រឡាយទឹកធ្វើឱ្យអ្នកបើកបរព្រលឹងចុងសក់តែមិនមានអ្នកគ្រោះថ្នាក់ទេ។ហេតុការណ៍នេះនៅតាមផ្លូវអមមាត់ប្រឡាយ ក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យកាលពីល្ងាចថ្ងៃទី២១ខែមិថុនាឆ្នាំ២០២១ ។

ពលរដ្ឋបានឱ្យដឹងថា៖មុនកើតហេតុមានរថយន្តLexus NX200T ពាក់ផ្លាកលេខ ភ្នំពេញ 2BF-3915 រថយន្តបើកមកដល់កន្លែងកើតហេតុបានរេចង្កូតធ្លាក់ប្រឡាយទឹកតែម្តងដែលអាចមកពីដីរអិលដោយសារមេឃទើបភ្លៀងរួច។

ក្នុងហេតុការណ៍នេះមិនមាននរណាម្នាក់រងរបួសទេខូចខាតតែរថយន្តប៉ុណ្ណោះ។ក្រោយកើតហេតុម្ចាស់រថយន្តបានស្ទូចរថយន្តយកទៅជួសជុល ៕

adm

ព័ត៌មានសន្តិសុខសង្គម

ជនដៃដល់ដែលសម្លាប់ស្រ្តីម្នាក់ដាក់ក្នុងរថយន្តPRIUSយកទៅប្លុងចោល នៅក្រោយផ្សារភូពុយក្នុងក្រុងបាត់ដំបងត្រូវបានសមត្ថកិច្ចនគរបាលសហការឃាត់ខ្លួនបានហេីយនៅប្រទេសថៃ

September 26, 2022 adm

(ខេត្តបាត់ដំបង)៖ នៅថ្ងៃអាទិត្យ១៥រោចខែភទ្របទឆ្នាំខាលចត្វាស័ក ព.ស.២៥៦៦ ត្រូវនឹងថ្ងៃទី២៥ខែកញ្ញាឆ្នាំ២០២២ សមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបង ដែលមានលោកឧត្តមសេនីយ៍ទោ សាត គឹមសាន ជាស្នងការ បានជម្រុញនិងដឹកនាំបញ្ជាដល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ និងក្រោមការដឹកនាំរបស់ឯកឧត្តមប្រធាននាយកដ្ឋាននគរបាលព្រហ្មទ័ណ្ឌ នៃអគ្គស្នងការដ្ឋាននគរបាលជាតិ និងសមត្ថកិច្ចនគរបាល អន្តោប្រវេសន៍ប្រចាំច្រកទ្វារអន្តរជាតិដូង ស្រុកកំរៀង រួមសហការជាមួយសមត្ថកិច្ចនៃព្រះរាជាណាចក្រថៃ និងដោយមានការសម្របសម្រួលលេីនីតិវិធី ពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះ បានធ្វេីការឃាត់ខ្លួនបុរសម្នាក់ដែលជាជនសង័្សយក្នុងករណី សម្លា.ប់ស្រ្តីម្នាក់ដាក់ក្នុងរថយន្តព្រូសPRIUSមួយគ្រឿងយកមកប្លុងចោលនៅក្រោយផ្សារភូពុយស្ថិតនៅសង្កាត់អូរចារ ក្រុងបាត់ដំបងដែលបានប្រទះឃេីញកាលពីថ្ងៃទី១៤ ខែ កញ្ញាឆ្នាំ២០២២។ បុរសម្នាក់នោះឈ្មោះមាស ពេជ្របូរមីភេទប្រុស អាយុ២៨ឆ្នាំ បច្ចុប្បន្នរស់នៅភូមិភ្នំពេញថ្មី សង្កាត់ភ្នំពេញថ្មីខ័ណ្ឌសែនសុខ រាជធានីភ្នំពេញ មានមុខរបរមិនពិតប្រាកដ។ សូមជម្រាបជូនថាកាលពីព្រលប់ថ្ងៃទី១៤ ខែកញ្ញា ឆ្នាំ២០២២ មានរឿងហេតុភ្ញាក់ផ្អេីលមួយដោយសារគេបានប្រទះឃើញស្ត្រីម្នាក់បានស្លាប់នៅបាំងខាងក្រោយនៃរថយន្តម៉ាកព្រូស PRIUS ព៌ណទឹក ប្រាក់ ពាក់ស្លាកលេខ ភ្នំពេញ2BQ-1371 ស្ថិតនៅខាងក្រោយបរិវេណផ្សារទំនើបភូពុយ ស្ថិតក្នុងភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។ តាមរយៈការស្រាវជ្រាវដែលបានធ្វេីឡេីងនៅថ្ងៃបន្ទាប់បានឱ្យដឹងថា ស្រ្តីជាជនរងគ្រោះមានឈ្មោះ ឌីម សោភា អាយុ៣៤ឆ្នាំ […]

