(ខេត្ដស្វាយរៀង)៖ ទីតាំងល្បែងសុីសងអនឡាញដ៏ធំប្រចាំក្រុងបាវិត ខេត្ដស្វាយរៀងកំពុងបេីកដំណេីរការយ៉ាងគគ្រឹកគគ្រេង ដេីម្បីស្វាគមន៍អតិថិជនមកពីគ្រប់មជ្ឈដ្ឋានទាំងអស់ដោយមិនរំខានដល់អាជ្ញាធរមានសមត្ថកិច្ចនៅក្នុងមូលដ្ឋានឡើយដែលមានទីតាំងស្ថិតក្នុង ភូមិបាវិត សង្កាត់បាវិត ក្រុងបាវិត ខេត្ដស្វាយរៀង។ បើតាមអ្នកចេញចូលលេងល្បែងសុីលងខាងលើបានខ្សឹបប្រាប់អ្នកសារព័ត៌មានយើងថាទីតាំងខាងលើនេះគឺមានអាជ្ញាប័ណ្ណ ហើយពួកគាត់ចូលទៅលេងល្បែងសុីសងដោយមិនខ្លាចញញ្ញើតអ្វីឡើយ។ ពលរដ្ឋរស់នៅជិតទីតាំង បានឲ្យសារព័ត៌មានដឹងថា ចំពោះទីតាំងខាងលើនេះគាត់មិនដឹងថាមានច្បាប់ឬអត់ច្បាប់នោះទេដោយពួកគាត់គ្រាន់តែដឹងថាមួយថ្ងៃៗឃើញមានអ្នកញៀនល្បែងចូលទៅលេងជាហូរហែរសុទ្ធតែពលរដ្ឋខ្មែរចូលលេងជួនពេលខ្លះមានក្រុមអ្នកញៀនល្បែងចូលលេងពាក់ពពួនគ្នាយ៉ាងច្រើនកុះករទៀតផង។ កាលពីពេលថ្មីៗនេះក្រសួងសុខាភិបាលបានចេញសេចក្តីប្រកាសព័ត៌មានមួយជូនប្រជាពលរដ្ឋទូទាំងប្រទេសថាសូមមានការប្រុងប្រយ័ត្នចំពោះជំងឺកូវីត-១៩ទើបនឹងបំឡែងខ្លួនថ្មីឈ្មោះថា(អូមេក្រុង) ដោយឡែកទីតាំងល្បែងស៊ីសងមួយនេះហាក់មិនញញើតនឹងមិនគោរពតាមសរាចរណែនាំរបស់រាជរដ្ឋាភិបាលនឹងក្រសួងសុខាភិបាលនោះឡេីយ។ សូមរំលឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ក្រោមឱវ៉ាទ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាឲ្យបាននូវ សុខសុវត្ថិភាពជួនប្រជាពលរដ្ឋ ឲ្យស្របតាម គោលនយោបាយ ភូមិ ឃុំ មានសុវត្តិភាពទាំង ៧ចំណុច របស់រដ្ឋាភិបាល ដែលដាច់ចេញដោយក្រសួងមហាផ្ទៃ ។ ជុំវិញករណីខាងលើនេះដែរលោកវរសេនីយ៍ អែម សុវណ្ណារិទ្ធ អធិការនៃអធិការដ្ឋាននគរបាលក្រុងបាវិតបានប្រាប់សារព័ត៌មានយើងឲ្យដឹងថា ចំពោះទីតាំងនេះគឺគេមានអាជ្ញាប័ណ្ណមកពីកាសុីណូ។ ប្រជាពលរដ្ឋ សំណូមពរដល់អាជ្ញាធរមានសមត្ថកិច្ច ពិសេស លោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង មេត្តាចុះត្រួតពិនិត្យនឹងបង្ក្រាបល្បែងស៊ីសងខាងលើនេះដើម្បីរក្សាការពារសន្តិសុខនឹងភូមិឃុំមានសុវត្ថិភាពទាំង៧ចំណុចរបស់ក្រសួងមហាផ្ទៃជាពិសេសគឺសេចក្តីសុខរបស់ប្រជាពលរដ្ឋក្នុងមូលដ្ឋាន៕
