បាក់រណ្តៅដីបូមរករ៉ែមាស បណ្តាលឲ្យស្លាប់មនុស្ស ៤នាក់ នៅស្រុកសណ្ដាន់

May 6, 2023 adm Comment(0)

ខេត្តកំពង់ធំ៖យ៉ាងហោចណាស់មាន មនុស្ស ៤នាក់ បានស្លាប់ នៅក្នុងហេតុការណ៍បាក់រណ្ដៅដីបូមរករ៉ែមាសមួយកន្លែង នៅភូមិស្នងអន ឃុំសុចិត្រ ស្រុកសណ្ដាន់ ខេត្តកំពង់ធំ កាលពីថ្ងៃទី ០៤ ខែ ឧសភា ឆ្នាំ ២០២៣ ម្សិលមិញនេះ ។

ប្រភពពូសមត្ថកិច្ចបានឱ្យដឹងថា ជនរងគ្រោះ ៤នាក់ ដែលបាត់បង់ជីវិតរួមមានឈ្មោះ៖ ទី១-ឈ្មោះ បៀន ហោ ភេទប្រុស អាយុ ២៨ ឆ្នាំ រស់នៅភូមិវាលព្រីង ឃុំឈើទាល ស្រុកសណ្ដាន់
ទី២-ឈ្មោះ សុខ ឈាន់ ភេទប្រុស អាយុ ៣៨ឆ្នាំ រស់នៅភូមិផ្ទោល ឃុំមានជ័យ ស្រុកសណ្ដាន់
ទី៣-ឈ្មោះ យឹម ចិត្ត ភេទប្រុស អាយុ ៣១ ឆ្នាំ រស់នៅភូមិ វាលព្រីង ឃុំឈើទាល ស្រុកសណ្ដាន់
ទី៤-ឈ្មោះ ពេល វុទ្ធី (តាវ៉ែនតា) ភេទប្រុស អាយុ ២៩ឆ្នាំ រស់នៅភូមិទួលថ្ម ឃុំតាឡោស្រុកបាកាន ខេត្តពោធិ៍សាត់ ។

ចំណែកម្ចាស់រណ្ដៅដីបូមរ៉ែមាស ឈ្មោះ ស្វាយ ភឿន អាយុ ៣៣ឆ្នាំ ប្រពន្ធ ឈ្មោះ មឿន សុខវី អាយុ ៣១ឆ្នាំ រស់នៅភូមិវាលព្រីង ឃុំឈើទាល ស្រុកសណ្តាន់ ខេត្តកំពង់ធំ ។

បច្ចុប្បន្នសាកសពទាំង ៤នាក់ត្រូវបានក្រុមគ្រួសារសាច់ញាតិបង បងប្អូនយកទៅធ្វើបុណ្យទៅតាមប្រពៃណី ៕