ព័ត៌មានសន្តិសុខសង្គម

ពលរដ្ឋអាណាធិបតេយ្យ៣១គ្រួសារលើកគ្នាបោះជំរំតង់នៅលើដីមានម្ចាស់នៅឃុំអូរបីជាន់ និងអាជ្ញាធរព្រមទាំងសមត្ថកិច្ចទៅណែនាំ

July 18, 2021 adm

(ខេត្ដបន្ទាយមានជ័យ)៖ ពលរដ្ឋអាណាធិបតេយ្យ៣១គ្រួសារដែលអះអាងថា មកពីក្រុងប៉ោយប៉ែតនិងស្រុកស្វាយចេក បានលើកគ្នាទៅបោះជំរំតង់នៅលើដីមានម្ចាស់មួយកន្លែងនៅថ្នល់បត់ឃុំអូរបីជាន់ស្រុកអូរជ្រៅ តាំងពីចុងខែមិថុនាឆ្នាំ២០២១ មក ។ នៅថ្ងៃទី១៧ខែកក្កដាឆ្នាំ២០២១ មន្ត្រីថ្នាក់ជាតិដឹកនាំដោយប៉ានខែម ប៊ុនថន នាយករងខុទ្ទកាល័យសម្តេចតេជោហ៊ុន សែននាយករដ្ឋមន្ត្រី ថ្នាក់ខេត្តដឹកនាំដោយលោកលី សារី អភិបាលរងខេត្តបន្ទាយមានជ័យបានទៅជួបផ្ទាល់អប់រំ ណែនាំនិងស្នើអោយយរើចាកចេញ។ ក្នុងនោះ ក៏មានអោយពលរដ្ឋសរសេរពាក្យបណ្តឹងប្តឹងទៅអ្នកណាដែលពលរដ្ឋថា បានរំលោភយកដីធ្លីខ្លួន ព្រមទាំងដាក់សំអាងមកជាមួយផង ។ ពោលគឺ បងប្អូនពលរដ្ឋមិនត្រូវប្រព្រឹត្តអំពើអាណាធិបតេយ្យនិងលើកគ្នាទៅប៉ះពាល់និងរំលោភយកកម្មសិទ្ធិរបស់អ្នកដទៃដោយខុសច្បាប់ដោយចិត្តឯងឬដោយមានអ្នកញុះញង់ឡើយ ។ លោកណៅ វាសនា ហៅណុប ពលរដ្ឋរស់នៅភូមិបន្ទាយថ្មីឃំអូរបីជាន់ ដែលជាអ្នកជួយមើលដីនោះបានប្រាប់ថ្ងៃទី១៧ខែកក្កដា ៖ ដីនោះជាកម្មសិទ្ធិរបស់លោកលន់ ភុន រស់នៅក្រុងភ្នំពេញ(មានបង្កាន់ដៃអាជ្ញាធរ) ។ លោកបន្តថា កាលពីថ្មីៗនេះ លោកបានភ្ជួរដីនេះ អោយរាបព្រៃ ប៉ុន្តែបន្ទាប់មកក៏ស្រាប់តែមានពលរដ្ឋអាណាធិបតេយ្យដែលទំនងជាមានមេខ្យលើញុះញង់ អោយលើកគ្នាមកបោះជំរំតង់នៅលើដីនោះប្រមាណ៥ហិចតាតា ហើយបានបោះតម្រុយរៀបចំចែកគ្នាតាមតែចិត្តទៅវិញ ។ ចំណែកពលរដ្ឋខាងលើបានប្រាប់មន្ត្រីអាជ្ញាធរមានសមត្ថកិច្ចថា ៖ ពួកខ្លួនធ្លាប់ត្រូវមានឈ្មោះទទួលរបបដីដែលលោកវរសេនីយ៍យោធាជើងគោក ឈ្មោះឃួន វណ្ណាថែកអោយនៅភូមិបឹងស្នោរពីឆ្នាំ២០០២ ។ ប៉ុន្តែពីនោះ មកពួកខ្លួនមិនទាន់បានទទួលរបបនោះ ទើបពេលនេះ លើកគ្នាមកចាប់ដីនេះទៅ ។ សូមរំលឹកដែរថា ម៉ោង១០និង១៥នាទីថ្ងៃទី១៦ខែកក្កដា […]