(ខេត្ដកំពង់ធំ)៖ បុរសម្នាក់បានស្លាប់នៅនឹងកន្លែងកើតហេតុភ្លាមៗនិងម្នាក់ទៀតរងរបួសធ្ងន់បញ្ជូនទៅមន្ទីរពេទ្យ បង្កដោយឡានដឹកផលអនុផលព្រៃឈើ បើកបរក្នុងស្ថានភាពស្រវឹងបុកពីក្រោយខណៈពេលកំពុងដើរក្នុងទិសដៅស្របគ្នា។ ប្រភពពីកន្លែងកើតហេតុបានឲ្យដឹងថាករណីនេះកើតឡើងវេលាម៉ោងប្រមាណ ៦ៈ៤៥នាទីល្ងាចថ្ងៃទី ១២ តុលា ២០២១ នៅចំណុចភូមិបុស្សវែង ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ។ ករណីនេះដែរបង្កឡើងដោយរថយន្តម៉ាកសាំយ៉ុងពណ៌សពាក់ស្លាកលេខ (ភ្នំពេញ2H-4575) ដែលគេស្គាល់ថា ជាកម្មសិទ្ធិរបស់ឈ្មោះ ហួត រស់នៅ ភូមិកំពង់ធំសង្កាត់កំពង់រទេះ ក្រុងស្ទឹងសែនខេត្តកំពង់ធំ បើកបរទិសដៅពីខេត្តព្រះវិហារឆ្ពោះមកខេត្តកំពង់ធំក្នុងល្បឿនលឿនមកដល់ចំណុចភូមិ ឃុំខាងលើ ក៏បុកអ្នកដើរពីក្រោយតែម្ដង។ ពួកគាត់ប្រាប់បន្ថែមថា នៅពេលដែលជនបង្កបុកភ្លាម បានបើកឡានរត់គេចប៉ុន្តែដោយមានការអន្តរាគមន៍ពីប្រជាពលរដ្ឋខលទៅសមត្ថកិច្ច រថយន្តបង្កនិងម្ចាស់ត្រូវឃាត់ខ្លួនបាន នៅចំណុច ភូមិវល្លិ៍យាវ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។ ក្នុងហេតុការណ៍ដ៏រន្ធត់នេះដែរបណ្ដាលឱ្យបុរសម្នាក់ឈ្មោះឃួន ផុន អាយុ ប្រហែល ២៨ឆ្នាំ រស់នៅ ភូមិម្រាក ឃុំសាលាវិស័យស្រុកប្រាសាទបល្ល័ង្គ ស្លាប់នៅនឹងកន្លែងកើតហេតុភ្លាមៗ។ ដោយឡែកបុរសម្នាក់ទៀត ឈ្មោះ សាម វិបុល អាយុប្រហែល ១៦ឆ្នាំរស់នៅភូមិបុស្សវែង ឃុំសាលាវិស័យ ស្រុកប្រាសាទបល្ល័ង្ករងរបួសធ្ងន់បញ្ជូនមកព្យាបាលនៅមន្ទីរពេទ្យខេត្តកំពង់ធំ។ បច្ចុប្បន្នជនបង្កនិងវត្ថុតាងយកមករក្សាទុកនៅអធិការរដ្ឋាននគរបាលស្រុកប្រាសាទបល្ល័ង្គចំណាត់ការបន្តតាមនីតិវិធី។ លោកវរសេនីយ៍ត្រី សោម សាវ៉ាត អធិការស្រុកប្រាសាទបល្ល័ង្គបានបញ្ជាក់ប្រាប់ […]
(ខេត្តបាត់ដំបង)៖មុខសញ្ញាប្រុស ស្រី ចំនួន២នាក់ ត្រូវបានកម្លាំងអធិការដ្ឋាននគរបាលស្រុកសង្កែធ្វើការឃាត់ខ្លួន បន្ទាប់ពីជនសង្ស័យទាំង២នាក់ បានធ្វើសកម្មភាព យកប្រាក់ដុល្លារក្លែងក្លាយ ទៅធ្វើចរាចរណ៍នៅលើទីផ្សារ។ ការឃាត់ខ្លួននេះ បានធ្វើឡើង នៅថ្ងៃទី២២ ខែធ្នូ ឆ្នាំ២០២១ វេលាម៉ោង៨ និង ៣០នាទី ព្រឹក នៅចំណុច ភូមិជំនីក ឃុំអន្លង់វិល ស្រុកសង្កែ ខេត្ដបាត់ដំបង ក្នុងករណីដាក់អោយធ្វើចរាចរណ៍រូបិយវត្ថុ និង រូបិយប័ណ្ណក្លែងក្លាយ និង ករណីប៉ុនប៉ងលួច(ម៉ូតូ)។ ជនសង្ស័យទាំង ២នាក់ គឺ ១.ឈ្មោះ ម៉ាន សំណាង ភេទប្រុស អាយុ២៣ឆ្នាំ មានទីលំនៅ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ២.ឈ្មោះ ថ ស ភេទស្រី អាយុ១៦ឆ្នាំ មានទីលំនៅ រាជធានីភ្នំពេញ។ នៅមុនពេលឃាត់ខ្លួន គឺជនទាំងពីរបានធ្វើសកម្មភាពយកក្រដាសប្រាក់ដុល្លារក្លែងក្លាយទៅទិញអីវ៉ាន់នៅតូបលក់អីវ៉ាន់របស់ជនរងគ្រោះ ឈ្មោះ ឆាយ សុភាព ហៅ ទុង ភេទប្រុស […]