adm

ព័ត៌មានសន្តិសុខសង្គម

ឃាត់គ្រឿងចក្រ១គ្រឿងដែលលួចឈូសឆាយដីគម្របព្រៃជាប់ជើងភ្នំខុសច្បាប់ក្នុងឃុំស្រែថ្មី

September 20, 2021 adm

(ខេត្ដកំពង់ឆ្នាំង)៖ បន្ទាប់ពីទទួលបានព័ត៌មានពាក់ព័ន្ធនិងករណីមានជនបាននាំយកគ្រឿងចក្រចូលទៅវ៉ៃព្រៃ ដែលជាដែនគម្របព្រៃឈើ កម្លាំងសមត្ថកិច្ចមន្ត្រីរដ្ឋបាលព្រៃឈើ បានចុះទៅឃាត់បញ្ឈប់សកម្មភាពអេស្កាវ៉ាទ័រមួយគ្រឿង និងរៀបចំនាំម្ចាស់ដី ម្ចាស់គ្រឿងចក្រអេស្កាវ៉ាទ័រ មកធ្វើការសួរនាំតាមនីតិវិធីច្បាប់ ។ ការឃាត់អេស្កវ៉ាទ័រខាងលើនេះធ្វើឡើងកាលពីម៉ោង ១០និង៣០នាទីព្រឹក ថ្ងៃទី២០ ខែកញ្ញា ឆ្នាំ២០២១ នេះ នៅចំណុចជើងភ្នំមួយកន្លែងចូលតាមច្រកផ្លូវប្រស្និប ស្ថិតក្នុងភូមិអណ្តូងឬស្សី ឃុំស្រែថ្មី ស្រុករលាប្អៀរ ខេត្តកំពង់ឆ្នាំង ។ សកម្មភាពកកាយវ៉ៃព្រៃតាមចង្កេះភ្នំតំបន់ខាងលើនេះដោយ សំអាងយោងតាមលិខិតស្នើសុំដឹកពង្រាប ដី និងធ្វើផ្លូវថ្មី ពីមេភូមិអណ្តូងឬស្សី និងមេឃុំស្រែថ្មី ខណៈដីនៅតំបន់នោះគឺជាគម្របព្រៃរបស់រដ្ឋ ។ សកម្មភាពកកាយវ៉ៃព្រៃវាតយកដីតាមចង្កេះភ្នំដែលជាដីគម្របព្រៃនេះកក្រើកខ្លាំងឡើងខណៈប្រជាពល រដ្ឋនៅតំបន់នោះបានឲ្យដឹងថា បច្ចុប្បន្ននេះដីនៅត្រង់ចំណុចនោះហក់ឡើងថ្លៃខ្លាំង មានតម្លៃរហូតដល់ ១០ដុល្លាអេមេរិកក្នុងមួយម៉ែត្រក្រឡា ។ ក្រោយធ្វើការឃាត់សកម្មភាពគ្រឿងចក្រខាងលើ កម្លាំងសមត្ថកិច្ចរដ្ឋបាលព្រៃឈើដែលចុះទៅ រៀបចំនីតិវិធីជំនាញ នាំយកអេស្កវ៉ាទ័រ និងមនុស្សអ្នកពាក់ព័ន្ធមកធ្វើការសួរនាំ និងកសាងសំណុំរឿងតាមច្បាប់ ៕

ព័ត៌មានរាយការណ៍ ព័ត៌មានសន្តិសុខសង្គម

ឆ្លងចរន្តអគ្គិសនី ធ្វើអោយឆេះផ្ទះលក់គ្រឿងភ្លើងមួយកន្លែង រាលដល់ផ្ទះជិតខាង បានបំផ្លាញទ្រព្យសម្បត្តិអស់ជាច្រើន.!

August 19, 2021 adm

(ភ្នំពេញ)៖ អគ្គិភ័យកើតពីការឆ្លងចរន្តអគិ្គសនីបានឆាបឆេះផ្ទះលក់គ្រឿងអគ្គិសនីមួយកន្លែងនៅផ្លូវ៤០ សង្កាត់ទំនប់ ទឹក ខណ្ឌបឹងកេងកង កាលពីព្រឹកថ្ងៃទី១៩ ខែសីហា ឆ្នាំ២០២១ ។ មន្ត្រីមូលដ្ឋានបានឱ្យដឹងថា ម្ចាស់ផ្ទះឈ្មោះ Chen You Bing ភេទប្រុស អាយុ៥១ឆាំ្ន មុខរបរ អាជីវករ លក់គ្រឿងអគិ្គសនី។ គ្រោះអគ្គិភ័យនេះបណ្តាលឱ្យឆេះផ្ទះលែ្វង ទំហំ៤ម៉ែត្រគុណ១៦ម៉ែត្រ១លែ្វង, និង ឆេះគ្រឿងអគ្គិសនីដែលស្តុកទុកក្នុងផ្ទះប្រហែល៦៥ភាគរយ និង បានបណ្តាលឱ្យ ឆេះរោលដល់ផ្ទះជិតខាងចំនួន២លែ្វង។ ក្នុងការជួយអន្តរាគមន៍នេះបណ្តាលឱ្យមន្ត្រីអគ្គិភ័យម្នាក់ឈ្មោះ ឌួង ចាន់សត្យា អាយុ៣៣ឆាំ្ន រងរបួស។ សមត្ថកិច្ចបានប្រើប្រាស់រថយន្តពន្លត់អគ្គិភ័យ១៣គ្រឿង ប្រើទឹកអស់៣៧រថយន្ត ទើបគ្រប់គ្រងស្ថានការណ៍បានទាំងស្រុង។ចំពោះទំហំនៃការខួចខាតសមត្ថកិច្ចមិនទាន់ដឹងនៅឡើយទេព្រោះកំពុងសម្រង់ចំនួន៕

