ខ្លាំងមែនលោក គ្រូ វៃ៖ ហ៊ានបើកកន្លែងល្បែងប្រជល់មាន់ក្នុងសម័យកូវិដ១៩ ដែលរាជរដ្ឋាភិបាល និងក្រសួងសុខាភិបាលហាមឃាត់នៅស្រុកពាមរក៌,,,

(ខេត្តព្រៃវែង)៖ ជាក់ស្តែងនៅថ្ងៃទី១៣ ខែមិថុនា ឆ្នាំ២០២១នេះសង្វៀនជល់មាន់ មួយ​កន្លែង របស់ ឈ្មោះ គ្រូ វៃ ជាគ្រួបង្រៀននៅ សាលាវិទ្យាល័យពាមរក៍ និងជាប្រជាការពារភូមិ ប្រាសាទកើត កំពង់បើកដំណើរការ ហើយមានការជួបជុំគ្នាលេងល្បែងសុីសងជល់មាន់ ដោយមិនខ្លាច ឆ្លងជំងឺកូវីដ.១៩ទៀតផង ដោយកំពុង​ដំណើរការលេងយ៉ាងសប្បាយ។

ដែលមានទីតាំងខាងក្រោយ ដីទូល ភូមិប្រាសាទកើត ឃុំបន្លិចប្រាសាទ ស្រុកពាមរក៏ ខេត្តព្រៃវែង។
ហើយមិនឃើញមានអាជ្ញាធរ ឬសមត្ថកិច្ចចុះបង្ក្រាបឡើយ។

សេចក្តីរាយការណ៍ដ៏ដែលបានបន្តថា! កន្លែងសង្វៀនប្រជល់មាន់ បានបើកលេងសឹងរាល់ថ្ងៃ ហើយ មិនទាន់ឃើញសមត្ថកិច្ច ចុះបង្រ្កាបឡើយ សង្ស័យពួកគាត់មិនដឹង! ឬធ្វើមិនដឹង? ខណៈក្រុមអ្នកញៀនល្បែងជាច្រើនបានជិះឡាន ម៉ូតូ ដឹកមាន់ចូលទៅលេង ព្រមទាំងស្រែកហ៊ោ កញ្រ្ជៀវ ឡូឡាពេញទីតាំងពេលគេចាញ់ឈ្នះម្តងៗ ក្នុងពេលរាជរដ្ឋាភិបាលនិងក្រសួងសុខាភិបាលហាមឃាត់មិនអោយមានការជួបជុំទៀតផង។

ហើយបើយោងតាមប្រជាពលរដ្ឋដែលរស់នៅជិតទីនោះបាននិយាយតៗគ្នាថា! កុំឆ្ងល់អ្វីបើសិនគ្មានការទំនាក់ទំនងមិនអាចបើកលេងបាននោះទេ?

មជ្ឈដ្ឋាននានាសង្ឃឹមថា! អាជ្ញាធរមានសមត្ថកិច្ច ដែលជាប់ពាក់ព័ន្ធនឹងការទប់ស្កាត់បង្រ្កាបល្បែងសុីសង មេត្តាជួយចុះត្រួតពិនិត្យទប់ស្កាត់ល្បែងប្រជល់មាន់ខាងលើនេះផងទាន ដើម្បីឲ្យប្រជាពលរដ្ឋអស់ការមន្ទិលសង្ស័យ ថាជាប់ពាក់ព័ន្ធ មានការសហការបង្កើតល្បែងស៊ីសងដើម្បីបានប្រយោជន៍ចែកគ្នា។

ចំណែកឯរឿងករណីល្បែងសុីសងជល់មាន់ខាងលើ លោកសេង ពន្លក អធិការស្រុកពាមរក៌ នៅថ្ងៃទី១៣,០៦,២០២១នេះបានឲ្យគេហទំព័រ«ម្ចាស់ទន្លេមេគង្គ»ដឹងថា៖ចាំលោកឲ្យអធិការរងចុះស្រាវជ្រាវ ហើយលោក គ្រូវៃនេះ លោកធ្លាប់ចាប់ម្តងហើយរឿងឆក់ត្រី ហើយអរគុណណាស់ដែលបានរាយការណ៍មកដល់ខ្ញុំ។

ជាចុងក្រោយប្រជាពលរដ្ឋសូមសំណូមពរដល់លោកស្រី សេងទៀង អភិបាលស្រុកពាមរក៌ និងលោកព្រុំ សន្ធរ ស្នងការខេត្តព្រៃវែងមេត្តាជួយដាក់បទបញ្ជា ថ្នាក់ក្រោមដើម្បីជួយ ទប់ស្កាត់ ល្បែងសុីសងមាន់ជល់ទាំងនោះផងទាន!។
ដើម្បី ភូមិ ឃុំ មានសុវត្ថិភាពទាំង៧ចំណុច និង ៣កុំ ៣ការពារ។
ចុះបើមានការឆ្លងជំងឺកូវិដ១៩អ្នកណាទទួលខុសត្រូវ?៕ដោយ៖សហការី