ព័ត៌មានសន្តិសុខសង្គម

មន្ត្រីសាលាស្រុកស្វាយចេកម្នាក់ ត្រូវបាននគរបាលកោះហៅសួរនាំ ជុំវិញការបង្ហោះពត៌មានបង្កអសន្តិសុខសង្គម

November 18, 2022 adm

(ខេត្ដបន្ទាយមានជ័យ)៖ មន្ត្រីសាលាស្រុកស្វាយចេក ម្នាក់ កាលពីថ្ងៃទី១៧ ខែវិច្ឆិកា ឆ្នាំ២០២២ បានធ្វើសកម្មភាពថតរូបបង្ហោះនិងឡាយ អំពីសកម្មភាពប្រជាពលរដ្ឋ ទិញលក់ស្រូវ ត្រូវបានឈ្មួញក្រឡុកហាងឆេងឡើងចុះតាមអំពើចិត្ត ដែលខ្លឹមសារនោះបាននាំឲ្យប៉ះពាល់ដល់ សន្តិសុខសណ្តាប់សង្គម និងបានចោទប្រកាន់នានានាំឲ្យប៉ះពាល់ដល់លោកអភិបាលស្រុកស្វាយចេកយ៉ាងធ្ងន់ធ្ងរផងដែរ។ អនុវត្តន៍តាមការណែនាំ និងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅថ្ងៃទី១៨ ខែវិច្ឆិកា ឆ្នាំ២០២២ កម្លាំងនគរបាល ការិយាល័យនគរបាលប្រឆាំងបទល្មើសបច្ចេកវិទ្យា ដឹកនាំដោយលោកវរសេនីយ៍ឯក ឃួន វណ្ណា ស្នងការង ជំនួយដឹកនាំផែនការងារសន្តិសុខ បានចុះស្រាវជ្រាវនិងបានកោះហៅឈ្មោះ អឿន ធី ភេទប្រុស អាយុ៥១ឆ្នាំ មុខរបរមន្រ្តីរាជការសាលាស្រុកស្វាយចេករ មកបំភ្លើលើករណី ដែលបានឡាយក្នុងហ្វេសបុកឈ្មោះបងញ៉ក់ភូមិភាស ជុំវិញពត៌មានក្លែងក្លាយដែលបង្កចលាចលដល់សង្គមនេះហើយ។ ក្រោយពីការសាកសួរនាំរួចមក ឈ្មោះ អឿន ធីបានទទួលស្គាល់កំហុស និងបានអះអាងថាខ្លួនពិតជាបានថតឡាយមែន មកពីខ្លួនស្រវឹង។ បន្ទាប់ពីបានដឹងពីកំហុសហើយ សាមីខ្លួនបានសុំទោសជាសាធារណ:ចំពោះប្រជាពលរដ្ឋនិងលោកអភិបាលស្រុកស្វាយចេក។ទន្ទឹមគ្នានោះសមត្ថកិច្ចជំនាញក៏បានឲ្យគាត់ធ្វើកិច្ចសន្យាបញ្ឈប់ប្រព្រឹត្តបទល្មើសបន្តទៀត ក្នុងករណីមិនរាងចាល សមត្ថកិច្ចនឹងមានចំណាត់ការតាមផ្លូវច្បាប់៕