ព័ត៌មានសន្តិសុខសង្គម

នោះ! កន្លែងភ្នាល់បាល់សុីសងតាមអនឡានដ៏ធំមានយីហោ《កាសារ》ក្នុងសង្កាត់ស្រះចក ខណ្ឌដូនពេញ បេីកដំណេីរកាយ៉ាងរលូន

February 9, 2022 adm

(ភ្នំពេញ)៖ ទីតាំងបេីកល្បែងស៊ីសងភ្នាល់បាល់ដ៏ធំមួយនៅកែងគល់ស្ពានជ្រោយជាប់ផ្លូវលេខ៧២ ស្ថិតនៅសង្កាត់ស្រះចក ខណ្ខដូនពេញចាប់ផ្តេីមបេីកដំណេីរការឡេីងវិញហេីយ ដេីម្បីស្វាគមន៍អតិថិជនគ្រប់វ័យមកពីគ្រប់មជ្ឈដ្ឋានចូលលេងទាំងថ្ងៃទាំងយប់សម្រាប់អ្នកចូលចិត្តលេងល្បែងភ្នាល់បាលនេះ ហ៊ាក់មិនញញើតអាជ្ញាធរមានសមត្ថកិច្ចឡើយ។ កាលពីពេលថ្មីៗនេះក្រសួងសុខាភិបាលបានចេញសេចក្តីប្រកាសព័ត៌មានមួយជូនប្រជាពលរដ្ឋទូទាំងប្រទេសថា សូមមានការប្រុងប្រយ័ត្នចំពោះជំងឺកូវីត-១៩ ដែលទើបនិង បំឡែងខ្លួនថ្មីឈ្មោះថា (អូមេក្រុង)ដោយឡែកទីតាំងល្បែងស៊ីសងមួយនេះហាក់មិនញញើតនឹងមិនគោរពតាមសរាចរណែនាំរបស់រាជរដ្ឋាភិបាលនិងក្រសួងសុខាភិបាលនោះឡេីយ។ សូមជម្រាបថា កន្លងមក លោក ឃួង ស្រេង អភិបាល រាជធានីភ្នំពេញ បានប្រាប់ឲ្យ អភិបាលខណ្ឌទាំង១៤ ចុះបង្ក្រាបទីតាំងដែលបង្កប់ល្បែងភ្នាល់គ្រប់ប្រភេទដូចជា ហ្គេមបាញ់ត្រី ហ្គេម Internet Online និងល្បែងស៊ីសងផ្សេងៗទៀត។ លោក ឃួ ង ស្រេង បានបញ្ជាក់ទៀតថា បើសិនជារកឃើញថា ទីតាំងណាដែលបើក ល្បែងស៊ីសង ហ្គេមបាញ់ត្រី សេវាកម្ម Internet លួចបង្កប់ ការលេងល្បែងស៊ីសង Online ត្រូវតែចាត់វិ ធានការតាមផ្លូវច្បាប់ បិទអាជីវកម្មនោះ ហើយត្រូវធ្វើការឃាត់ខ្លួនម្ចាស់អាជីវកម្មនោះផងដែរ។ ការបញ្ជានេះធ្វើឡើង ក្នុងកិច្ចប្រជុំ គណៈបញ្ជាឯកភាពរាជធានីភ្នំពេញ ដោយមានការចូលរួម ពីអភិបាលរង រាជធានីភ្នំពេញ ស្នងការនគរបាលរាជធានីភ្នំពេញ អាជ្ញាធរខណ្ឌទាំង១៤ រួមទាំងមន្ដ្រីជំនាញពាក់ព័ន្ធជាច្រើនរូបទៀត។ សូមបញ្ជាក់ថា លោក […]